QURAN-O-ITRAT ACADEMY

Question: Assalamu Alaikum kya penis se eak ya do bund ghadha pani tapakne se roza toot jata hai mughe itminan hai ki wah mani nahi nikla hai plz jaldi answer de jajakallah

Answer: 1)Agar rozay daar koi aisa kaam kary k mani nikal jae to roza batil hai. (Ref : Tauzeeh ul Masail Ayatullah Sistani d.b. masla #1569) 2)Mazi kharij hone se roza batil nahe hota hai. (Ref : Mujthid se pouchey gye sawalat roza ques # 40 pg # 33) (Khuda aap ki tawfiqaat mein izafa farmaye) 3) mazi pak hai. (Ref : Tauzeeh e ul masayl Ayat Ullaha Sistani (d.b.) Masla # 70)(Khuda aap ki tawfiqaat mein izafa farmaye).

Question: asalama o laikum kya main rozey main apni bachi ko dhood peela sakti ho?

Answer: Bachay ko doodh pilanay sai roza batil nahi hota hai. (Ref: Ayatullah Sistani(d.b),Tauzeehul masail 31st edition, maslah # 1553)(Khuda aap ki tawfiqaat mein izafa farmaye).

Question: kya rozy ke halat may makeup kia ja sakta hai??????

Answer: 1)Rozay ki halat me make up karnay sai roza batil nahi hota hai. (Ref : Tauzeeh e ul masayl Ayat Ullaha Sistani (d.b.) Masla # 1553) 2)Makup karna jaiz hai laikin is k baad aurat ko apna chera na-mehram se chupana zaroori hai.(ref. nigha aur libas sawal no : 161,160 pg no:96) (Khuda aap ki tawfiqaat mein izafa farmaye)

Question: sir, i want to know that k kia masturbation k bad ghusul wajib hojata he? aur mani kiya he? leukoria aur mani me kiya waziha farq he? agar rozay ki halat me masterbation ki jaye to kiya roza toot jaega?

Answer: 1)Istimna(Musht zani) karna haram hai.(ref. jaded fiqi masail aqa sistani pg no. 253 masla #462) 2)Istimna karnay sai insan mujnib ho jata hai aur ghusl e janabat wajib namaz parhney k lie aur aisi dosri abadat k lie wajib hota he. 3)Agar rozay dar istemna karay to os ka roza batil ho jata hai. aur agar koi shakhs ramzan k roze ko istimna ki wajah se batil karey jab keh jabar (zabardisti) aur na’chari ki bina per nahi balkeh amadan(jaan boojh kar) aur ikhtiyaar se aisa kia ho to is per rozay ki qaza k alawa kaffarah bhi wajib ho ga. (Ref: Ayatullah Sistani(d.b),Tauzee hul masail, maslah # 344 , 356, 1569, 1630)(Khuda aap ki tawfiqaat mein izafa farmaye).

Question: kia roze ki halat main hasbant and wife hambistri kr sakty hain

Answer: Note : Is website per fiqha e jaffaria k mutabiq jawabaat diay jatay hain. Jima yani shohar aur biwi ka aik doosray k sath hambistri karna rozay ko batil kar deta hai. (Ref: Ayatullah Sistani(d.b),Tauzeehul masail 31st edition, maslah # 1553)(Khuda aap ki tawfiqaat mein izafa farmaye).

Question: Agr ramzan me koi roza rkhe so rha hai r sote waqt use night fall hoje to kya roza toot jata hai?

Answer: Agar rozay k doran neend ki halat mai mani kharij ho jae to is sai roza batil nahi hota hai. (Ref: Ayatullah Sistani(d.b),Tauzeehul masail 31st edition, maslah # 1571)(Khuda aap ki tawfiqaat mein izafa farmaye).

Question: SIR AGAR GANDI KHAWAB AY TO ROZA TOOT JATA HAY

Answer: Note : Is website per fiqha e jaffaria k mutabiq jawabaat diay jatay hain. Jee nahi kisi bhi qiam k khawab sai roza batil nahi hota hai. (Ref: Ayatullah Sistani(d.b),Tauzeehul masail 31st edition, maslah # 1553)(Khuda aap ki tawfiqaat mein izafa farmaye).

Question: Kya roze ki hlat me thuk nigal sakte hai. thuk nigalne se roza tutata hai.

Answer: Moo(mouth) ka pani(thuk) niglnay sai roza batil nahi hota hay chahae kisi wajha say bhi moo mai aa jae. (Ref: Ayatullah Sistani(d.b),Tauzee hul masail, maslah # 1560 ) (Khuda aap ki tawfiqaat mein izafa farmaye)

Question: kya roze ki haalat me nakhun kaat sakte hai.

Answer: Rozay ki halat mai nails katnay sai roza batil nahi hota hai. (Ref: Ayatullah Sistani(d.b),Tauzeehul masail 31st edition, maslah # 1553)(Khuda aap ki tawfiqaat mein izafa farmaye).

Question: Dodh pilanay wali maan roza rakh k apnay bachay ko dodh pila sakti hai?

Answer: Jee han maa rozay ki halat mai bachay ko doodh pila sakti hai. (Ref: Ayatullah Sistani(d.b),Tauzeehul masail 31st edition, maslah # 1553)(Khuda aap ki tawfiqaat mein izafa farmaye).