QURAN-O-ITRAT ACADEMY

Question: Roze me aatalam or masterbating karne se kya roza toot jata hai

Answer: 1-Mani ka nikalna roze ko batil kerta hai. Bas agar insan jan bojh ker or apne ikhtiyar k sath mani nikale to uska roza batil hojata hai or isko is roze ki qaza or kaffar bhi dena parhega, or agr wo jaan boojh ker mani nah nikale to phir koi haraj nahi hai. Or agar insan ye nah jaanta ho k mani k nikalne se roza batil ho jata hai or is k baare main maloomat hasil kerne men kotahi(susti) nah ki ho to phir iska roza batil nahi hoga. Lekin agr ye kisi se maloomat hasil kerskta tha or susti or kotahi kerne ki wajah se is ne kisi se maloom nah kiya to phir is ka roza batil hojaye ga. (Ref: Ayatullah Sistani(d.b),Tauzeehul masail 33rd edition,msal#1625). 2- Agar koe mubtilaat e rozay(masla istimna) ko anjaam day or osay pukhta yaqeen ho k is amal se roza batil nahi hoga tu os per kaffara wajib nahi hay. ( Ref: Ayatullah Sistani(d.b),Tauzeehul masail 31st edition, maslah #1630). (Khuda aap ki tawfiqaat mein izafa farmaye)

Question: ek rozay ka kya kafara hai

Answer: Ramzan ka roza tornay ka kaffara ye hai k zarori hai k insan ya tu aik ghulam azad karay ya 2 month rozay rakhay rakhay ya 60 faqeeron ko pait bhar ker khana khilaey ya har faqeer ko aik mud khana(taqreeban ¾ yani 750 gram) gandum ya joe ya roti waghera day. (Ref:Ayatullah Sistani(d.b),Tauzeehul masail 31th edition,maslah #1632). (Khuda aap ki tawfiqaat mein izafa farmaye)

Question: ramzanul mubarak mein main apne wife k sath hansi mazaq ker rha thay thori dair bad meri mani nkal gya halanki jimaa nhe kia tha lakin mani uchal k nikala hai meri iski kia kafara hai?

Answer: 1) Rozay ki halat main mani nikalnay k qasad k bagair insaan ka apni biwi ka bosa lena ya koi shawat angais kaam karna makrooh he. 2) Agar rozay dar mani nikalnay k iraday k bagair misaal k taur per apni biwi se cheerh chaar ya hansi mazaq karay aur ose itminaan ho k mani kharij nahi ho gi to agarchah mani kharij ho jay is ka roza sahi he.albatta agar ose etminaan na ho k biwi se chherh char krunga to is surat me jab mani kharij ho gi to is ka roza batil ho jay ga.(Ref : Tauzeeh e ul masayl Ayat Ullaha Sistani (d.b.) Masla # 1629,-1576) (Khuda aap ki tawfiqaat mein izafa farmaye)

Question: If during fasting there is some leakage from uzzw-e-tannasul(penis)..then what about that fasting is or not..????

Answer: Ager khud ba khud (be iktiyaari tor per) mani kharij ho jaae masalan sote main to roza batil nahi hota. (Ref : Ayatullah Sistani(d.b),Tauzeehul masail , edition # 31 , maslah # 1570 , ALLAH tofiqaat main izafa farmaae).

Question: salam.us aurat ka roza jo lipstick lagati ha sahih ha ya na

Answer: Roze me lipstick lagana jaiz hai or ye mubtilaat e roza main se nahi. (Ref: Ayatullah Sistani(d.b),Tauzeehul masail 31st edition, maslah # 1553) (Khuda aap ki tawfiqaat mein izafa farmaye).

Question: kya roze ki halat main sir ya darhi k baal (hairs) katwa sakty hain k nhi or jism k ghair zarori baal(hairs) mtlb bagal k baal (hairs ) 0r uzu k oper k baal(hairs) jo k islam main katny ka hukam hai katwa sakty hain k nhi??

Answer: Roze ki haalat me sar ya darhi ki baal kaatna or ghair zarori baal kaatna jaiz hai . (Ref: Ayatullah Sistani(d.b),Tauzeehul masail 31st edition, maslah # 1553). (Khuda aap ki tawfiqaat mein izafa farmaye)

Question: Assalamalaikum Injection lagana ya iv fluids lagana kya in chizo se roza tooza toot jaata hai Reply me fast plz

Answer: Injection lagana ya iv fluids lagana se roza baatil nahi hota . (Ref: Ayatullah Sistani(d.b),Tauzeehul masail 31st edition, maslah # 1557) (Khuda aap ki tawfiqaat mein izafa farmaye).

Question: roza rakh k mushat zani karne se roza toot jata hai ya nai?neez yeh gunah-e-kabira hai ya nai?

Answer: Musht zani Roze ko batil kar deta hai, or haraam o guhnaah e kabeera hai.(Ref : Ayatullah Sistani(d.b),Tauzeehul masail , edition # 31 , maslah # 1553) , (Ref:Ayatullah sistani, Minhajus Saliheen,Part#1, Maslah#30,eidition 2009 , Allah Taala hi tofiqaat main izafa farmaane wala hai).

Question: Salam un alikum mara ap se sawal hai k agar rozay ki halat me mani nikal jate hai to kia wo roza batil hai agr batil hai to kia karay plz jaldi jawab dey de jia

Answer: Wssalam o alykum, ager mani jaan booj ke nikaali hai to batil hai, or ager kud ba kud nikli hai jese ehtilaam main to batil nahi hai. (Ref : Ayat Ullah Seestani(d.b), Minhaajus saliheen Part # 1st , Maslah # after 998 , eidition # 1st , Allah Taala hi tofiqaat main izafa farmaane wala hai).

Question: Assallamalikum ramazan main biwi ka sath sex karna sa roza toot jata hy k nai aur agr biwi ka roza na ho kisi waja sa us ka operation howa ho tu roza ka khoga aur is ka koye haal bataya ka is ka kafara kia hoga plz

Answer: Wssalam o alykum, biwi k sath sex krne se roza tot jata hai, or kuffara o qaza wajib hojata hai. Or jahan tak zoja ki baat hai to ager in ke liye roza rakhna harj o mushaqat (sakt takleef) ka baiz ho to in per kuffara wajib nahi lekin her roze ke badle 1 mudd (¾ kilo) jao ya gandum ya roti etc fidya faqeer ko den.(Ref : Ayat Ullah Seestani(d.b), Minhaajus saliheen Part # 1st , Maslah # before 1042 , eidition # 1st , Allah Taala hi tofiqaat main izafa farmaane wala hai).