QURAN-O-ITRAT ACADEMY

Question: Asalam o Alaikum. Mera question hy kh agr husband aur wide ny humbistri ki aur baad mein buchy ny doodh pina chaha, tu kia meri wife wuzu ker ky buchy ko doodh pila sukti hy ya wo phly gusal kery aur phir buchy ko doodh pilay. Shukria

Answer: Halat e janabat main aurat k liay apne bachay ko dhoodh pilana jaiz hay or wajib nahi hay k ghusl e janabat kerne k baad ya wuzu ker k bachay ko dhoodh pilay(Ayatullah Sistani(d.b),Tauzee hul masail, maslah # 354,355). (Khuda aap ki tawfiqaat mein izafa farmaye)

Question: Salam,aurat se hambistari karte waqt meri najasat(mani) aurat ko lage to kia uspar gusl wajib hoga,

Answer: 1-Do cheezo say insaan junub(halat e janabat) hojata hay. i) jima(intercourse) or ii) mani(semen) k kharij(nikalnay say) honay say,chahay mani(semen) neend ki halat main niklay ya jaagtay main,kam ho ya ziyadah,shehwat(lazzat) k saath niklay ya baghair shehwat(lazzat) k or iska nikalna ikhtiyaar main ho ya nahi. 2-Agar koe shakhs aurat se jimma karay aur azo e tanasul supari ki miqdar tak ya is se ziada dhakil ho jay to chahae ye dkhool fraj me ho ya pichlay maqam me aur chahae wo balig ho ya na balig aur chahae mani kharij ho ya na ho donoo junub ho jatay hein.aur ghusl e janabat wajib ho hata he. (Ref : Tauzeeh e ul masayl Ayat Ullaha Sistani (d.b.) Masla # 348) 3-Ghusl e janabat wajib namaz parhney k lie aur aisi dosri abadat k lie wajib hota he. Lakin namaz e miyat , sijda e sahv , sijda e sukhar aur quran majeed k wajib sajdoon k lie ghusl e janabat zurari nahi he. (Ref: sistani(d.b),Tauzee hul masail, maslah#344 , 356). (Khuda aap ki tawfiqaat mein izafa farmaye)

Question: Salam-o-alaikom Ma ye janna chahta hun ke mani semens ke chand qatre peshab karne se pehle ya peshab karne ke bad kharij ho jain to kiya ghusal karna faraz ho giya.

Answer: Agar yaqeen ho k mani hi nikli hay to namaz roza or is jaisi degar ibdaat k anjaam dainay k liay ghusl karna wajib ho ga. (Ref: Ayatullah Sistani(d.b),Tauzee hul masail, maslah # 356 ) Aur wo ratoobat jo baaz awqaat peshab k baad niklti hay osay wadi kehtay hain agar peshab is say mila hua na ho to wo pak hay aur ghusl bhi wajib nahi hota hay. (Ref: Ayatullah Sistani(d.b),Tauzee hul masail, maslah # 70 ). (Khuda aap ki tawfiqaat mein izafa farmaye)

Question: assalamo alaykum. "nawaytu anigtsali min gusalil janabati aaujo billahe minas saytanir rahim bismillah hirrahmanir rahim, bismillah hil azime wal hamdu lilahe ala dinil islam." kya gusl ki ye duaa sahi he

Answer: Ghusl e janabat ki dua mustahab he wajib nahi or dua ye hay k .(Allaa humma tah’hir qalbee wataqabbal saa’yee waj’al maa indaka khairallee, alla hummaj alnee minat tawwabeena waj alnee minal muat tahhireen)( اللهم طهر قلبي وتقبل سعيي واجعل ما عندك خيراً لي ، اللهم اجعلني من التوابين واجعلني من المتطهرين) (Ref : sistani(d.b),urwatul wusqa part#1, [683] ka masla#22 ). (Khuda aap ki taufiqaat main izafa fermaay)

Question: salam, i want to ask that some time with out any reason liquid discharge from vagina or clitoris........kia is tarah dono surato mai ghusal e janabat wajib ho jata hai?

Answer: Wo ratubat jo aurat say shehwat k saath Khaarij hoti hay Agar is Hadd tak ho kay usay Inzaal Kaha ja sakay aur libaas ko aalooda kar day , jo aam tor par us waqt nikalti hay jab aurat jinsi shehwat ki Intihaa tak pohunch jaey to ye Najis bhi hay aur is aurat ko Mujnib(Jis par ghusl wajib hota hay) shumaar kiya jaey ga aur us par ghusl e janabat bhi wajib hoga. (Ref : Tauzeeh e ul masayl Ayat Ullaha Sistani (d.b.) Masla # 345) (Khuda aap ki tawfiqaat mein izafa farmaye)

Question: Salam. Sir. Ineed to know that if there is no intercourse and no semon but had orgasm after some intimate activity with husband, then ghusal will wajib or not

Answer: Note : Is web site per faqat fiqh e jaffaria k mutabiq jawabat diey jatay hein. If she reach climax and has discharge then that discharge is najis and ghusl al-janabah is required too (ref. Recive e mail from imam ali foundation eanswer@najaf .org) Terjuma :agar wo aurat shehwat ki inteha tak pohach jaay aur ratubat (semen) kharij ho chuki ho to ye ratubat (semen) najis hai aur is aurat per ghusl janabat wajib hai. (Khuda aap ki tawfiqaat mein izafa farmaye).

Question: AoA.. Sir mera sawal ye hai k agar me ksi larki k sath kuch dair guzarta hun or usko touch krta ho ya kiss krta hun.. Or agar aista krny sy mery penis sy safed ktry yani mazi kharj ho jaye tho kya mai ghusal krunga ya bs sirf wazo krunga

Answer: 1)Wo ratubat jo khabi khabi shawat ubhrney per mard k peshab ki nali se kharij hoti he usay mazi kahte hein aur wo paak he. Us se ghusl wajib nahi hota or wuzu bhi batil nahi hota.(Ref : Tauzeeh e ul masayl Ayat Ullaha Sistani (d.b.) Masla # 70,71). 2)Agar aap ko kisee tarah bhee yeh yaqeen ho jaye keh yeh ratoobat mani hay to phir yeh mani hee samjhee jaye gee. Aur agar maloom na ho raha ho to phir 3 alaamatein daikhee jayengee. 1)Shewat key saath niklay 2) Uchal ka nikley 3) Nikalney key baad badan sust ho jaye. Laikin bemar honey kee sorat mein dosri aur tisri alaamat zaroori nahi hay.(Ref:Ayat Ullah Seestani(d.b), Tauzee hul masail, maslah#345) (Khuda aap ki tawfiqaat mein izafa farmaye) 3)jins e mukhalif se dosti kerna jaiz nahei koun ke ghuna me mubtila hone ka khof majood he. ( kitab nigah aur libas ques # 106 , pg # 69). (Khuda aap ki tawfiqaat mein izafa farmaye) 4)Bivi k alawa kisi bhi na.mehram ko lazzzat k iraday se chomna ya os se kisi bhi qisim ki jinsi lazzat hasil kerna haram hay ghunah e azeem hay.(Ref:Ayatullah Sistani(d.b), Minhajus Saliheen,Part#1, Maslah#30 )(Ref:Ayatullah Sistani(d.b), Minhajus Saliheen,Part#1, Maslah#30 ) (Khuda aap ki tawfiqaat mein izafa farmaye)

Question: Salam alikum may janna chahta hu ke.Jab hai mey raat me sota hu mujhe one katra ahtelam ho jata hai halake napake anderbiar me nahi lagta hai.Ab mey kay karu plz help me

Answer: 1)Wo ratubat jo khabi khabi shewat ubhrney per mard k peshab ki nali se kharij hoti he usay mazi kahte hein aur wo paak he. Us se ghusl wajib nahi hota or wuzu bhi batil nahi hota.(Ref : Tauzeeh e ul masayl Ayat Ullaha Sistani (d.b.) Masla # 70,71). 2)Agar aap ko kisee tarah bhee yeh yaqeen ho jaye keh yeh ratoobat mani hay to phir yeh mani hee samjhee jaye gee. Aur agar maloom na ho raha ho to phir 3 alaamatein daikhee jayengee. 1)Shewat key saath niklay 2) Uchal ka nikley 3) Nikalney key baad badan sust ho jaye. Laikin bemar honey kee sorat mein dosri aur tisri alaamat zaroori nahi hay.(Ref:Ayat Ullah Seestani(d.b), Tauzee hul masail, maslah#345) (Khuda aap ki tawfiqaat mein izafa farmaye)

Question: Salam mera sawal ye hai k larki ki sharm gaa k sy jo pani nikalta hai kisi be time kia us jism napak ho jata hai means k daily aata hai thora thora

Answer: Aurat k sharamgaah se nikalne wali har ratubat najis nahi hay sirif wo ratubat jo aurat say shehwat k saath Khaarij hoti hay Agar is Hadd tak ho kay usay Inzaal Kaha ja sakay aur libaas ko aalooda kar day , jo aam tor par us waqt nikalti hay jab aurat jinsi shehwat ki Intihaa tak pohunch jaey to ye Najis bhi hay aur is aurat ko Mujnib(Jis par ghusl wajib hota hay) shumaar kiya jaey ga aur us par ghusl e janabat bhi wajib hoga. (Ref : Tauzeeh e ul masayl Ayat Ullaha Sistani (d.b.) Masla # 345) (Khuda aap ki tawfiqaat mein izafa farmaye)

Question: Mera question hai ki agar kuch sex ki baat socho to penis se white colour ka liquid nikalta hai kya jab namaz ho sakti hai.

Answer: 1)Agar haram k baray mai sochna, mani niklnay ka sabab banay to ehtiyat e mustahabb hai k osay trk kia jay. (Ref : Mujtahid se pochay gaey sawalaat, part # 2, sawaal # 199). 2)Agar aap ko kisee tarah bhi yeh yaqeen ho jaye keh yeh ratoobat mani hay to phir yeh mani hee samjhee jaye gee aur namaz aur doosri abadaat k lye ghusl e janabat karna zaroori hay. 3)Aur agar maloom na ho raha ho to phir 3 alaamatein daikhee jayengee. 1)Shewat key saath niklay 2) Uchal ka nikley 3) Nikalney key baad badan sust ho jaye. Laikin bemar honey kee sorat mein dosri aur tisri alaamat zaroori nahi hay.(Ref : Ayat Ullah Seestani(d.b), Tauzee hul masail, maslah#345)(Khuda aap ki tawfiqaat mein izafa farmaye).