QURAN-O-ITRAT ACADEMY

Question: As-Salao Alaikum Hazarat Mera Sawal ya hi Ki mere Tab aur computer me Quaran Pak saved hai agar mai bagair Wazu Ya napaki ke halat me use opan kar screen tuch kar sakta hun aur kya apne beg me rakh saktahun jo jo ki mere peetha parrakh ke leke jatahun.

Answer: Jo shakhs ba-wazoo na ho os k lie quran majeed k alfaz ko mas krna haram hai. laikin computer ki screen par hath laga saktay hain. (Ref: Ayatullah Sistani(d.b),Tauzeehul masail 31st edition, maslah # 316)(Khuda aap ki tawfiqaat mein izafa farmaye).

Question: assalamualaikum me janna chata hu ki ye ayat kon sa sura se hai"In nasu utthaku rabbakum in na jal jalathas sa hati sahiun azim........hamlim hamlama otaran nasa sukara oma hum be sukara ola kinna azab allahi sadid

Answer: Surah e Hajj surah # 22 ayat # 1 hai. ﻴﺎﻴﻬﺎﺍﻟﻧﺎﺲ ۔۔۔۔۔ ﺷﻲﻋﻈﻴﻢ (Khuda aap ki tawfiqaat mein izafa farmaye).

Question: quran kai kis pare mein ayatal kursi hai

Answer: Ayatul Kursi quran majeed k teesray paray ki Surah e Baqra surah # 2 ki ayat # 255-257 mai hai. (Khuda aap ki tawfiqaat mein izafa farmaye).

Question: quran main namaz ki kitni rakat ka zikr aya ha???

Answer: Quran e kareem mai mamaz ki rakatoo ka zikar nahi aya hain bal k hadeeso mai aya hai. (Khuda aap ki tawfiqaat mein izafa farmaye).

Question: Wo kaunsi surat hai jismen sab se pahle sajda ki aayat nazil hui

Answer: Nazool k hisab sai sab sai pehli surah, surah alaq hai aur is surah ki last ayatoo mai sajdah wajib ho jata hai. (Khuda aap ki tawfiqaat mein izafa farmaye).

Question: sajda e quran ka sahi treeqa detail se bta den.

Answer: Ehtiyat e wajib ye hai k quran majeed k wajib sajday mai insan apni peshani sijdagah ye kisi aisi cheez par rakhay jis par sajda karna sahi ho aur ehtiyat e mustahab ki bina par badan k doosray hissay zameen par isi terah rakhay jis terah namaz mai bataya gya hai. koi zikr na parhay tab bhi kafi hai aur zikr ka parhna mustahab hai. (Ref: Ayatullah Sistani(d.b),Tauzeehul masail 31st edition, maslah # 1085)(Khuda aap ki tawfiqaat mein izafa farmaye).

Question: apny aulad k liay jo surah e ra ead btai hy wo kis pary me hy or surah no kya hy.plz mujhy btaeay.

Answer: Surah al raad quran majeed ki surah # 13 hai aur 13 paray mai hai. (Khuda aap ki tawfiqaat mein izafa farmaye).

Question: kya Quran Shreef kay tarjumay ko Quran kaha jaiga ? or Nahi to kya Kaha jata hai ?

Answer: Quran majeed k arabic k alawa kisi bhi zaban mai tarjumay ko quran to kaha jae ga albetta os k alfaz ko mas karna yani apnay badn ka koi hissa os quran k alfaz sai lagana haram nahi ho ga. (Ref: Ayatullah Sistani(d.b),Tauzeehul masail 31st edition, maslah # 316)(Khuda aap ki tawfiqaat mein izafa farmaye).

Question: kia quran pak parhaty wakt paon ko hath lagana thik hai ya nai?

Answer: Is main koi harj nahi hai. (Ref : Ayatullah Sistani(d.b),Tauzeehul masail , edition # 1414 , maslah # 322 , ALLAH TAALA tofiqaat mian izafa farmaae).

Question: Quran me wo konsi surat hai jis me 2 bar bismillah parhi jati hai

Answer: Quran majeed k 19 paray ki surah naml surah # 27 ki ayat # 30 mai Bismillah aye hai. (Khuda aap ki tawfiqaat mein izafa farmaye).