QURAN-O-ITRAT ACADEMY

Question: main ne roza ki halat main biwi sex ker liya or mukamal sex kiya biwi bhi roza se thee abh is ka kuffara kiya hoga ,main bohat sharmsar or pareshan hon plz meri madad keejeeya

Answer: Note : Is website mai fiqh e jafaria k mutabiq jawabat diay jatay hain. 1-Agar aik rozay daar ramzan main apni rozay daar bivi se jima karay tu agar os ne bivi ko majboor kia ho tu apnay rozay ka kaffara or ehtiyaat ki bina per zarori hay k apni bivi k rozay ka kaffara bhi day or agar bivi jima per razi ho tu har aik per aik aik kaffara wajib ho jata hay. ( Ref: Ayatullah Sistani(d.b),Tauzeehul masail 31st edition, maslah # 1649) 2-Agar koe shaks ramzan k rozay ko jaanboojh ker or ikhtiyaar k saath jima(intercourse)k zerye se batil karay tu os ko os rozay ki qaza bi karni hogi or is k sath kaffara bi dena hoga or kaffara main ye chezein deni hoti hain 1 ghulam azad kary ya 2 mahiny rozy rakhy ya 60 faqeeron ko pait bhar kar khana khely ya har faqeer ko ¾ kilo ghandum ya jow ya roti wagaira day ( Ref: Ayatullah Sistani(d.b),Tauzeehul masail 31st edition, maslah # 1632,1630 ). (Khuda aap ki tawfiqaat mein izafa farmaye)

Question: agar rozy ma mani kharij ho jae to kia roza toot jata ha ya nhe?

Answer: 1-Agar rozay daar ko ehtelaam(yani sotay main is ki mani kharij hona) ho jay tu oska roza batil nahi hoga. ( Ref: Ayatullah Sistani(d.b),Tauzeehul masail 31st edition, maslah # 1571). 2- Agar rozadaar istimna(masturbation) karay tu oska roza batil hojata hay. ( Ref: Ayatullah Sistani(d.b),Tauzeehul masail 31st edition, maslah # 1569). (Khuda aap ki tawfiqaat mein izafa farmaye)

Question: Kai mani ya mazi nekalne sy rozay par koi asar parhta hai ? Aksar r0ze ki halat main girlfrind sy bt krte waqat chand qatrey nekal jate hain wo kai hote hain plz my first question plz plz sir ans me plz

Answer: 1)Agar rozay dar mani nikalnay k iraday k bagair misaal k taur per apni biwi(ya na,ozo billah kisi namehram lerki) se cheerh chaar ya hansi mazaq karay aur ose itminaan ho k mani kharij nahi ho gi to agarchah mani kharij ho jay is ka roza sahi he. albatta agar ose etminaan na ho to is surat me jab mani kharij ho gi to is ka roza batil ho jay ga. 3)ye bhi makrooh hai(haram nahi hai) k mani nikalne k irade k beghair insaan apne biwi ka bosa le ya koi sehwat anghaiz kaam kare. (Ref: Ayatullah Sistani(d.b),Tauzeehul masail 31st edition, maslah #1576) 2-Mazi k nikalnay se roza batil nahi hota. ( Ref: Ayatullah Sistani(d.b),Tauzeehul masail 31st edition, maslah # 1553) (Khuda aap ki tawfiqaat mein izafa farmaye)

Question: Sir, main ny rozy ki halat my (masturbate) kia roza tot gia k baqi rahe hay.Plzzzzzzz

Answer: Agar koe rozay daar istimna(masturbation) karay tu oska roza batil ho jata hay. ( Ref: Ayatullah Sistani(d.b),Tauzeehul masail 31st edition, maslah # 1569 ). (Khuda aap ki tawfiqaat mein izafa farmaye)

Question: mera sawal ye hai k agar rozay ki halat main zina ho jay to us ki mafi kaisay mil sakti hai pls tell me immigiately

Answer: 1-Agar koe shaks ramzan k rozay ko jaanboojh ker or ikhtiyaar k saath jima(intercourse)k zerye se batil karay tu os ko os rozay ki qaza bi karni hogi or is k sath kaffara bi dena hoga or kaffara main ye chezein deni hoti hain 1 ghulam azad kary ya 2 mahiny rozy rakhy ya 60 faqeeron ko pait bhar kar khana khely ya har faqeer ko ¾ kilo ghandum ya jow ya roti wagaira day ( Ref: Ayatullah Sistani(d.b),Tauzeehul masail 31st edition, maslah # 1632,1630 ). (Khuda aap ki tawfiqaat mein izafa farmaye) 2-Sub se pehlay shermindagi ka ehsaas karain or Allah se maghfirat talab karain or khud se ehed or wada karain k is gunah ko dobara anjaam nahi dain gay, or hameshah yaad rakhain k Allah aap ko daikh raha hay, or is gunah ko anjaam day ker aap shaitan ka hokum maan rahay hain or Allah ki na-fermani ker rahay hain. aap koshish karain k khuch mufeed kamo main khud ko masroof ker lain jaisay sport, perhai waghaira, or har os cheez se bachain jo aap ki jinsi khahish ko ubharay ya baydaar karain. Agar aap khud par qabo nah paa saktay hoon tab aap k liay zarori hay k shadi karain. (E-mail rcvd from A.Sistani(d.b), dated: Sep 27, 2010). (Khuda aap ki tawfiqaat mein izafa farmaye).

Question: rozay ki halat main ager disjarg hojai to kya roza toot jai ga

Answer: 1-Agar rozay daar ko ehtelaam(yani sotay main is ki mani kharij hona) ho jay tu oska roza batil nahi hoga. ( Ref: Ayatullah Sistani(d.b),Tauzeehul masail 31st edition, maslah # 1571). 2- Agar rozadaar istimna(masturbation) karay tu oska roza batil hojata hay. ( Ref: Ayatullah Sistani(d.b),Tauzeehul masail 31st edition, maslah # 1569). (Khuda aap ki tawfiqaat mein izafa farmaye)

Question: Assalam o alaikum, Mera swal hay k roze ki halat mein balon mein mehndi lgane k mtalluq kya huqm hay ?

Answer: Mehendi lagane se roza batil nahi hota. ( Ref: Ayatullah Sistani(d.b),Tauzeehul masail 31st edition, maslah # #1553 ) (Khuda aap ki tawfiqaat mein izafa farmaye)

Question: Salam kia naak(nose) main mujood balgam agar halaq main aajaye to us nigal sakte hai ya nhi pls reply fast?

Answer: Sar or seny ka balgham jab tak monh k andar waly hisy tak na ponchy ussy nighalny main koe haraj nahi lekin agar wo monh main ajay to ehtiyaat e mustahab ye hai k ussy na nighlay. (Ref : Tauzeeh ul Masail Ayatullah Sistani d.b. masla # 1561)

Question: agar neend ki halat mn mani kharaij ho jai to kia roza tootha hai,yani roza dar neend ki halat mn anb ho ai

Answer: Agar rozay daar ko ehtelaam(yani sotay main is ki mani kharij hona) ho jay tu oska roza batil nahi hoga. ( Ref: Ayatullah Sistani(d.b),Tauzeehul masail 31st edition, maslah # 1571). (Khuda aap ki tawfiqaat mein izafa farmaye)

Question: Aoa Salam mufti saheb mera sawal ya hey ky mey rozy ki neyat ker key soya to mujy soty huwy ehtelam agya or asy 3 din tak huwa Dail..to keya asy hony sy roza toot sjta hey ya phir kuch or....w/salam

Answer: Note : Is website mai fiqh e jafaria k mutabiq jawabat diay jatay hain. Agar rozay daar ko ehtelaam(yani sotay main is ki mani kharij hona) ho jay tu oska roza batil nahi hoga. ( Ref: Ayatullah Sistani(d.b),Tauzeehul masail 31st edition, maslah # 1571). (Khuda aap ki tawfiqaat mein izafa farmaye)