QURAN-O-ITRAT ACADEMY

Question: Agr Mazi release hojaye to kapra or jisam dono napak ho jayengy ya nahi? Mny aksar jagah par parha hy k mazi sy sirf kapray napak hoty hyn jidam nahi Kindly mjy bta dyn k jisam bhi napak hota hy ya nahi?

Answer: Wo ratubat jo khabi khabi shehhwat ubhrnay par mard ki penis sai kharij hoti hai osay mazi kehtay hain, wo paak hai. Aur wuzu ko bhi batil nahi karti (aur mazi k kapre per lagne se kapra najis nahe hota aur namaz parh saktay hain).(Ref: Ayatullah Sistani(d.b),Tauzee hul masail, maslah # 70). Update on dated 15-04-17. (Khuda aap ko Uloom e Aal e Muhammad(s.a.w.w) sekhne ka ajar ata farmaey).

Question: Kia gusal e jnabat sy pehly wazu krna zroori ha?

Answer: Ghusl e janabat se pehlay wuzu zarori nahi hay. (Ref:Ayat Ullah Seestani(d.b), Urwatul Wusqa,Part#1, Mafhoom e Maslah #before 684). Update on dated 17-04-17. (Khuda aap ko Uloom e Aal e Muhammad(s.a.w.w) sekhne ka ajar ata farmaey).

Question: Agar hone wali biwi se baat karte hue sirf 1 se 2 bund white chikna pani (semen) nikle aur mani na nikle aur white chikna pani nikalne k baad soust ya aaraam na miley aur woh (semen) kapde par lag jaiy toh gusul wajib hai

Answer: Wo ratubat jo khabi khabi shehhwat ubhrnay par mard ki penis sai kharij hoti hai osay mazi kehtay hain, wo paak hai. Aur wuzu ko bhi batil nahi karti (aur mazi k kapre per lagne se kapra najis nahe hota aur namaz parh saktay hain).(Ref: Ayatullah Sistani(d.b),Tauzee hul masail, maslah # 70). Update on dated 26-04-17. (Khuda aap ko Uloom e Aal e Muhammad(s.a.w.w) sekhne ka ajar ata farmaey).

Question: agar dawa lagany ki garz sy ungli andar dalni pary tu gusal wajib hota hy

Answer: Is kaam ki wajah se ghusl wajib nahi hota. (Ref:Ayat Ullah Seestani(d.b), Tauzee hul masael,Edition# 35,Mafhoom e Maslah #344). Update on dated 26-04-17. (Khuda aap ko Uloom e Aal e Muhammad(s.a.w.w) sekhne ka ajar ata farmaey).

Question: Porn dekh ne ke baad agar phisab ke jagah se nikle kuch to Bina gusal kare namaaz pardh sakte Hai

Answer: 1-Jinsi film (sexy video) ya (sexy) tasaveer ko shewat k sath nazar karna haraam hai balke Ehteyat wajib ki bina per fahash filmoo aur tasweeron ka dekhna beghair shewat k bhi haram hai. (Ref : Mujtahid se pochay gaey sawalaat, roza, sawaal # 166,pg:82). Porn video ko dekhnay sai ghusl wajib nahi hota hai.Haan agar mani kharij ho jaay to ghusal janabat wajib ho jata hai. (Ref:Ayat Ullah Seestani(d.b), Tauzee hul masael,Edition# 35,Mafhoom e Maslah #344). 2-Wo liquid jo sehwat k sath niklay,uchal kr niklay aur us k nikalnay k baad badan sust ho jae tou wo mani ka hokum rkhti hai,wo najis bhi hai aur us k nikalnay par ghusl kerna wajib hai laikin agar sari ki sari nishania ya in mai sy kuch mojood na hoon tou wo mani nahi hai. (Ref:Ayat Ullah Seestani(d.b), Tauzee hul masael,Edition# 35,Mafhoom e Maslah #70,80,343,345). 2) Wo ratubat jo khabi khabi shehwat ubhrnay par mard ki penis sai kharij hoti hai osay mazi kehtay hain, agar peshab us se mila hua na ho to pak hai. Update on dated 18-06-17. (Khuda aap ko Uloom e Aal e Muhammad(s.a.w.w) sekhne ka ajar ata farmaey).

Question: JAgar kisi larki ko dekh kar aisa lagay kay do teen katray nikal gaye hain tw kya woh mani hai or kya main or meray kapray napaak hai?? JANAB WAZahat kariye.....Assalamualaikum

Answer: Agar wo katray shehwat k sath or uchal ker (yani preasure k sath) or un k nikalnay k baad badan sust ho gaya ho to wo mani hay jis say aap k kaprhay napaak ho jain gay or aap per ghusl wajib ho jaey ga agar aisa nahi hay tu wo paak hay or aap bhe paak rahain gay. (Ref: Ayatullah Sistani(d.b),Tauzee hul masail, maslah #345). Update on dated 14-08-17. (Khuda aap ko Uloom e Aal e Muhammad(s.a.w.w) sekhne ka ajar ata farmaey).

Question: Gusal wajib kab hota hai? गुसल वाजीब कब होता है

Answer: 1- jima ki wajah say. 2- Mani kharij ho chahy neend men hi kharij ho. (Ref: Ayatullah Sistani(d.b),Tauzeehul masail 39th edition, maslah #344). Update on dated 29-03-18. (Khuda aap ko Uloom e Aal e Muhammad(s.a.w.w) sekhne ka ajar ata farmaey).

Question: Hambistri krne ke bad Namaz or tilawat kr skte h usi halat me bina naaye dhaoye bina cloth change kiye?

Answer: Namaz nahi parh saktay or sajde wali 4 ayaat k alawa quran ki tilawat ker saktay hain lekin aisa kerna makrooh hay. (Ref: Touzihul masael, maslah#355). Update on dated 29-03-18. (Khuda aap ko Uloom e Aal e Muhammad(s.a.w.w) sekhne ka ajar ata farmaey).

Question: Sir agr kesi Ghar mardad nay ap ko touch kea ho mean romance kea ho to ghusal krna ho gay ??

Answer: Do cheezo say i) jima(intercourse) or ii) mani(semen) k kharij(nikalnay say). insaan (per namaaz perhne k lie ghusal janabat wajib ) hojata hay. Mazi se ghusl wajib nahi hota. (Ref:Ayat Ullah Seestani(d.b), Tauzee hul masael,Edition# 35,Mafhoom e Maslah #70,344,356). Update on dated 11-09-17. (Khuda aap ko Uloom e Aal e Muhammad(s.a.w.w) sekhne ka ajar ata farmaey).

Question: Assalam O alhekum .. najis bnda kis kis cheez se ho skta haii ?? jis pe gusul wajib ho .. or kapre PAK krne ho ?? or najis bnda jis cheez ko chuuta ho ? ya bheta letha ho wo jga b nzjis hojati ??

Answer: Wa alaikum salam. 1)Do cheezon sai insaan mujnib hojata hai aik jimaa or doosra mani k kharij honey sai or in dono sai insaan par ghusl e janabat wajib hojata hai. (Ref:Tauzeeh ul masail ayatollah seestani edition 39 maslah no 343 and 344). 2) agar libaas pishaab sai najis hojaye or usey qaleel pani sai dhona maqsood ho tou us par do dafa pani bahana zaroori hai or har baar pani bahane k baad us ko nichorna bhi zaroori hai, or agar libaas peshaab k ilawa kisi or nijaasat sai najis hojaye jese (mani) tou nijaasat door karney k baad us par aik dafa qaleel pani baha dia jaye or zaroori hai k pani bahane k baad us ko nichora bhi jaye. (Ref:Tauzeeh ul masail ayatollah seestani edition 39 maslah no 154 and 156). Or mujnib shaks k choone sai koi cheez najis nahi hoti han sirf wohi cheez ya jaga najis hogi jahan najasat lagi hogi. (Ref : Ayatullah Sistani(d.b),Tauzeehul masail , edition # 31 , maslah # 119 ). Update on dated 04-08-18. (Khuda aap ko Uloom e Aal e Muhammad(s.a.w.w) sekhne ka ajar ata farmaey).