QURAN-O-ITRAT ACADEMY

Question: Mera sawal ye ha k jab kisi se bat krty he sex ki to kuch pani k katry niklte he panis se kia un ka jisam se lagna or kapro pe lagne se dono napak ho jaty he k nai sir plz guide kr den shukriya..

Answer: Wo ratoobat jo shehwat angez khayalat k wqt insan apni sharmgah men mehsoos krta hai wo pak hai, us se ghusl bhi wajib nahi hota or na hi ye wazu ko batil kari hai.(Ref: Ayatullah Sistani(d.b),Tauzeehul masail 31st edition, maslah # 344-345) [Updated on 30-Nov-2021:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Fiqah jaffriya main ghusal e janabat k kya faraez hain??

Answer: Agar kisi bhi terhan mujnib ho jaae jese Jima (Intercource) ya ehtilam ke zariye se to namaz aur is jaisi doosri ibadaton k lie ghusl e janabat wajib ho jata hai. Ghusl e tertibi ka tariqah ye hay:- Najis maqam pak karne ke bad Sab say pehlay ghusl ki niyat say sar or gardan ko mukammal dhoya jaay, or is k baad poray badan ko aik saath dhoya jaa sakta hai. Albatta behtar ye hay k badan ko do hisso main dhoya jaay pehlay badan ka seedah hissa or baad main ulta hissa. (Ref: Ayatullah sistani(d.b), Tauzeehul masail, Edition 39th, Maslah # 344,360). [Updated on 28-Nov-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Sex karne me mani nahi giri toh napak huwe ya nahi mard and aurat dono ke

Answer: Agr koi shakhs aurat se jimma (intercourse) kare or uzw e tanasul supari ki miqdar tak ya is se ziyada dhakil ho jay to chahe ye dkhool fraj (ugli sharam gah) me ho ya pichlay maqam me aur chahe wo baligh ho ya na baligh aur chahae mani kharij ho ya na ho dono junub ho jatay hein. (aur dono per ghusl e janabat wajib ho hata he). (Ref : Tauzeeh e ul masayl Ayat Ullaha Sistani (d.b.) Masla # 348). [Updated on 28-Nov-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Mani ka mjje nhi pta jxt jga geeli hoti he thori kia yhi mani hoti he or iske sth me nmaz prh skti hn??

Answer: Wo ratubat jo aurat se shewat k saath kharij hoti he agar is Had tak ho k usay Inzaal Kaha ja sakay aur libaas ko aaloda kar day, jo aam taur par us waqt nikalti hay jab aurat jinsi shehwat ki Intihaa tak pohunch jaey to ye Najis bhi hay aur is aurat ko Mujnib shumaar kiya jaey ga aur us par ghusl e janabat bhi wajib hoga. aur gusl kiye bager namaz nahin parh sakti. (Ref: Ayatullah Sistani(d.b),Tauzeehul masail 31st edition, maslah # 345,360) [Updated on 29-Nov-2021:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Nahanay k doran ghusal Kia jye toh sahi ha ? Yani ghilay badan par ghusal krskty hain ?

Answer: Jee han, sahih hai.(Ref: Ayatullah Sistani(d.b),Tauzeehul masail Edition 39th, maslah # 360,371) [Updated on 01-Dec-2021:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Sir. Agar ksi ko shak hu kai raat mai neend mai mani kharij howi hu bagher khwab deky aur kapro ku deky tu nishan na hu. Tu ghuzal wajib ho jata hai

Answer: Shak ki surat me gusl wajib nahin hota.(Ref: Ayatullah Sistani(d.b), Tauzeeh ul Masail, Edition 39th, Maslah #349) [Updated on 30-Nov-2021:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Assalam O Alikum , kya gusal e janabat mein sirf pani sy hi jisam pak ho jata hai ya phr soap lagana phory jisam pr lazmi hai

Answer: Jis jagah nijasat lagi hai sirf us ko paak kar lena kafi hai aur paak karne k baad namaaz perhne k lie ghusal e janabat karna zaroori hai. aur sabon se dhona lazim nahe balke jis pani se paak kiya jaay us me sabon nahe hona chahie (Ref: sistani(d.b),Tauzee hul masail, maslah#360,119,144,) [Updated on 29-Nov-2021:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Agar ghusal ka dora wazou toot Jaya toa ghusal hoa jata hai ka nai

Answer: Agar ghusl k doran kisi shakhs se hadas e asghar sarzat ho jey maslan peshab nikal jay to us ghusl ko tark kar k shuru se ghusl karna zarori nahi he balke wo apne is ghusl ko mukammal kar sakhta he is surat me is ghusl ke bad ehtiyat e lazim ki bina per wuzu bhi karna zurari he. (Ref : Tauzeeh e ul masayl Ayat Ullaha Sistani (d.b.) Masla # 384). [Updated on 05-Dec-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Salam alaikum= Qibla mera sawal ye he k agar sote me ayesa lage ki mani nikli he par outne ke baad kapde pe kahi nhi lagi he to kya gusl karna padega

Answer: Agar insan ko shak ho k mani kharij hoe hay ya nahi tu os per ghusl wajib nahi hay. (Ref: Ayatullah Sistani(d.b), Tauzeehul masail, 39th edition, maslah #351) [Updated on 29-Nov-2021:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Assalam-o-alaikum Ya ALI A.S MADAD Mera sawal ye hay kay kia underparts se baal saf krne se ghusal wajib hojata hay ya ghusal k bgher b underparts k bal saf kiye jaskty hain?

Answer: jism k zaaid baal saaf karne sai ghusal wajib nahi hota.(Ref:Tauzeeh ul masail aaytullah seestani edition 41 maslah no 344). [Updated on 11-Dec-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]