QURAN-O-ITRAT ACADEMY

Question: Sex aur period ka saath me gusul kya padkar kare plz baathaye

Answer: Aap in dono ghusl k ko aik sath niyat ker k aik ghusl kar sakti hain.(Ref:Aayat-ul-Allah Seestani (d.b), Tauzeehul masael,Edition# 41,Mafhoom e Maslah # 387) [Updated on 07-Feb-2019 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Assalam o Alaikum, mera sawal ye ha k ager pishab k sath mazi ya wadi nikly to kia ghusul wajib ha or agr mani nikly to kia us pe b ghusul wajib hai?

Answer: agar paishab k sath mazi ya wadi nikle tu ghusl wajib nahi hoga. Haan agar mani nikle tu ghusl wajib hoga. (Ref ayat ullah sistani d b tauzee hul masail edition 36th maslah 344 update on dated 13 02 17 [Updated on 03-Jan-2019 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Kya kisi napak insan ko hath lgany se wo insaan bhe napak ho jata hai jis ne hath lgaya ho

Answer: Agar napaak insan se murad ye hay k jis par ghusl e janabat wajib hay tu os insan ko chone se koe insan najis nahi hota. (Ref:Tauzeeh ul masail ayatullah seestani edition 39 maslah no 119) [Updated on 08-Dec-2018 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Agr sex chat karo ya gandi video dekho tw mazi niklti hai usky gusal wajib hai ya woh jagah pak kar ky namaz ada kar li jaye

Answer: 1-Jinsi film (sexy video) ya (sexy) tasaveer ko shewat k sath nazar karna haraam hai balke Ehteyat wajib ki bina per fahash filmoo aur tasweeron ka beghair shewat k dekhna bhi haram hai. (Ref : Mujtahid se pochay gaey sawalaat, roza, sawaal # 166,pg:82). 2-Mazi paak hai osi haalat mai namaz parhi jaa sakti hai.(Ref:Tauzeeh ul masail ayatullah seestani edition 41 maslah no 70). [Updated on 05-Feb-2019 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: مزی کے نکلنے سے آدمی ناپاک ہوجاتاہےکیا

Answer: Agar paishab k sath nah aay tu mazi paak hai or is sai ghusl wajib nahi hota.(Ref:Tauzeeh ul masail ayatullah seestani edition 39 maslah no 70). [Updated on 24-Jan-2019 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: sir jb call pe larki sy bat krty howy nafs sy pani nikal ay to kia wo pak hota ha aor kia is trah k kapron sy namaz parh sakty hen

Answer: Na-mehram sai call pai is tarah ki baat cheet karna jaaiz nahi hai. (Ref : Kitab Nigah aur libas pg # 58) Jis rutoobat mai ye 3 nishaaniyan ho wo mani kehlaye gi. 1)Uchal kar niklay. 2).shehwat k saath niklay 3).badan sust hojaye. jis rutoobat mai ye 3 ya baaz alamatein na ho tu wo mani nahi hai misaal k taur par agar sirf shehwat k saath nikle or baqi 2 almatein na ho tu wo mani nahi mazi kehlaye gi or mazi paak hai or is sai ghusal wajib nahi hota or usi kaprhon mai namaz bhi ada ki jaa sakti hai. (Ref:Tauzeeh ul masail ayatullah seestani edition 41 maslah no 345 and 156). [Updated on 04-Feb-2019 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Assalam alaikum sir Kya raat ko sote waqt ehtelam hone se gusal toot jata h aur kapda napak ho jata h

Answer: Ehtilam hone se ghusl e janabat wajib ho jata hai or chunke mani najis hai lehaaza ye mani jahan jahan lagay gi wo wo jagah najis hojaaye gi or usay share tareeqay sai paak karna hoga.(Ref:Tauzeeh ul masail ayatullah seestani edition 41 maslah no 344,345) [Updated on 04-Feb-2019 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Assalam o aliekum...Moulana agar khwab main bury khayalt ki waja se kuch ikhraj ho tu kya wazu kr laina kafi h ya ghusal krna hoga?

Answer: Agar wo rutoobat mani hai tou ghusal karna wajib hai.(Ref:Tauzeeh ul masail ayatullah seestani edition 41 maslah no 344). [Updated on 05-Mar-2019 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Agr shuk ho k ikharaj leukoria h ya mini tu kya kiye jaye?

Answer: Wo ratubat jo aurat say shehwat k saath Khaarij hoti hay Agar is Hadd tak ho kay usay Inzaal Kaha ja sakay aur libaas ko aalooda kar day , jo aam tor par us waqt nikalti hay jab aurat jinsi shehwat ki Intihaa tak pohunch jaey to ye Najis bhi hay aur is aurat ko Mujnib shumaar kiya jaey ga aur us par ghusl e janabat bhi wajib hoga.ise tara ehteyaat e waajib ki bina per agar hijaan e shewat ki inteha tak nah bhi pouche magar paani itna ziyaada ho jitna puri razamandi k mouqe per kharij hota hai to ye Najis bhi hay aur is aurat ko Mujnib shumaar kiya jaey ga aur us par ghusl e janabat bhi wajib hoga. (Ref : Tauzeeh e ul masayl Ayat Ullaha Sistani (d.b.) Masla # 345)۔ Note: Likoria (safeed yellow color ki ratubat) mani nahi hay. Ye paak hay or is k aanay se ghusl bhi wajib nahi hota.or aap inhi kaprho main namaz perh sakti hain.

Question: Masturbutatin ka bat gusul e janabat kr k bina wazoo k namaz padha skta ha

Answer: jis shaks ne ghusl e janabat kia ho zaroori hai k namaz k liye wuzu nah karay.(Ref:Tauzeeh ul masail ayatullah seestani edition 41 maslah no 389). [Updated on 05-Mar-2019 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]