QURAN-O-ITRAT ACADEMY

Question: Mai Islam me convert Ho gaya hu meri saadi kisse hogi kisi muslim ladki se ya hindu

Answer: Musalmaan mard kafir aurat(hindu)sai nikah nahi kar sakta.musalmaan aurat sai kar sakta hai. (Ref: Ayatullah Sistani(d.b),Tauzeehul masail 39th edition, maslah #2362 ). Update on dated 11-11-17. (Khuda aap ko Uloom e Aal e Muhammad(s.a.w.w) sekhne ka ajar ata farmaey).

Question: Salam, Mera Sawal Hai.. Shaadi Ke Waqt Larki Ke Ghar Waalon Ka Apne Baron Se Faislaa Lena Laazim Hai? Yaa Larki Ki Maa Baap Ki Faislaa Zaroori Hai? Please Detail Mein Batayein..

Answer: Wa alaikum salam, kunwari larki ko shadi k liay baap ya dada sai ijazat lena zaroori hai ,agar larki zindagi k umoor main khud mukhtar hay tab bhi ahtiyat e wajib ki bina par baap ya dada sai ijazat lena zaroori hai albatta maa sai ijazat lena lazmi nahi hai. (Ref: Ayatullah Sistani(d.b),Tauzeehul masail 39th edition, maslah #2341 ). Update on dated 11-11-17. (Khuda aap ko Uloom e Aal e Muhammad(s.a.w.w) sekhne ka ajar ata farmaey).

Question: Shadi shuda larki apna shohar ki ijazat lakar doosra nikkah kar sakti hai.. Yani ek waqt ma 2 nikkah nibha sakti hai

Answer: Aik shohar daar aurat ka shadi karna haraam hai. (Ref: Ayatullah Sistani(d.b),Tauzeehul masail 39th edition, maslah #2366 ). Update on dated 09-11-17. (Khuda aap ko Uloom e Aal e Muhammad(s.a.w.w) sekhne ka ajar ata farmaey).

Question: Kia larka or larki Apas me dil sy husband wife man k rah sakty hain ya apas me nikah kar salty hain

Answer: Kunwari (virgin) lerki jo khud mukhtiyar nah ho tu wo os waqt tak nikah (daimi / mutah) nahi ker sakti jab tak lerki ka Baap ya Dada lerki ko nikah ki ijazat nah day day or jo larki khud mukhtar ho wo ehtiyaat e wajin ki bina pr yehi hukum hy k apny walid ya dada ssy ijazat lsy .(Ref:Ayat Ullah Seestani(d.b), Tauzee hul masail, maslah # 2341). Update on dated 08-02-18. (Khuda aap ko Uloom e Aal e Muhammad(s.a.w.w) sekhne ka ajar ata farmaey).

Question: Agar larka larki sub sy chup k alag akely Apas me husband wife bun k rahna chahin to kia karin

Answer: Kunwari(virgin) larki os waqt tak nikah(daimi / mutah) nahi ker sakti jab tak k lerki ka Baap ya Dada lerki ko nikah ki ijazat nah day day.(Ref:Ayat Ullah Seestani(d.b), Tauzee hul masail, maslah # 2341,2342). Update on dated 08-02-18. (Khuda aap ko Uloom e Aal e Muhammad(s.a.w.w) sekhne ka ajar ata farmaey).

Question: Kia suni larka shia larki sy shadi kr sakta ha agar wo donu ak dusry sy bht mohbt krty hon

Answer: Agar shia aurat ko apne shia mazhab k tabdeel hone ka khouf na ho to sunni mard se shadi kar sakte ha.laikin phir bhi aurat k liay is mard se shadi karna makrooh hay. Aur agar shia mazhab k tabdeel ho jane ka khouf ho to shia larki k liye is mard se shadi jaiz nahi hai (Ref : Minhaj us salaheen Ayat ullah sistani d.b. part # 3 masla # 215,eidition4th). Update on dated 08-02-18. (Khuda aap ko Uloom e Aal e Muhammad(s.a.w.w) sekhne ka ajar ata farmaey).

Question: Mera aik jaga rishta hua mgr shadi se pehle he mje meray honay wali bivi ne btaya k uska 13 sal ki umar se le ker 19 sal ki umar tak musalsal rape hota rha..ab mje btaen muje kia krna chaeay..shadi kerni chaeay k nahi..

Answer: Aap us say shadi kr sakty hen, lekin Jo aurat zina kaar mashoor ho to ehteyat e wajib ki bina per is aurat se o ski toba karne se phele is k saath shadi karna jaiz nahi hay. (Ref: Ayatullah Sistani(d.b),Tauzeehul masail 31st edition, maslah # 2364). Update on dated 08-02-18. (Khuda aap ko Uloom e Aal e Muhammad(s.a.w.w) sekhne ka ajar ata farmaey).

Question: assalam alekum kya sayyed ladki hindu ldke se nikah kr skti h .

Answer: Aghr wo islam qabool kr ly or shia ho jaey to shia merd se nikah ker sakti hain Q k “shariyat k laihaaz se aik muslim merd musalman aurat ka kufu(equivalent) hay or aik momin merd momina aurat ka kufu(equivalent) hay{yani in ki apas main shadi ho sakti hay}.Shia Sayed merd ka nikah ghiar syeda shia aurat k saath hosakta hay or isi terah syedah shia aurat ka nikah ghair syed shia merd k saath hosakta hay. (Ref: Ayatullah Sistani(d.b),minhajus saliheen, part#3, maslah #214,221 ). Update on dated 02-02-18. (Khuda aap ko Uloom e Aal e Muhammad(s.a.w.w) sekhne ka ajar ata farmaey).

Question: 1 biwi kai hotay huwai dosri shadi karna jaiz hai aur pehli biwi ko iska ilm na ho?

Answer: Aik mard k liye haram hai k wo 4 sai ziada daimi nikah kare.yane 4 daimi nikah karna jaiz hai or is k liay kisi ki ijazat ki zaroorat nahi(Ref: https://www.sistani.org/arabic/book/19/1042/ and Minhaj us salaheen Ayat ullah sistani d.b. part #3 masla #68). Update on dated 07-08-18. (Khuda aap ko Uloom e Aal e Muhammad(s.a.w.w) sekhne ka ajar ata farmaey).

Question: Agar koi ladki shadi nhi krti hai to mrne k baad kya hoga

Answer: Shadi mustahab e moakkada mai sai aik hai yani wo mustahab hai jis ki bohat takeed ki gae hai,shadi nah karney par koe gunah nahi hai lekin agar jo shaadi nah karney ki wajah sai khud ko fail e haram sai nah bacha sakey tu us par shadi karna wajib hai yani aisi sorat e haal mai agar shadi nah karey tu phir ye masiyat e khuda main sai aik hai or yakinan is ki saza hogi. (Ref: Jadeed fiqhi masail ayatullah seestani, maslah#385 & 397) . Update on dated 07-08-18. (Khuda aap ko Uloom e Aal e Muhammad(s.a.w.w) sekhne ka ajar ata farmaey).