QURAN-O-ITRAT ACADEMY

Question: Agr mia bivi ek dsry sy dour ho shadi k bd mtlb bivi apny maa baap k ghr jaye or dono ko bechaini or sakun na mil rha ho ek dsry k bgair aesy m jya krna Chaiye?

Answer: Sigha e nikah ke zariye mard aurat par aur aurat mard par halal ho jaatay hain aur aik sath reh saktay hain.(Ref: Tauzeeh ul masail aaytullah seestani edition 41 pg no 357) (Note: mashwara:- biwi ko chahiye wo apne ghar chali jaye) [Updated on 24-Nov-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: agar bivi intercourse k lie kahe or mard inkar kre to kia yeh gunah h uske lie? or 1 ya 2 din chorke introduce krna yani jald zyada gap na dena islam me is bat ko ghlt karar dia h? ya nahi

Answer: Shohar apni jawaan bivi say 4 mahinay say ziyada muddat(time period) k liay hambistari(intercourse) tark nahi ker sakta magar ye k(except) hambistari os k liay nuqsandah ya ziyada takleef ka sabab(reson) ho ya oski bivi khud 4 mahinay say ziyada muddat k liay hambistari tark kernay par raazi ho ya nikah kertay waqt nikah k zimn(agreement) main 4 mahinay say ziyada muddat k liay hambistari tark kernay ki shart rakhi gae ho.(tauzeehul masail,Agha Seestani,maslah #2382). [Updated on 20-Nov-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Aassalam_()_alaikum Kia yh bt Sach hai k hips back site humbistari krne se nikah tooth jata hai

Answer: Anal sex biwi k raazi na hone ki sorat main ethiyaat e wajib ki bina per haram hay, agar biwi raazi ho tu jaiz hay laikin shadeed makrooh hay lekin dono sooraton mai nikah baatil nahi hota. (Ref : Ayatullah Seestani(D.B.) Al-masail e mutakhaba, maslah # 67). [Updated on 20-Nov-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Aassalam_()_alaikum Kia yh bt Sach hai k hips back site humbistari krne se nikah tooth jata hai

Answer: Anal sex biwi k raazi nah hone ki sorat main ethiyaat e wajib ki bina per haram hay, agar biwi raazi ho tu jaiz hay laikin shadeed makrooh hay lekin dono sooraton mai is sai nikah baatil nahi hota. (Ref : Ayatullah Seestani(D.B.) Al-masail e mutakhaba, maslah # 67). [Updated on 24-Nov-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Aassalam_()_alaikum Kia yh bt Sach hai k hips back site humbistari krne se nikah tooth jata hai Mere shohar mere mana krne k bawajood b mere sath zabardasti krte hai

Answer: Anal sex biwi k raazi nah hone ki sorat main ethiyaat e wajib ki bina per haram hay, agar biwi raazi ho tu jaiz hay laikin shadeed makrooh hay lekin dono sooraton mai is sai nikah baatil nahi hota. (Ref : Ayatullah Seestani(D.B.) Al-masail e mutakhaba, maslah # 67). [Updated on 20-Nov-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Asalam u alaekum, shadi k baad agar koi shaks apni bv se 1 saal se hambistree na karay to kya uska nikah toot jaata hy

Answer: wsalam. jee nahi is sai nikah baatil nahi hota albatta shohar par laazim hai k wo jawan biwi sai 4 mahine sai ziyada humbistri tark na karay lekin agar dono raazi hai tou phir ye haraam nahi hai.(Ref:Tauzeeh ul masail ayatullah seestani edition 41 maslah no 2382). [Updated on 20-Nov-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Assalam u alaikum mujhy aapse yeh poochna tha k Kiya apne shohar k Saath naked so sakte hain Orr kiya Mia biwi saath naha sakte hain ??

Answer: Shohar or bivi aik doosray k badan ko berhana daikh saktay hain. Berhana (naked) ho ker jima kerna makhrooh hay. Berhana (naked) ho ker so saktay hain. aur berhana (naked) ho ker naha saktay hain. ( Ref: Ayatullah Sistani(d.b), minhajus saliheen part#3, mafhoom e maslah #5+11). [Updated on 02-Dec-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Salam Sir mera swal ye hai k olad jawan ho jy or maa baap ka azdwaji taluk barkrar ho us bary m kya hukam hai ? Mtlb maa baap jmaa krty hain apas mai unko lgta h olad ko ni pta lekin olad ko pta hota hai k ho rha hai.ic bary m bta den

Answer: wsalam. jee wo aik doosre k liye halaal hai or islam is baat ki ijaazat deta hai.(Ref:Tauzeeh ul masail ayatullah seestani edition 41 pg no 357). [Updated on 01-Dec-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Assalam O Alaikum Kya main apni bivi ki sharmgah main apni zuban daal skta hu

Answer: Shohar or biwi aik dosray ki sharamgah ko monh (mouth) laga saktay hain, magar ye k sharamgah say nikalnay wali ratoobat Halaq mian nah jaay.Ref:Ayat Ullah Seestani(d.b), Istiftaat I-2,I-15) [Updated on 30-Nov-2021:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Kiya miya or bivi k haqooq brabr hai yah shohar k haqooq bivi perh ziada hai

Answer: 1: Jis aurat ka daimi nikah ho jaey os k liay haram hay keh shuhar ki ijazat ke baghair ghar se bahar niklay chahay os ka nikalna shuhar k haq k manafi nah hi ho. Magar yeh keh koe aham zarurat pesh aay ya ghar mein rehna os k liay nuqsaan ka bais bane ya ghar os k monahsib nah ho. Biwi k liay zaroori hai k jab bhi shohar os say jinsi lazzat (sex) hasil kerna chahay tu oski khahish pori karay or share uzr (any Islamic reason, i.e : in periods) k baghair shohar ko hambistari say nah rokay. Aur auratoo k hoqooq mai sai hai k mard isay aziat aur takleef nah pounchay aur kisi share wajah k baghair is k sath sakhti aur tarsh rawi sai pesh nah aay. Biwi ki rihaish, giza, libaas aur zindagi ke baqi zaroriyaat ka intezaam shohar par wajib hai. 2: Agar koi aurat humbistri aur jinsi lazzaton k silsile mai shohar ka saath na day kar us ki khuwaish poori na karay tou us aurat k roti kapray makaan ka shohar zimedaar nahi hai. 3: Mard ko ye huq nahi pohanchta keh bivi ko gharelo khidmat par majboor kare. 4: Jis aurat ka kharcha os k shohar k zimmey ho or shohar os ko kharch nah dey to wo apna kharch shohar ki ijazat k baghair os k maal se le sakhti hai . or agar nah lay sakti ho or majboor ho k apni ma,aash( zindagi guzararne k akhrajaat) ka khud bando bast karey or shikayat karney k liay hakim sharah(mujtahid) tak us ki pohanch nah ho takeh wo us k shohar ko kharch deney par majbor karey to jis waqat wo apni ma,aash ka bando bast karney main mashghool ho us waqat shohar ki ita,at us par wajib nahi hay. 5: Shohar apni jawaan biwi se chaar mahine se ziyadah muddat k liay hambistari tark nahin kar sakta (yani shohar ke liye chaar mahine se ziyadah muddat k liay hambistari tark haram hai) magar yeh keh hambistari os ke liay nuqsaandeh ya bohut ziyadah takleef ka baais ho ya os ki biwi khud chaar mahine se ziyadah muddat ke liay hambistari tark karne par raazi ho ya shaadi karte waqt nikaah ke zaman mein chaar mahine se ziyadah muddat ke liay hambistari tark karne ki shart rakhi gaee ho. Aur is hukum mein ehtayaat- e-waajib ki bina par shohar ke maujood hone ya musaafir hone mein koe farq nahin hai is liay ehtayaat-e-waajib ki bina par yeh jayez nahin keh ghair zaruri safar ko baghair kisi uzr ya aurat ki razamandi ke baghair chaar maah se ziyadah tool diya jaay. 6: Merd k liay munasib hay k apni biwi ko ijazat day k wo apne rishtedaro se mulaqaat kare. (Ref: Ayatullah Seestani(d.b), Tauzeeh ul masail, Edition# 39th, Maslah # 2376 to 2382) And (Minhajus Saliheen, Part#3, Maslah #338 ). [Updated on 29-Nov-2021:: Khuda aap ko Uloom e Aal e Muhammad(s.a.w.w) sekhne ka ajar ata farmaey]