QURAN-O-ITRAT ACADEMY

Question: Ashoor ki Raat humbisteri krna Haram hy ?

Answer: Yeh kam sharan Haram nahin hai jab tak ke is se ayam-e-aza ki hitk-o-hurmat na hoti ho jaisa ke roz-e-aashora khushiyan manana aur zaib-o-aaraaish karna, Albatta munasib yeh hai ke Insan ahl-e-bait (a.s) ke ayam-e-museebat men har us kam se ijtinab kare ke jo kam aam taur par wo apne ahbaab ki museebat men anjam nahin deta magar yeh ke urfan zaroori kam ho. (Ref: Website, Ayatullah Sistani(d.b), urdu, link https://www.sistani.org/urdu/qa/02434/ ). [Updated on 04-Feb-2022:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Mere husband ne mujhe haiz ke halath meh vahan par upper ke jagah unke orgasm se touch kiya hai kya yeh humstari ke nichay aata hai plz batayi ye

Answer: haiz ki halat me Aurat ki farj( aurat ke aaghe wale sharamgha) men jima karna jo mard aur aurat dono ke liye haraam hai chahe dukhool sirf supari ki had tak hi ho aur mani bhi khaarij na ho balkeh Ehteyat-e-wajib yeh hai ke supari se kam miqdaar men bhi dukhool na kiya jaye. Albattaah yeh hukm aurat se dubr( aurat ke peche ki sharamgha) men mujameat ke liye nahin Laikin dubr ( aurat ke peche ki sharamgha) men jima, aurat ke raazi naa hone ki surat mein Ehteyat-e-wajib ki bina par jaaiz nahin hai chaahe woh haaiz ho ya na ho.albatta aurat ki haiz ki halat me jima ke ilawa dosere lazzzate hasil karsakte hay. (Ref: Tauzeeh ul masail, Ayatullah Sistani(d.b), edition #42, maslah #448). [Updated on 25-Jan-2022:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Selam, kia biwi se bucha paida krne k liay us ki ijazat lyna zarori hai? agar unka pahla bucha 3 saal ka ho gaya hai or aursat ready na ho to aisi surat mai kia krna chahye?

Answer: Biwi se ijazat lena zaroori nahin hai. (Ref: mafhoom e link https://www.sistani.org/urdu/qa/01740/ ). [Updated on 25-Jan-2022:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Biwi ka dud pinese kya nikah tutega?

Answer: (Note: Is website par fiqh e jafferiya (shia mazhab) ke mutabiq jawabat diye jatay hain). Shohar biwi k breast suck(choos) kar sakta hay, lekin agar shohar biwi ke breast ko suck karey aur monh main doodh aa jaye, toh ehtiyaat wajib ye hay k biwi ka doodh nah piya jaay. Albatta is se nikah nahin toote ga. (Ref: Ayatullah Sistani(d.b), E-Mail from Answers@najaf .org). (Note: ehtiyaat e wajib main fal-aalam mujtahid maslan Ayatullah ishaq faayyaz ki janbi ruju kia jaa sakta hay). [Updated on 08-Jan-2022:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Sir Salam Biwi ke toilet ki raste agar milan kiya jay to kya nikah tutega?

Answer: (Note: Is website par fiqh e jafferiya (shia mazhab) ke mutabiq jawabat diye jatay hain). Biwi ke peechay ke maqam(maqam e pakhana) main hambistari kerna biwi ke raazi nah honay ki soorat main haram hay, agar biwi raazi ho tu jaiz hay, laikin shadeed makrooh hay. Albatta is se nikah nahin toote ga. (Ref: Ayatullah Seestani(D.B) Al-masail e mutakhaba, maslah #70). [Updated on 08-Jan-2022:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: meri bivi mujhse muhabat bhi krti hai likn uska dill nhi krta hambistry ka wo tang hoti hai usko dard bhi boht zyada hota hai feel so is dar se wo mujhe qareeb nhi ane deti ,main apni khwahish nhi pori kr skta 2 sal se aise hai tu mujhe kya krna chahye

Answer: 1: Biwi ka apne shohar ko hambistri se rokna jaiz nahin hai. Aurat kay liye zaroori hay ke jab bhi shohar jinsi lazzatain hasil karna chahay to is ki khuwahish poori karay aur sharaei uzr kay baghair shohar ko hambistari say na rokay. Haan shohar ki razamandi say taakheer karna jaiz hay. Agar koi aurat humbistri aur jinsi lazzaton k silsile mai shohar ka saath na day kar us ki khuwaish poori na karay tou us aurat k roti, kapray, aur makaan ka shohar zimedaar nahin hai.(Ref: Tauzeeh ul masail, Ayatullah Sistani(d.b), edition #42, maslah #2376,2377). 2: (Advice:- Mustahabaat e jima main ye bhi milta hay k Koe bhi shakhs apni aurat se fauran jima nah karay balkeh pehlay orgasm yani masaas chaati raan waghaira ko haath se masalna sehlana cheerh chaarh or hansi mazaaq karay is baat ko maahireen e jinsiyaat ne bhi tasleem kia hay in ki nazar main fauran jima kerne par merd ki mani jaldi se kharij ho jane ki soorat main merd ki khahish tu pori ho jati hay laikin aurat ki khahish pori nahin ho pati jis ki wajah se aurat apne merd se nafrat kerne lagti hay shayad isi liay deen e fitrat mazhab e islam ne orgasm yani masaas bosah baazi (kissing) cherh chaarh hansi mazaaq piyaar o muhabbat ki batain kerne ko mustahab qaraar diya takeh aurat mazkorah amal se jima k liye poori terah aamadah ho jaay or jab is se jima kia jaaye tu wo bhi merd ki terah se poori terah jinsi tasalli hasil ker sakay shayad isi liay Rasool khuda(s.a.w.w) ne irshad fermaya k jo shakhs apni aurat se jima karay wo murgh cock ki terah os k paas nah jaay balkeh pehlay masaas orgasm or dast baazi badan pe haath phairna or khush tabee karay is k baad jima karay. {ref: tehzibul islam, pg #109}. or shayad yehi wajah hay k jis waqt imam jaffer sadiq a s se kisi ne deryaaft kia k agar koe shakhs haath ya ungli se apni zauja ya kaneez ki sharamgaah k saath baazi karay (playing) tu kaisa hay aap (a.s) ne fermaya khuch muzaiqa nahin (no problem) laikin ajzaay badan (parts of body) k alawa or koe cheez is maqam main dakhil nah karay, {ref: tehzibul islam, pg #231}. yani aurat ko jima k liay pori terah aamada kerne yani garam kerne k liay merd aurat ki sharamgaah main ungli ya jism k kisi bhi uzu (part) se cherh charh ker sakta hay takeh aurat or merd dono ko mukammal jinsi kaif o lazzat hasil ho sakay. (Ref: Islam or jinsiyaat, muallif doctor muhhammed taqi ali abdi, pg #145,146). 3: Jima se pehlay masaas (orgasm) k baad jab jima shuru kia jaay tu jab jima k doran aurat k muzil hone discharge k bilkul qareeb ho yani wo baitabana harakaat karay merd se chumtay liptay apne hatho ya taango se merd ko kas ker dabaay tab merd bhi jaldi jaldi dukhool (inserting of penis) or ikhraaj (emiting of penis) ker k farigh ho jaay agar ittefaaq se aurat is waqt tak munzil nah ho or wo apne haatho ya taango se merd ko kas k daba rahi ho takeh merd alag nah ho tu merd ko chahiay k is waqt tak apne aala e tanasul penis ko aurat ki sahramgaah se bahar nah nikalay jab tak k aurat munzil nah ho jaaye phir khuch dair baad penis ko nikaal ker merd aahistagi se aurat se alag ho jaay. (Ref islam or jinsiyaat, muallif doctor muhhammed taqi ali abdi, pg #151). [Updated on 10-Dec-2021:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: sir mery husband out of country hty hai wo contact nh kr rhy hai plz koi wazifa ya amal ya sorat bta dijye

Answer: Mian biwi ki aik doosray se mohabbat o ulfat ke liye har namaz k bad surah e mumtahina ki ayat #7 ko 7 martaba parha karain. Is se donoo me bai-misal mohabbat qaim ho jay gi. (Ref: Kitab Naway Saleheen, pg #404). [Updated on 25-Nov-2021:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Agr shohar biwi ko pasnd na krta ho or uska sath rehna bhi na chahta ho rujoo bhi kafi dafa krny ki koshish ki phir bhi nai chahto wo sath rehna to kia krna chahiye?? Kia khula ly skty hain?

Answer: Mian biwi ki aik doosray se mohabbat o ulfat k lie har namaz k bad surah e mumtahina ki ayat #7 ko 7 martaba parha karain is se donoo me bai misal mohabbat qaim ho jay gi.(Ref: kitab naway salaheen, pg #404). Ager koi jaiz mohabbat hasil karna chata hai to wo sura e maaeda ayat #54 ko kisi meethi cheez per mithaai per 100 martaba dam kar k ager kisi ko kehlain to mehboob ho jaae ga.(Ref: Tajalliyaat e quraan, pg# 41). (or talaaq ya khula dene ka haqq tu shohar he ko hay ,biwi us se darkhaas karsakte hay) Agar shohar apni biwi k huqooq ada nah karey or usey aziyyat day to biwi apna muaamla lay kar hakim shara( mujtahid) ki taraf ruju kar sakti hai takeh hakim shara( mujtahid) is k shohar ko husne solooq karne ka hokum de aur agar is ka koe faida nah ho to apne sawabdeed k mutabiq use sarzanish kare or agar is se bhi koi faida nah ho to biwi talaq ka mutalba kar sakti hai. Agar shohar talaq dene se inkar karde or ise talaq per majboor nah kiya jaske to hakime shara( mujtahid) apne ikhteyaraat istemal karke is ka sighah e talaq jaari kar sakta hai. (Ref : AqaI sistani (d.b),Jadeed Fiqhi Masail, Maslaa # 413, pg # 237, 5th Edition) [Updated on 16-Nov-2021:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Kya ksi or aurat ka soch k apni Bv k sath sex karna hain hai?? Jab k Zehan mai koi or aurat ho Lekin haqeqat mai sath mai bv ho?? Ya ksi or aurat ka naam soch k bv se sex kya ja skta hai???

Answer: (haram ke bare me soochna maslan kise namehram aurat se srif khayaal he khayaal me us ke sath sex karte hoe soochna ) Agar mani niklnay ka sabab nah bane to ethiat e mustahib ( yani behter )he k is kaam ko tark kar dia jay(yani ye kaam haram nahi hay magar behter hay k is kaam ko terk kiaya jaay). (ref : Mujthid se poushey gye sawalat part # 2, ques # 199, pg # 82) rasool allah se manqool hadees me hay : jab kise or aurat ke daikhne se shewat ya khuish paida ho tu apne aurat (biwi ) se jima (hambistri) na karna kyu ke baccha jo paida hoga mukhannas (yani naamard) ya dewaana hoga.hazrat ameerul momeneen ne farmaaya:jis waqt koi shaks kise gair aurat ko daikh le or use pasand aaye tu use waqt jake apne biwi se humbistri kare (laikin humbistri karte waqt tasuwr or khayaal dosere aurat ka na ho) kyu ke ju khuch us me hay wohe is (biwi) me bhi hay (or )har haal me shetaan ko apne nafs per galib na hone de. (ref:tehzeebul islam ,urduterjuma, allama muhaamd majlesi,pg no:132,135) [Updated on 16-Nov-2021:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Kya husband wife apas mai sex krtey hoe gandi baten kar sktey hain? Jaise ka apni azuye khas k naam lena or Galiyan dena? Or Kya Khayali sex stories bana sktey hain??

Answer: Biwi say sex ki batain ki jasakti hain lekin gaali dena ya fuhush kalami (nazeba alfaz istemal) karna jaiz nahin hai. (Ref: Jadeed Fiqhi Masail, Ayatullah Sistani(d.b), maslah #406, pg #236. + Minhaaj us Sliheen, part #2, maslah #34). [Updated on 16-Nov-2021:: Khuda aap ko Uloom e Aal e Muhammad(s.a.w.w) sekhne ka ajar ata farmaey]