QURAN-O-ITRAT ACADEMY

Question: sir plz tell me agar gusal e janabt se pehly he haiz a jae to kya phr b janabt ka gusal krna ho ga ? ya haiz se farig hunay k bad he gusal ho ga?

Answer: Note : Is website per fiqha e jaffaria k mutabiq jawabaat diay jatay hain. Ghusl e janabat wajib namaz parhney k lie aur aisi dosri abadat k lie wajib hota he aur q k haiz k aalam mai namaz haram ho jati hai is lie haiz sai pak honay k bad ghusl janabat namaz parhnay k lie wajib ho jae ga. (Ref: Ayatullah Sistani(d.b),Tauzeehul masail 31st edition, maslah # 356)(Khuda aap ki tawfiqaat mein izafa farmaye).

Question: agar mad ka uzu khas, aurat k vegina se touch ho jaye but dakhool na hua ho to kiya ghusal wajib ho jata hai ya dakhool k bagher aur mani k nikaly bagher ghusal wajib nahi hota??

Answer: Do cheezoo sai insan mujnib ho jata hai jis mai sai aik jima (intercourse) aur dosera mani ka kharij hona laikin agar mard ka penis aurat k vargina sai touch ho to ghusl wajib nahi ho ga. (Ref: Ayatullah Sistani(d.b),Tauzeehul masail 31st edition, maslah # 344-49)(Khuda aap ki tawfiqaat mein izafa farmaye).

Question: ehtelam hogaya .... kya ghusal k baad trouser k sath shirt b change karna lazim hoga jab k shirt aur vest pe kuch nahi laga tha... please answer .... and ghusal mein wazoo b shamil hai? thanks

Answer: Ghusl e janabat k baad dubara wohi kapray pehan saktay hain agar wo kapray pak hon is k alawa ghusl e janabat krnay k bad namaz parhnay k lie zaroorai hai k wazoo na karay. (Ref: Ayatullah Sistani(d.b),Tauzeehul masail 31st edition, maslah # 356-89)(Khuda aap ki tawfiqaat mein izafa farmaye).

Question: jab mian biwi sth ho par sex na karin lakin pani khariz ho to kia gusal lazim hy ya nahi.? ya phr sex karin par mani karij na ho or pani hi kharij ho to kia gusal lazim hy ya insan sirf us jaga ko dho kr nimaz parh skta hy

Answer: Jo ratubat insan biwi k sath shehwat angaiz tasawarat k waqt apni sharamgah mai mehsoos karta hai wo pak hai aur is sai ghusl bhi wajib nahi hota hai. (Ref: Ayatullah Sistani(d.b),Tauzeehul masail 31st edition, maslah # 345) (Khuda aap ki tawfiqaat mein izafa farmaye)

Question: sir mein dr ho mujah apsey ye swal karna ha k aurat k breast wagaira ko cherna ya chimtana sath us sey penis sey pani ka nikalna hota ha kia aisi sorat mein ghusal farz ha.

Answer: Mard jo ratubat apni biwi sai shehwat anghais tasaworaat k waqt insan apni sharamgah me mahsoos karta hai wo pak hai is se ghusal bhi wajib nahe hota hai aur na wazu batil hota hai. laikin agar os ratubat k mani honay ka yaqeen ho to phir ghusl wajib ho jae ga. (Ref : Tauzeeh e ul masayl Ayat Ullaha Sistani (d.b.) Masla # 345)(Khuda aap ki tawfiqaat mein izafa farmaye).

Question: Sir ! Mera Question ye hai k , kia ehtalam k bad suba uth kar Nahaya baghir break-fast kiya ja sakta hai ?? Islam mein is k baray mein kia hukam hai ... Please bta dain ..

Answer: Khana aur pina mujnib par makrooh hai laikin agar hath moo dho lai aur kulli kar lai to makrooh nahi hai aur agar srif hath dho lai to bhi karahat kam ho jae gi. isi terah mujnib k lie sona(sleeping) bhi makrooh hai albetta agar wazo kar lai to makrooh nahi hai. (Ref: Ayatullah Sistani(d.b),Tauzeehul masail 31st edition, maslah # 355)(Khuda aap ki tawfiqaat mein izafa farmaye).

Question: Jima k bad ghusal k bare me quran k Kia ahkam Kia he, ghusal foran krna chie ya Suba uth k b Kia ja sakta he (ghusal late krne se Guna hota he ya nahi)

Answer: Ghusl e janabat foran karna wajib nahi hai bal k wajib namaz parhney k lie aur aisi dosri ibadat k lie wajib hota he. Lakin namaz e miyat , sijda e sahv , sijda e sukhar aur quran majeed k wajib sajdoon k lie ghusl e janabat zurari nahi he. (Ref: sistani(d.b),Tauzee hul masail, maslah#344 , 356)(Khuda aap ki tawfiqaat mein izafa farmaye).

Question: assalam alaikum, agar kisi ladki se baat karte huye penis se pani aa jaye to kya mai napak ho jayunga aisi surat me kya mai namaz par sakta hu? kya nahana jaroori hai aisi halat me? plz clarify my doubt. sukriya

Answer: 1)Wo ratoobat jo khabi kabar shewat ubhrnay par mard ki sharamgah sai kharij hoti hai osi mazi kehtay hain aur wo paak hai. (Ref: Ayatullah Sistani(d.b),Tauzee hul masail, maslah # 70) 2)Do cheezo say insaan junub(halat e janabat) hojata hay. i) jima(intercourse) or ii) mani(semen) k kharij(nikalnay say) honay say,chahay mani(semen) neend ki halat main niklay ya jaagtay main,kam ho ya ziyadah,shehwat(lazzat) k saath niklay ya baghair shehwat(lazzat) k or iska nikalna ikhtiyaar main ho ya nahi. 3)Ghusl e janabat wajib namaz parhney k lie aur aisi dosri abadat k lie wajib hota he. Lakin namaz e miyat , sijda e sahv , sijda e sukhar aur quran majeed k wajib sajdoon k lie ghusl e janabat zurari nahi he. (Ref: sistani(d.b),Tauzee hul masail, maslah#344 , 356)(Khuda aap ki tawfiqaat mein izafa farmaye).

Question: Zehen me gande khayalat ane say mani k aik do chote qatre nikal jain to kya ghusal karna farz ho jata hy ?? Agr nahi to kya just wuzu kar k namaz parhi ja sakti hy ?

Answer: 1)Haram k baray mai sochna agar inzal ka sabab na banay to ehtiyat e mustahabb hai k osay trk kia jae. (Ref : Mujtahid se pochay gaey sawalaat, part # 2, sawaal # 199,pg # 82) 2)Wo ratoobat jo khabi kabar shewat ubhrnay par mard ki sharamgah sai kharij hoti hai osi mazi kehtay hain aur wo paak hai. (Ref: Ayatullah Sistani(d.b),Tauzee hul masail, maslah # 70) 3)Do cheezo say insaan junub(halat e janabat) hojata hay. i) jima(intercourse) or ii) mani(semen) k kharij(nikalnay say) honay say,chahay mani(semen) neend ki halat main niklay ya jaagtay main,kam ho ya ziyadah,shehwat(lazzat) k saath niklay ya baghair shehwat(lazzat) k or iska nikalna ikhtiyaar main ho ya nahi. 4)Ghusl e janabat wajib namaz parhney k lie aur aisi dosri abadat k lie wajib hota he. Lakin namaz e miyat , sijda e sahv , sijda e sukhar aur quran majeed k wajib sajdoon k lie ghusl e janabat zurari nahi he. (Ref: sistani(d.b),Tauzee hul masail, maslah#344 , 356)(Khuda aap ki tawfiqaat mein izafa farmaye).

Question: main pochna chahti hon kay handpractice say orgasm hasil karny say(mani or ksi kism ki rtobat kharij na ho)gusal karna hota ha ya waisy hi namaz par sakty han.is bary main meri rahnomai kar dain detail say

Answer: Do cheezo say insaan junub(os par ghusl e janabat wajib) hojata hay. i) jima(intercourse) or ii) mani(semen) k kharij(nikalnay say) honay say, chahay mani(semen) neend ki halat main niklay ya jaagtay main, kam ho ya ziyadah, shehwat(lazzat) k saath niklay ya baghair shehwat(lazzat) k or iska nikalna ikhtiyaar main ho ya nahi. (Ref: Ayatullah Sistani(d.b),Tauzeehul masail 31st edition, maslah # 344)(Khuda aap ki tawfiqaat mein izafa farmaye).