QURAN-O-ITRAT ACADEMY

Question: salam islam mai larko ky liya modling jayez hy ya nahe jawab jaldi dy pehly b sawal kar chuka ho jaw nahe mila

Answer: It is not permissible to getting into a haram act. (Ref: E-mail rcvd from A.Sistani(d.b), dated: 1,may-12) Translation: kisi haram kaam me daakhil hone ki ijazat nahi hay. ). (Khuda aap ki tawfiqaat mein izafa farmaye)

Question: Mujhe apni sali se piyar ho gaya hai kiya ye gunah hai?

Answer: 1)Saali Na-Mahram hai. (Ref : Tauzeeh e ul masayl Ayat Ullaha Sistani (d.b.) Masla # 2349). 2) jins e mukhalif se dosti kerna jaiz nahei koun ke ghuna me mubtila hone ka khof majood he. ( kitab nigah aur libas ques # 106 , pg # 69). 3)kisi bhi ghair ekhteri amal per shariat koi hukum nahi lagati laikin yaad rahey k shariat kisi bhi aisay irtebat ya mulaqaat ki ijazat nahi deti jo in’hain haram ki taraf le janey wala ho. (Mujthid se poushey gye sawalat part # 3, ques # 137, pg # 65) 4)Agar koe shakhs kisi aurat se shadi karay to chahay wo daimi nikah karay ya muta karay jab tak wo aurat is k nikah me he wo shakhs is ki behen se shadi nahi kar sakhta. (Ref : Tauzeeh e ul masayl Ayat Ullaha Sistani (d.b.) Masla # 2355). (Khuda aap ki tawfiqaat mein izafa farmaye)

Question: Agar main kisi se muhabbat karta hu aut wo mujh se mahabbat nai karti to plzzzz koi aisa taeeeqa batain k wo bhi mujhy se muhabbat kary aur meri taraf raghib ho

Answer: Na-mehram say mohabbat kerna jaiz nahi hay q k ghunnah may parhnay ka khof mojood hay. (Ref : Website ayatollah sistani d.b. ques no 10 topic internet, http://sistani.org/index.php?p=815209&id=1739&page=1&perpage=10). (Khuda aap ki taufiqaat main izafa fermaay)

Question: AoA.agar accidentally behen ki upper body without cloth per nazar pargai lekin koi shahwat mehsoos na ho tou kia ye gunah hoga?aur kya behen say mujhay mafi mangni chahiay?

Answer: Jo mard aur aurat apas mai mehram hon agar wo lazat ki niyat na rakhtay hon aur haram mai mubtila honay ka khof na ho to sharamgah k alawa aik doosray ka pura badan dekh sakay hain. (Ref: Ayatullah Sistani(d.b),Tauzee hul masail, maslah # 2401)(Khuda aap ki tawfiqaat mein izafa farmaye).

Question: Maa Apne betay ko apne jism k kon kon se parts dikha sakti hay . baligh ya na balgh dono

Answer: Maa apnay baitay ko agar lazzat ki niyat na ho aur haram mai mubtila honay ka khof na ho to sharamgah k alawa pura badan dikha sakti hai. (Ref: Ayatullah Sistani(d.b),Tauzee hul masail, maslah # 2401) (Khuda aap ki tawfiqaat mein izafa farmaye)

Question: kia kisi muslim mard ka kisi mard ko bosa dena jayez hai?

Answer: Mard ka mard ko jinsi lazzat ki niyat sai bosa dena haram hai. (Ref : Jaded Faqhi Masayl Ayat ullaha Sistani d.b. Masla # 500 pg # 261)(Khuda aap ki tawfiqaat mein izafa farmaye).

Question: please muje btaein ager suser bahu k sath galat harkat(sex) ki bat kry ya kerny ki koshish kry ya zabrdasti usko kiss kry ya touh kry to Quran ki roshni main kia hukam hai? please reply me fast

Answer: Bahu or susar apas main mehram hain, is liay agar touch aur kiss kerna lazzat k iraday aur gunah mai mubtila honay k khoof k baghair ho tu koe haraj nahi (warna ye kaam haram hai).(Ref:book nigah aur libaas masla#118,pg#72). (Khuda aap ki tawfiqaat mein izafa farmaye)

Question: mai apne phopho k bete se bht pyar krti hn wo b bht krta hai family problem ki wja se ghr wale ni man rhe hm dono k koi surat bta dain plz mai wait krun ge

Answer: Surah e ahzaab surah # 33 ko hath say likh kar aik dabbay(box) mai band kar k apnay ghar may hifazat say rakh dain aur is surah ko har rooz aik bar parh kar dua mangain to hisb e manshah rishta distiab ho ga. (Ref : Naway e salaheen pg # 352) Wazifa bayan karnay k sath aap ko is fiqhi maslay ki taraf bhi mutwajjah kiya jata hay k : jins e mukhalif se dosti kerna jaiz nahei koun ke ghuna me mubtila hone ka khof majood he. (Ref : kitab nigah aur libas ques # 106 , pg # 69). (Khuda aap ki tawfiqaat mein izafa farmaye)

Question: kya photography ka busines theek hai?

Answer: G han jaiz hai. (Ref : Ayatullah Sistani(d.b),Tauzeehul masail , edition # 1414 , maslah # 2016 , ALLAH TAALA tofiqaat main izafa farmaae).

Question: Mny apny friend sy jhoot bol k khuda ki kasam uhta di keo k bd m bht fassad bn jata is ly jhooti kasam uhta li kya ye gunnah ha

Answer: Agar koi shakhs qasam khaye aur agar jooth bool raha ho to haram he, laikin is k koe kaffara nahi hota hay. (Ref: Ayatullah Sistani(d.b),Tauzee hul masail, maslah # 2634, 2638) . Update on dated 04-28-17. (Khuda aap ko Uloom e Aal e Muhammad(s.a.w.w) sekhne ka ajar ata farmaey).