QURAN-O-ITRAT ACADEMY

Question: aslam o alaikum mera swal hai k agar koi quran py hath rakh kr kisi ko ye kahy k tmhari flaan cheez mery pas nai hai jb k wo jhoot bol rha ho to kya gunehgar ho ga ???? or is ka kufara kia hoo ga???

Answer: Jee han bilkul gunahgar hoga or is ka kaffara toba istighfar hai. (Ref:Ayat Ullah Seestani(d.b), Tauzee hul masael,Edition# 35,Mafhoom e Maslah #2638). Update on dated 27-07-2015 (Khuda aap ko Uloom e Aal e Muhammad(s.a.w.w) sekhne ka ajar ata farmaey).

Question: slam.. agar koi khud sy wada kr k tor dy tu eska kafara kia hoga?

Answer: Is wade or Ahad ki koi sharaee hesiat nahi hia. (Ref:Ayat Ullah Seestani(d.b), Tauzee hul masael,Edition# 35,Mafhoom e Maslah # 2630). Update on dated 31-07-2015. (Khuda aap ko Uloom e Aal e Muhammad(s.a.w.w) sekhne ka ajar ata farmaey).

Question: maine jazbat me aa kar ALLAH ki kasam khai thi k aj k bad bury kam nahin karonga.leken ab mujhy lgta hai k mai apny irady me kamzor hota ja raha hoin.mujhy dar hai k kahen mai kasam na tor bethon.agr aisa hou tu kafara kia hoga

Answer: Jo shakHs qasam khaye zarori hai wo baligh or aaqil ho or apne iraday or ikhtiyaar se qasam khaye. lehaza agar koe shakhs jazbat men aaker bila iradah ya bay ikhtiyaar qasam khaye to aysi qasam sahi nahi hogi. (Albatta Gunah ko tark karna har shakhs k upar lazmi he chahe is k liye koe qasam khai ho ya na khai ho) (Ref:Ayat Ullah Seestani(d.b), Tauzee hul masael,Edition# 35,Mafhoom e Maslah # 2633-34). Update on dated 31-07-2015. (Khuda aap ko Uloom e Aal e Muhammad(s.a.w.w) sekhne ka ajar ata farmaey).

Question: agar kuran ki kasam lete hai inshallaha bolkar to kya wo kasam jayaz hai.

Answer: Ye qasam sahi nahi hai.(Ref:Ayat Ullah Seestani(d.b), Tauzee hul masael,Edition# 35,Mafhoom e Maslah # 2634). Update on dated 31-07-2015. (Khuda aap ko Uloom e Aal e Muhammad(s.a.w.w) sekhne ka ajar ata farmaey).

Question: Sir main kia apni Shadi k liye manat maang sakti hon. apni pasand ki shaid k liye mujy duain aur wazaif send karin pls Allah aap ko jaza e khair ata kary Ameen sum aameen

Answer: Jee haan ap mannat kr sakti hen.(Ref:Ayat Ullah Seestani(d.b), Tauzee hul masael,Edition# 35,Mafhoom e Maslah #). Surah e ahzaab ko hath se likh kar ek dabbay (box) mai band kar k apnay ghar may hifazat say rakh dain aur is surah ko har rooz aik bar parh kar dua mangain to hisb e manshah rishta distiab ho ga.(Ref : Naway e salaheen pg # 352)Update on dated 31-07-2015. (Khuda aap ko Uloom e Aal e Muhammad(s.a.w.w) sekhne ka ajar ata farmaey).

Question: mra sawal ye ha k me ne mannatain mangie the lkn mra kam pura nae huwa r me phela he manat khatam krna chate hu mjhe kia kufara dena ho ga

Answer: Ap ka ye amal nazar us wqt kehlayega jab is men zaban se nazar k alfaz kahen hon is tarah k Agr mera kam hogaya to men Allah k liye khud per ye lazim krti hun k koi anjam dungi,(Phir ap wo mannat khatm nahin kr sakti) is surat men agr apka wo kam hojaye to ap per wajib hai k wok am anjam den, or agr ap ye nahi kr sakte to ap per wajib hai k kaffara ada kren, matlb 10 faqeeron ko pet bhar kr khana khilaen ya unhen libaas ata kren, or agr ye kam b na kr saken to 3 din musalsal roze rakhen, lekin agr apne zaban se ye alfaz ada nahi kiye faqt niyat ki hai to ye nazar sahi nahi hai.lehaza koi kaffar nahi hoga.(Ref:Ayat Ullah Seestani(d.b), Tauzee hul masael,Edition# 35,Mafhoom e Maslah # 2604-2633). Update on dated 31-07-2015. (Khuda aap ko Uloom e Aal e Muhammad(s.a.w.w) sekhne ka ajar ata farmaey).

Question: main ne kasam khai thi QURAN MAJEED k oper hath rahk kar k main ainda nasha nahi karounga lakin ab mujse control nahi hota main apni kasam ka kafara ada karna chahta hon plz muje bata kia karoun

Answer: Ye qasam sahi nahi hai. (Ref:Ayat Ullah Seestani(d.b), Tauzee hul masael,Edition# 35,Mafhoom e Maslah # 2633). Update on dated 30-07-2015 (Khuda aap ko Uloom e Aal e Muhammad(s.a.w.w) sekhne ka ajar ata farmaey)

Question: kia kisi shaks se kia gya wada toda jaye to us ka kafara mumkin hai

Answer: Kisi momin se wada krne k bad us wade ki mukhalifat krna gunah kabeera men shumar kiya gaya hai.(Or iska kaffa istighfar hai)(Ref : Ayat Ullah Seestani(d.b), Minhaajus Saliheen Part # 1, Mafhoom e Maslah # 30, Eidition 1430 hij). Update on dated 31-07-2015. (Khuda aap ko Uloom e Aal e Muhammad(s.a.w.w) sekhne ka ajar ata farmaey).

Question: MUJFTI SAHAB MUJHY Y BATAIN G K AGR KOI SHAKS QURAN KI AUR MAA KI JHOTI KASAM KAAH LY TO KIYA IS KA GUNHA HA AUR IS KA KUFARA KAISY ADA HOGA PLZ REPLY ME FAST...

Answer: Jhooti Qasam ke khane ka koe kaffara nahi he albatta ye ek haram kam hai lehaza toba o istighfar kijyega.(Ref:Ayat Ullah Seestani(d.b), Tauzee hul masael,Edition# 35,Mafhoom e Maslah # 2638). Update on dated 30-07-2015 (Khuda aap ko Uloom e Aal e Muhammad(s.a.w.w) sekhne ka ajar ata farmaey)

Question: Kia Shadi Shuda aurat apne shohar (husband) ki marzi k bgher mannat maan sakti hai? Aur agar maan le tou uss mannat k pura karne k bare mein kia ehkamat hain?

Answer: Agr orat aysi kam ki nazar kar rahi hai jo shohar k hqooq k manafi ho, to ye nazar sahi nahi hia chahe shohar ki ijazat k bger nazar krli ho ya nazar krk bad men ijazat li ho dono suraton men ye nazar hi sahi nahi hai chahe wo nazar shadi se pehli hi mani ho, Isi tarah orat ka apne hi maal men shohar ki iajzat k bger nazar krna mahalle ishkal hai isi liye ehtiyat ki riaayat krna zaruri hai.(Ref:Ayat Ullah Seestani(d.b), Tauzee hul masael,Edition# 35,Mafhoom e Maslah #). Update on dated 31-07-2015. (Khuda aap ko Uloom e Aal e Muhammad(s.a.w.w) sekhne ka ajar ata farmaey).