QURAN-O-ITRAT ACADEMY

Question: Asslam-u-Aleikum, meera sawaal ya ha k agar koi promise jazbaat ma aak kr liya jae aur baad ma pta chlaee k ya promise deen saa doori ka baees bn rha ha tu kya promise toor saaktae hn ?

Answer: Jee han, torh sakte hain, balke is tarah ka wada karna ke jo deen se munharif hone ka sabab bane ye jaiz nahin hai. (Ref: Minhajus Saliheen, Ayatullah Sistani(d.b), part #1, edition #1443 hijri, maslah #30. + link: https://www.sistani.org/urdu/qa/02869/ ). [Updated on 09-Jan-2023:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Mery shohar mjhsy hlf uthwana chahty hain k mai apny ghar wln sa rabta na rkhn....mry shohar k mry ghr wln k sth kuch personal issues hain jiski wjah sa woh mjhsy hlf uthwa rhy....mai kya krn jabran hlf jaiz hai islam mai?????

Answer: 1: Agar kisi se zabardasti qasam uthwaai jaye to ye qasam durust nahin hai Q ke qasam apne irade aur ikhtiyar se khaayi jati hai. 2: Shohar apni biwi ko ghar se bahir jane se rokne ka haq rakhta hai lekin Shohar ke liye munaasib (behter) hai ke apni biwi ko ijazat de ke wo apne qareebi rishtedaron se mulaqaat kare or us ke khaandaan walon me se jo mareez hain un ki ayaadat kare or apne khaandaan walon ke marhomeen ke janazon me shirkat kare or is tarah ke kaam anjaam de balke shohar ke upper ye (cheez) wajib hai ke ijazat de itni miqdaar me ke (khaandaan waalon ke sath) naiki ka barqaraar rakhna jis ka taqaza karta hai or shohar ko ye haq hasil nahin ke biwi ko (ghar) se nikalne se mana kare jab biwi ka nikalna aise kaam ke liye ho jo biwi par wajib ho (jaise ke biwi ka wajib hajj ke liye nikalna), albatta shohor ko ye haq nahin puhanchta ke wo biwi ko apne walidain se bat cheet karne ya rabta rakhne se roke. (Ref: Ayatullah Seestani(d.b), Minhajus Saliheen, Part#3, Maslah #337,338). [Updated on 30-Jan-2023:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Imamo ki jhooti qasam khana

Answer: Jhoot bolna hi gunah e kabira hai aur is me agar kisi aisi cheez ki jhooti qasam khayei jaye jis ki azmat buland o baalaa ho jaise ke Allah, Rasool(s.a.w.w), Aimma(a.s), ya Quran ke jis ki agar jhooti qasam khayei jaye to is me shiddat aur barh jati hai. (Ref: Minhaj us Saliheen, Ayatullah Sistani(d.b), Part #1, Edition #1443 hijri, Maslah #30. + Tauzeeh ul Masail, Edition #42, Maslah #2638). [Updated on 31-Jan-2023:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Assalam alaikum Mera sawal hai Maine neeyat kee, ki jab bhi me koi makhsoos gunah karunga to 100 rupees sadqa karunga. Kya ye sadqe ke paise me MASJID me de sakta hu.

Answer: Aap ka ye amal nazar/mannat kehlaye ga lekin is men zaroori ke zaban se nazar ke alfaz adaa kiye jayen or Allah ka naam liya jaye lekin chonke aap ne nazar ke alfaz zaban se ada nahi kiye or Allah ka naam nahin liya, faqat niyat ki hai to ye nazar sahi nahin hai. lehaza aap par sadqa dene ki koi zimmedari nahin hai. (Ref:Minhajus , Ayatullah Sistani(d.b), Edition #1439, maslah #709). [Updated on 07-Feb-2023:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: agar koi qurat apne husband k samne qasam khai or quran uthai k me ye ye nhi krongi or bad me kahe k me apni qasam wapis leti hon to kia is ka gunah hoga usey?

Answer: Is tareeqe ki qasam khana durust nahin hai Q ke qasam Allah ke liye khayei jaati hai, kisi aur ke liye qasam khana, sharaei qasam nahin kehlati. lihaaza is qasam par koi gunah ya kaffara nahin hai Q ke ye qasam hi sahi nahin hai. (Ref: Tauzeeh ul masail, Ayatullah Sistani(d.b), edition #42, maslah #2633,2634). [Updated on 28-Feb-2023:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Agar koi banda haiz ki halat ma app ko zabardasti bole quran pak pe hath rakh ke qasam uthao ainda ye kaam ni kro gi to hum un ke dur ki wja se rakh de aur bad ma qasam toor de to kya kaffara ada krna ho ga?

Answer: Agar kisi se zabardasti qasam uthwaai jaye to ye qasam durust nahin hai Q ke qasam apne irade aur ikhtiyar se khaayi jati hai. aur dusri baat ye ke Quran par hath rakh kar qasam khana sahi nahin hai. aur qasam ke sahi hone ki sharait main se aik shart ye hai Allah ke naam ki qasam khayei jaye lihaza Quran ki qasam sharaei qasam nahin hai. aur kaffara bhi nahin hoga. (Ref: Tauzeeh ul Masail, Ayatullah Sistani(d.b), edition #42, Maslah #2634). [Updated on 27-Feb-2023:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Mainnny quran pak almari main rakha tha is pay hand aur moun kr aur b bht ai dene books rakhi the Allah sy kaha k ak buri adit jo phir ni kron ga but ab Shiad wo mujh sy toot jay g mean phir ho jay g Kia kafara

Answer: Is tarah ki qasam ka koe kaffara nahi hota. (Ref: tauzihul masael, ayatullah sistani, maslah#2333). [Updated on 25-May-2023:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Me me khyda ki qasm Khai hai ke me ye kam ni kroo ga ab wohii kam krne ka Dil kr raha hai me kia kroo ab??

Answer: Qasam ke sahi hone ki chand shartein hain: 1. Qasam khane wala balig or aaqil ho or apne irade aur ikhtiyar se qasam khaye. lehaza jo qasam jazbaat me khaai jaaye wo durust nahin. 2. Qasam khane wala jis kam ki qasam khaye, zaroori hai ke wo haram or makrooh na ho. lehaza haram ya makrooh kam ki qasam khana durust nahin. 3. Qasam khane wala Qasam men Allah ka aysa naam le jo kisi aur ke liye istemal na hota ho, lihaza quran ki qasam khana durust nahin. 4. Qasam khane wala Qasam ke alfaaz zaban par laye. lehaza agar qasam ke alfaaz zaban par na laye aur dil hi dil me qasam khaye to ye qasam durust nahin. 5. Us qasam par amal karna mumkin ho. lehaza agar aisi qasam khaye ke jis par amal karna mumkin hi na ho to wo qasam durust nahin. (Not: Agar qasam khaate waqt ye tamam sharait maujood hon aur qasam khayei jaye to us qasam pe amal karna zaroori hai. agar baad mein jaan bhoojh kar us qasam ke khilaaf amal kare to woh gunahgar hoga aur kaffara dena zaroori hoga, yani das (10) faqeeron ko pait bhar kar khaana khilaye ya unhein libaas pehnaaye aur agar in amaal ko baja na la sakta ho to zaroori hai keh teen(3) din musalsal roze rakhe. Lekin agar in tamam sharait men se koi aik bhi shart maujood na ho to ye qasam durust nahin hogi aur na hi kaffara wajib hoga. (Ref: Tauzeeh ul Masail, Ayatullah Sistani(d.b), Edition #42, Maslah #2633,2634). [Updated on 03-Mar-2023:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Maine Allah se wada kiya ki meri mahwari aaye me unsay tb tk bat nahi karungi jb tk wo khud se na kare nge mujhse bat

Answer: Ahad me ye zaroori nahin hai keh jis kaam ka ahad kiya jaye woh sharaei taur par acha ho balke usi qadr kaafi hai ke shareat me is kaam se na roka gaya ho aur uqala ke nazdeek ba maqsad qarara paaye, lekin aap ne Allah se jo ahad kiya hai wo kaam to sharaei taur par acha bhi nahin hai aur nah hi uqala ke nazdeek ba maqsad hai balke kisi musalman se 3 din se ziyada taluq khatam kar dena ehtiyaat e lazim ki bina par haram hai. lehaza aap ka kiya hua ahad durust nahin hai aur is par amal karna bhi zaroori nahin hai, aur is par amal na karne ki wajah aap par koi kaffara bhi nahin aaye ga. (Ref: Tauzeeh ul masail, Ayatullah Sistani(d.b), edition #42, maslah #2630. + link: https://www.sistani.org/urdu/qa/02869/ ). [Updated on 16-Mar-2023:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Maine khuda ki kasam khayi par fir usko bhulkar tod diya kya uska kaffara hoga?

Answer: Agar qasam ki tamam sharait ke sath aap ne qasam khayei thi to is surat me zaroori tha ke aap apni khayei hui qasam par amal karte, ab chunke aap ne us qasam par amal nahin kiya is liye aap gunahgar bhi hon ge aur zaroori hai ke aap qasam torne wala kaffara bhi ada karen. yani das (10) faqeeron ko pait bhar kar khaana khilayen ya unhein libaas pehnayen aur agar in amal ko baja na la sakte hon to zaroori hai keh teen din musalsal roze rakhen. Lekin agar qasam ki tamam sharait men se koi si bhi aik shart maujood na ho to ye qasam durust nahin hogi aur aap gunahgar bhi nahin hon ge aur na hi kaffara wajib hoga. Qasam ke sahi hone ki chand shartein hain: 1. Qasam khane wala balig or aaqil ho or apne irade aur ikhtiyar se qasam khaye. lehaza jo qasam jazbaat me khaai jaaye wo durust nahin. 2. Qasam khane wala jis kam ki qasam khaye, zaroori hai ke wo haram or makrooh na ho. lehaza haram ya makrooh kam ki qasam khana durust nahin. 3. Qasam khane wala Qasam men Allah ka aisa naam lay jo kisi aur ke liye istemal na hota ho, lihaza quran ki qasam khana durust nahin. 4. Qasam khane wala Qasam ke alfaaz zaban par laye. lehaza agar qasam ke alfaaz zaban par na laye aur dil hi dil me qasam khaye to ye qasam durust nahin. 5. Us qasam par amal karna mumkin ho. lehaza agar aisi qasam khaye ke jis par amal karna mumkin hi na ho to wo qasam durust nahin. (Ref: Tauzeeh ul Masail, Ayatullah Sistani(d.b), Edition #42, Maslah #2633,2634). [Updated on 11-Mar-2023:: Khuda aap ko Uloom e Aal e Muhammad(s.a.w.w) sekhne ka ajar ata farmaey]