QURAN-O-ITRAT ACADEMY

Question: assalam o alaikum mera sawal ye hai ke me aik larki se boht pyar karta hu or humare rishte ki bd bhi hu chukki hai ghr me ghr wale bhi sb raazi hai toh kia hum romance kar sakte hai

Answer: Jee nahi, nikah say pehle aap aik doosre k liay na-mehram hain lehaza ye amal aap k liye jaiz nahi hoga. Ref: Ayatullah Sistani(d.b),Tauzeehul masail 39th edition, maslah #2397). Update on dated 20-04-18. (Khuda aap ko Uloom e Aal e Muhammad(s.a.w.w) sekhne ka ajar ata farmaey).

Question: M ek ladke se bht pyaar krti hu 2 saal ho gye hm ek dusre se shadi bhi krna chate hh pr ab wo mkujhse baat nhi krna chata hh pls koi dua btade jisse wo phle jesa ho jaye...pls yaar kuch btado

Answer: Jinse mukhalif se doosti ka is had tak izhaar karna k is se kehe k muje tum se muhabbat hai jaiz nahe hai. (ref: nighao libaas,aqa Behjat ,pg:69) rasool allah ne farmaya: surah yaaseen ki tilawat kiya kare is me 10 barkate hai (us me se aik ye hai k ) jin ki shadi nahe hoi hai wo shadi shuda ho jaay ghe. (Ref : Dunya Wa Akhirat ki 100 Pareshanion ka hal pg # 18). Update on dated 18-04-18. (Khuda aap ko Uloom e Aal e Muhammad(s.a.w.w) sekhne ka ajar ata farmaey).

Question: Kiya mard ustaani se taleem haasil krskta hai? Aur kiya ek lrki mard se prh skti hai? Kiya lrki molvi sahab se Quran prh skti hai? Kiya mard ustaani sahiba se Quran seekh skta hai?

Answer: Wssalam o alykum, Ager larki Shari parde ke sath hon, or mard haraam nazro se pharaiz karain or dosre haraam kaam bhi na ho tou jaiz hai.(Ref : nigaah o lebaas , baab # 4 , sawaal no # 93 , pg # 64 , Allah Taala hi tofiqaat main izafa farmaane wala hai). [Updated on 27-Oct-2018 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Kiya mangni ka bad mangatar ka sath goomna,phone PR bat krna halal h ya haram?

Answer: mangaiter apas main na mehram hain.Mangni k baad aam mamool ki baat cheet karna jis k ander koe shehwat nah ho koe haraj nahi he lakin is me bhi shart he k is se koi jinsi lazzat haasil nah ho aur nah hi haram me perhnay ka dar ho. (ref : Mujthid se poushey gye sawalat part # 3, ques # 115 , 116 pg # 57) . (Khuda aap ki tawfiqaat mein izafa farmaye). [Updated on 27-Oct-2018 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: kiya ik na mehram larka larki k darmiyan sulha karwai ja skti hai? ager wo naraz ho ik dosry sa

Answer: Jins e mukhalif se dosti kerna jaiz nahi koun k gunah mai mubtilla hone ka khof majood hai. ( Ref : Kitab nigah aur libas ques # 106 , pg # 69). [Updated on 27-Nov-2018 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Asslamu alykum agr aap quware ho to kya mumani se mohabbat karna jayaz hai or unse mohabbat ka izhar kar sakte hai ya nahi or unhe kisi or naam se pukar sakte hai ya nahi

Answer: Jins e mukhalif sai is had tak dosti karna k mohabbat ki had tak pounch jay, ye jaiz nahi hai q k gunah mai mubtila honay ka khof moujood hai. (Ref : Nigah aur libas sawal # 106 pg # 69) Mumani na-mehram hai or Na-mehram aurat se aisi baatain ki jasakte hain jin ka nateja kise akhlaqi fasaad ki sorat me na nikal raha ho jab k koe aisi baat bhi nah ki ja rahi ho jis ka kise ajnabi khatoon k saath kiya jana munasib nahi hota. or agar gunah main parhne ka khoof ho agarcheh ahista ahista parhne ka hi khoof Q nah ho tu baat karna jaiz nahi hay isi tarah gher akhlaqi or mazaq mai bhi warid hona jaiz nahi hai. (Ref : Mujtahid se pochay gaey sawalaat, part # 4, sawaal # 127,pg # 66) (Ref:nigha aur libas pg: 31 eidition 1) & http://www.sistani.org/urdu/qa/01845/) Update on dated 14-09-18. [Updated on 24-Nov-2018 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: nikha sa pahla bat kr sekta ha h

Answer: Nikah say pehle aurat namehram hoti hai or aik (namehram) khatoon se aise baatain ki ja sakti hain jin ka nateja kisi akhlaqi fasaad ki sorat me nah nikal raha ho jab k koe aisi baat bhi nah ki jarahi ho jis ka kisi ajnabi khatoon k saath kiya jana munasib nahi hota . Ise tarah beghair lazzat k irade k is ki batain bhi sone jasakti hai jab k haram me bhi na perne ka itmenaan ho. (Ref : Mujtahid se pochay gaey sawalaat, part # 4, sawaal # 127,pg # 66) (Ref:nigha aur libas pg: 31 eidition 1). [Updated on 05-Jan-2019 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Kia Shadi ke bgair kiss kerne se gunah milta he??

Answer: 1) Na mehram aurat k jism k kisi hissay ko choona ya os ka bosa laina(kisi) haram hai, chahae lazzat k iraday k sath ho ya is k baghair aur chahay baad mai shadi hi Q nah karni ho. (Ref: Ayatullah Sistani(d.b),Tauzee hul masail, maslah # 2397). [Updated on 04-Feb-2019 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Kya Naa mehram aurat ka Haath pakarne se ,rooza toot skta hai..

Answer: Na-mehram ka haath pakarne sai roza baatil nahi hota lekin ye kaam khud haraam hay.(Ref:Tauzeeh ul masail ayatullah seestani edition#41, maslah#1553). [Updated on 04-May-2019 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: mera sawal hai k rozey ki halat m na mehram sy salam le skty hath mila k? aisa sun ny m aya hai k le skty? to kya is sy roza makrooh nhi hota? ya hath milany ka gunnah nhi?

Answer: Namehram se hath milana haram hay, siwaey ye keh hath main dastana ho to haram nahi hay, ye kaam roze ki halat main bhi haram hay. (Ref: Ayatullah sistani, jaded fiqhi masel, maslah#467). Update on dated 07-05-19. (Khuda aap ko Uloom e Aal e Muhammad(s.a.w.w) sekhne ka ajar ata farmaey).