QURAN-O-ITRAT ACADEMY

Question: Assalamualaikum Mana puchana ya tha k Mera nikkah ho chuka ha but abhi ruksati nhi hoi ky ma ossa mil sakta hon bat Kar sakta hn ..sex Kar sakta hn

Answer: wsalam.jee nikah karne k baad mard or orat aik doosre par halaal ho jaate hai.ye tamaam kaam aap k liay jaiz hain.(Ref:Tauzeeh ul masail ayatullah seestani edition 41 page no 357). [Updated on 03-Aug-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Kya bacha na ho ny py IVF KARANA JAYES HAI.

Answer: Shohar ki mani k alawah aurat ka hammila hona jaiz nahi hay. Haan, aurat ka tauleed shuda maadah kisi doosri aurat k rehem main daalna jaiz hay. (Ref:Ayat Ullah Seestani(d.b), Tauzee hul masail, Jadeed masael, maslah # 65,67). [Updated on 06-Aug-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Aurat agr kuch sexual soch leti hai, baithe baithe or vaginal discharge ho jata hai, toh kya wo namaz padh sakti hai.

Answer: Wo ratubat jo aurat say shehwat k saath Khaarij hoti hay Agar is Hadd tak ho kay usay Inzaal Kaha ja sakay aur libaas ko aalooda kar day , jo aam tor par us waqt nikalti hay jab aurat jinsi shehwat ki Intihaa tak pohunch jaey to ye Najis bhi hay aur is aurat ko Mujnib shumaar kiya jaey ga aur us par ghusl e janabat bhi wajib hoga.ise tara ehteyaat e waajib ki bina per agar hijaan e shewat ki inteha tak nah bhi pouche magar paani itna ziyaada ho jitna puri razamandi k mouqe per kharij hota hai to ye Najis bhi hay aur is aurat ko Mujnib shumaar kiya jaey ga aur us par namaz say pehlay ghusl e janabat bhi wajib hoga. (Ref : Tauzeeh e ul masayl Ayat Ullaha Sistani (d.b.) Masla # 345) [Updated on 07-Aug-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: ASSALAM.O.ALAKUM. MUJA YE MALOOM KARNA HAI K GHAR K CHOTA MOTA MASAL KI WAJA SAY BIWI BAGHAR SHOHAR KI IJAZAT APNI MAA K GHAR RAHA SAKTI HAI..

Answer: Jis orat ka daaimi nikah ho chuka hai wo apne shohar ki ijaazat k bagahir ghar sai bahar nahi jaa sakti.(Ref:Tauzeeh ul masail ayatullah seestani edition 41 maslah no 2376). [Updated on 05-Aug-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: kya mard apni biwi ke sharam gah ke baal saaf kar sakta hai?

Answer: Jee haan (Ref: Ayatullah sistani d.b, Minhajus saliheen, part#3, maslah#11) [Updated on 15-Aug-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Salam ya ali madad Kya shohar apni biwi ko pechey sy kar sakta hy or oral sex k barey men b bataen kya woh jaiz hy agar hy plz book refer karen?

Answer: 1)Biwi k peechay (back) k maqam(maqam e pakhana) main jimaa(intercourse) kerna biwi k raazi nah honay ki sorat men ethiyaat-e-wajib ki bina pr haram hai,agar biwi raazi ho tu jaiz hay lekin shadeed makrooh hay. (Ref: Ayatullah Seestani(D.B) Al-masail e mutakhaba, maslah # 67). 2)Shohar or biwi oral sex yani aik dosray ki sharamgaah ko monh(mouth) laga saktay hain, magar ye k sharamgaah say nikalnay wali ratoobat Halaq mian nah jaay. Albetta is sai aurat mujnib nahi hoti hai laikin agar oral sex karnay sai wo ratubat jo aurat say shehwat k saath Khaarij hoti hay agar is hadd tak ho kay usay Inzaal Kaha ja sakay aur libaas ko aalooda kar day , jo aam tor par us waqt nikalti hay jab aurat jinsi shehwat ki Intihaa tak pohunch jaey to ye Najis bhi hay aur is aurat ko Mujnib shumaar kiya jaey ga aur us par ghusl e janabat bhi wajib hoga. (Ref : Tauzeeh e ul masayl Ayat Ullaha Sistani (d.b.) Masla # 345) (Ref:Ayat Ullah Seestani(d.b), Istiftaat I-2,I-15 [Updated on 10-Sep-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Ourat ko pichy sy karna jaiz hy?

Answer: Biwi k peechay k maqam(maqam e pakhana) main mobasharat krna biwi k razi na hone ki sorat men ethiyaat e wajib ki bina per hram hay, agr biwi razi ho tu jaiz hay laikin shadeed makrooh hai. (Ref : Ayatullah Seestani(d.b) Al-masail e mutakhaba, maslah # 67) . [Updated on 10-Sep-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Shohar jism ke kid hisse ka boss le sakta hai

Answer: Shohar aur bivi aik dosray ky badan ky zahari aur batni hata ke sharam gah ko bhi dakh saktay hain. isi tarah ye dono apny badan ky kisi bhi hissay ko dosray ky badan ke sath choo saktay hain. chahay lazzat kay sath ho ya ya lazzat kay bagair ho. (ref : Ayat Ullah Seestani(d.b), jaded faqhi masayl masla # 406 pg # 236) [Updated on 16-Sep-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Mere c section ko 2 months hue hain mera beta hua tha jo 2 months bad Allah ko piyara ho gaya hai.. 3 months pury nai hue. To kia m pargnancy kr sakti hu.. "

Answer: Kar sakti hain, siwaaye ye ke aap ke liye bohat takleef ka baais ho ya nuqsaan deh ho.(Ref:Tauzeeh ul masail ayatullah seestani edition 41 maslah no 2382) [Updated on 17-Sep-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Asslamu Alaikum, kia haiz ruk jayein aana par ghusal na kiya hou ghusal kiye bgair janbat kar sakte hain k nahi???

Answer: Haiz khatam hone k baad hambistari karna jaiz hay laikin ehtiyaat e lazim ye hay keh jima sharamgaah dhoone k baad kia jaey, or ehtiyaat e mustahab ye hay ke is ke ghusl karne se pehle mard is se jima nah kare. (Ref: Ayatullah Sistani(d.b),Tauzeehul masail 41th edition, maslah #457). [Updated on 18-Sep-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]