QURAN-O-ITRAT ACADEMY

Question: Salam sir ! agar ghusal karnay k baad napak kapray( sperms lagay huaye hoon) ko dho jaye tu kya dobara ghusal karna hoga ?

Answer: Ghusl 2 cheezoo sai wajib hota hai 1 jima krnay sai 2 mani k niklnay sai is k alawa ghusl e janabat wajib nahi hota hai. (Ref: Ayatullah sistani d b tauzeehul masail 41st edition, maslah#344). [Updated on 15-Jul-2019 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Assalam o alaikum bhai mere pao ki finger tothi huwi aur aek finger ka nail tu uthar gaya hain zakham hai aur palaster bhi huwa ab ghusal kese karon.. I am married

Answer: Jabira ghusl jabira wuzu ki tarah hai lekin ehtiyat e lazim ki bina par ye zarori hai keh ghusl ko tartibi tariqe se anjam diya jaay aur agar badan par zakham ya phorha ho to mukallaf ko ghusl ya tayyammum ka ikhtiyaar hai agar wo ghusl ko ikhtiyar karta hai aur zakham ya phorhe par jabira nah ho to ehtiyat e mustahab ye hai keh zakham ya phorhe par paak kaprha rakhe aur is kaprhe k opar masah kare agar badan ka koe hissa tota hua ho to zarori hai keh ghusl kare aur ehtiyatan jabira k opar bhi masah kare aur agar jabira par masah karna mumkin nah ho ya jo jaga toti hue hai wo khuli ho to tayyam mum karna zarori hai. (Ref: ayat ullah seestani d b tauzee hul masael edition#41, mafhoom e maslah#338). [Updated on 13-Jul-2019 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Agar janabat ky baad bkay baad gushal kanay ky baad phir pani ay tu gusal dosri bar phir karma ho ga please give my question answer or kAy namaz bi par Saktay hy

Answer: Agar wo mani kharij hoi hai tou dobara ghusal karna hoga warna agar koi or rutoobat hai tou dobara ghusal nahi karna.(Ref:Tauzeeh ul masail ayatullah seestani edition 41 maslah no 344,345). [Updated on 13-Jul-2019 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Agr bv shohar k penis touch kre or wo discharge ho jaye or bv bhi to kya ghusal jaiz hai

Answer: Aisi sorat main bivi per ghusl wajib nahi hay.Update on dated 08-08-19. (Khuda aap ko Uloom e Aal e Muhammad(s.a.w.w) sekhne ka ajar ata farmaey).

Question: Agr intercourse k doran money nA nikle to ghussal wajib hota ya nahi ??

Answer: Intercourse karne per gusl wajib ho jaata hai chahay mani kharij ho ya nah ho.(Ref:Tauzeeh ul masail aaytullah seestani editon#41, maslah#348). [Updated on 10-Aug-2019 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: intercourse k baghair sirf uzw tanasul jism ya bivi k kisi bhe hisse ko touch krne sa farz ya wajib hota ha

Answer: Is surat main agar mani kharij ho jaey to gusul wajib hay or agar mani na niklay to faqat touch karnay say gusul wajib nahi hota. (Ref : Tozi ul masahil Ayat ullaha Sistani d.b. Masla # 344) [Updated on 30-Aug-2019 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: bv ka hath penis se touch hojaye..tu es se ghusal faraz hota hia k nahi

Answer: Is amal se ghusl wajib nahi hoga. 2 cheezo say insan mujnib hota hay aik jima say our dusra mani kharij honay say faqat hath touch honay say ghusal wajib nahi hota. (Ref: tozi ul masahil aga sistani masla # 344 edition # 2019) [Updated on 31-Aug-2019 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Ihtlam k bad peshab kr k ghusal kry ya bagair peshab kiye b gusal kr skty hy

Answer: Mani kharij hone k baad insan k liay peshab karna mustahab hay or agar peshab nah kare or ghusl k baad os k makhraj e peshab se rutubat kharij ho jis k baray main wo nah jaanta ho keh mani hay ya koe or rutubat tu wo rutubat mani ka hokum rakhti hay. (Ref: Ayatullah Sistani(d.b),Tauzeehul masail 41th edition, maslah #347). Update on dated 31-08-19. (Khuda aap ko Uloom e Aal e Muhammad(s.a.w.w) sekhne ka ajar ata farmaey).

Question: I am 18 year old and I am not married.agar h koi film dekhte h Magar agar koi galat cheez film me batati h wo nahi dekhte or koi liquid sharmgah se Nikal aaye to kya hum Napak h.or game hamesha ayaa lag h ke hum Napak h to aise me kya kare

Answer: Wo ratubat jo aurat say shehwat k saath Khaarij hoti hay Agar is Hadd tak ho kay usay Inzaal Kaha ja sakay aur libaas ko aalooda kar day , jo aam tor par us waqt nikalti hay jab aurat jinsi shehwat ki Intihaa tak pohunch jaey to ye Najis bhi hay aur is aurat ko Mujnib shumaar kiya jaey ga aur us par ghusl e janabat bhi wajib hoga.ise tara ehteyaat e waajib ki bina per agar hijaan e shewat ki inteha tak nah bhi pouche magar paani itna ziyaada ho jitna puri razamandi k mouqe per kharij hota hai to ye Najis bhi hay aur is aurat ko Mujnib shumaar kiya jaey ga aur us par ghusl e janabat bhi wajib hoga. (Ref : Tauzeeh e ul masayl Ayat Ullaha Sistani (d.b.) Masla # 345) Update on dated 03-09-19. (Khuda aap ko Uloom e Aal e Muhammad(s.a.w.w) sekhne ka ajar ata farmaey).

Question: اسلام علیکم میرا سوال یہ ہے کہ میرے ناخن پر تھوڑی سی ایلفی لگی ہوئی تھی یہ مجھے غسل ع جنابت کے بعد معلوم ہوا کیا مجھے دوبارہ غسل کرنا پڑے گا ؟

Answer: wsalam.jee zaroori hai k us rukaawat ko hata kar dobara ghusal kar liya jaaye.(Ref:Tauzeeh ul masail ayatullah seestani edition 41 maslah no 373,376) [Updated on 01-Oct-2019 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]