QURAN-O-ITRAT ACADEMY

Question: Kisi insan se wada kiya jaye k aik kaam nhi karungi Phir Woh kaam krna par jaye toh gunnah ya azab toh nhi?

Answer: Agr momin se kiya gaya Ehed tora jaye to ye ek gunah e kabera hai.(Ref : Ayat Ullah Seestani(d.b), Minhaajus Saliheen Part # 1, Mafhoom e Maslah # , Eidition 1430 hij) Momineen or saliheen ki sifaat main aik ye hay k wo qaul o fail main sachay hoon or wada wafa karain. Allah ne apne nabi Isma,eel(a.s) ki in alfaaz main tareef ki hay: “wo waday k sachay thay or khuda k rasool or nabi hain. ” Or Rasool e akram (s.a.w.w) ne fermaya : “ jo shaks khuda or rooz e aakhirat par emaan rakhta ho osay chahiay k jab kisi se wada karay tu os pora karay.” Sach boolna or wada ki wafa kerne ki ehmiyat yaheen se zahir hoti hay k bohot se ghair muslim Islam k baray main apna faisla ya raay ka izhaar mulasmano ki rawish or on k kirdaar ko daikh ker kertay hain.Chunachah aisay musalman bohot hain jinho ne apne pasandidah kirdaar k zarye Islam ko ghair muslimo k saamne behtareen andaaz se paish kia or on afraad ki bhi koe kami nahi jo apne kirdaar k zerye Islam ko daaghdaar{yani badnaam} kertay hain.(Ref:A.Sistani(d.b),Jadeed fiqhi masa,il, maslah# 307) [Updated on 22-Mar-2022:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Agar kisi ladki k saath zabardasti zyati hue ho us se nikah krna jaiz hai

Answer: 1)Zina karna gunah e kabira hay. Laikin agar majboor kar k zabardasti zina karwaya jae to jis ko majboor kia gya ho wo ghunahgar nahi ho ga. (Ref:Ayatullah sistani, Minhajus Saliheen,Part#1, Maslah#30) (Note: Majboor krnay sai murad ye hai os nai zinakar ko roknay ki bharpoor koshish ki ho laikin zina kar shakhs nai zabardisti os sai zinah kar dia ho maslan be-hosh kar dia ye mar dalnay ki dhamki di ho.) (jis shaks se guna hoa hay use tuba karne chaie kyu ke ) gunaao se tuba aham tareen umoor or wajebaat me se hay tuba ki haqiqat gunaao se pashemaan hona hay pashemaani aik qalbe amar hay ( yane ye muaamla dil se taaluq rakhta hay) srif (astaqferullah) khena kafi nahe hay balke tuba ke lie haqiqi tour per pashemaan hona lazim ( zarori ) .(ref: tuziulmasaail jame,urdu,aqa sisrtani topic: gunaao se tuba) 2)Agar koe shaks aisi bay shohar aurat k sath zina kare jo iddat main nah ho tu ehtiyaat e wajib ki bina per wo shaks is(aurat) k tauba karne se pehle is se shadi nahi kar sakta. (Ref: Ayatullah Sistani(d.b),Tauzeehul masail, 41th edition, maslah #2364). [Updated on 03-Feb-2022:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: kia sex stories parh na gunnah hai.. answer

Answer: Agar shewat ko ubhaarne ka bais banain tu on ka perhna jaiz nahi hay,(Ref: Nighaa or libas, pg#60). [Updated on 29-Oct-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Aslam o alikum Ap aksr logon ka jawabat ma kehta hain ka <"agr haram ma parna ka khof na ho"> is ka kia matlb ha?

Answer: Haram main perhne se murad istimna or zina hay. (Ref: https://www.sistani.org/urdu/qa/search/3564079/) [Updated on 29-Oct-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Assalam o alaikum g Mera sawal yeh hai keh Mera aik friend nai aik boy keh sath sex Kya pir us nai Toba Kya lekin log kehtai hai boy keh sath sex karanai wali ka ghusal nahi nikalta so please answer me in detail (jazakAllah)

Answer: Ham jins sai sex karnay mai agar male kisi doosray male sai sex karay to os ko lowaat kehtay hain aur ye amal haram hai aur kabira ghunahon mai shumar hotay hai.(Ref : Minhaj us salaheen Ayat ullah sistani d.b. part # 1 masla # 30) Mani ke nikalne say namaz aur is jesi dosri ibadat ke liye gusul wajib ho jata hay. (Ref: Ayatullah Sistani (d.b), Tauzeeh ul masael, Edition# 2019, Mafhoom e Maslah #344)-(Note: Jee nahin aisa nahin hai balke us ko bhi gusl karna hota hai gusl ke bad wo tamam kaam kar sakta hai jo wuzu ya gusl ke anjam diye jatay hain) [Updated on 01-Dec-2021:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Asslamualikum , iss sonchse ghutan hoti hai ki humse kisi ka dil tuta hai .Kisi ka dil todne ka kaffra kya hoga plzzz hame batyen

Answer: Kisi momin ko aziyat pohchana gunah azeem hay, is ki taubah karna wajib hay or jis ko aziyat pohnchae ho os ko raazi kia jaey.(Ref: Minhajus saliheen, jild#1, maslah#30) [Updated on 27-Dec-2021:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Aslam o layikum sir mera Quistion ye hai k eger koi Walid apnay he gusa Mae ake apnay jawan beta k moun pey thuuqta hai to Kya ye bohut bara gunah hai or islam Mae is hawaly say koi Bayan ye gusa jaiz hai ik baap ka?

Answer: Wa alaikum salam. kisi bhi momin ki toheen karna jaiz nahi hay, chahay wo baita hi q nah ho, momin ki toheen karna gunah e azeem hay(Ref: Minhajus saliheen, jild#1, maslah#30). [Updated on 21-Dec-2021:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Kiya husband apni wife ko galeez kism ki gaali nikal sakta hai Mera husband mujhy roz gandi sy gandi galiya nikalta hai riz larta jagharata hai mere character py ungli uthata hai

Answer: Biwi ho ya koi or gaali daina kisi ko jaaiz nahi hai.(Ref: Mujtahid sai poochay gaye Sawalaat part # 3, sawaal # 166) [Updated on 29-Nov-2021:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Kabira gunah hadis

Answer: Ghunahane qabira me se 1)allah k sath shiriq karna 2) khuda ki rehmat se mayoos hona 3) khuda ki tadbeer se apne aap ko aman me samajna 4) un cheaso ka inkaal karna jo allah ne nazil ki hai 5) khuda k waliyon se jang karna 6) ghunah ko halqa samajna 7) aaq e waldain ( waldain ko aziyat dena ) 8) musalman aur har nafas moutarma ko Qatal karna aur ise tarah inhe zakmi karna , marna aur dosere kaam karna 9) pak daman mard , aurat per sharhi ghawoo k beghair zina aur dosere faisha kaamo ki tumat laghana 10) zulman yateem ka maal khajana 11) naab toul me kami karna 12) chori karna 13) jang se farar karna 14) sood khana 15) zina karna 16)mard ka mard k sath bad faili karna 17) aurat ka aurat k sath bad faili karna 18) istimna karna 19) mian biwi k ilawa kise bhi zaria se jinse lazat jasil karna 20) do logon ko haram jinsi talukat k lye milana 21) shohar k lye haram hai k us ki biwi kise dosere mard k sath haram taloukat rakhe aur wo khamosh rahe 22) baghair ilm aur ujlat k baat karna 23) jhoot bolna 24) jhooti ghawahi dena 25) jo cheez allah ne nazil nahe ki hai us k bare me fatwa dena 26) allah ki jhoote kasam khana fasalo k maqaam per 27) ghawahi ko chupana 28) jan bojh kar namaz ko chor dena 29) ramzan k roze ko choor dena 30) wo hajj jo zindaghi me aik martaba wajib hota hai us ko choor dena 31) wajib zakat se mana karna 32) kate rahmi karna 33) aise jagh jana jahan deen ko nuqsaan pouche 34) sharab aur dosere nashe aawar chease pina 36) khinzeer aur dosere haram gosht jaanwar ka gosht khana 39) haram kamai khana 40) israaf karna 41) tabzeel karna 42) mali hoqooq ko baghair kise waja k rook kar rakhna 43) zalimo ki madad karna 44) zalimo ka rukun banna 45) zalimo ki mansab ko qabool karna magar ye k ye mansab halal ho sakta hai agar ye kaam khud halal ho aur is me musalmano k lye maslehat ho 46) moumin ki gibat karna 47) momin ko gali dena 48) momin ko lanat karna 49) momin ki touheen karna 50) momin ko zaleel karna 51) momin ka mazaak urana 52) momin ko darana 53) momin k razo ko dondhna 54) momin k ghunaho ko zahir karna 55) momin ko halqa samajhna 56) momin per jhoote bandhna 57) momeneen k darmiyaan chugli karna 58) moun se gandi aur fahash batain karna 59 ) dhoka dena 60) khayanat karna 61) ahad ko tourna 62) apne aap ko dosero se bara zahir karna 63) ibadat me riakari karna 64) hasad ka izhar karna 65) haram mouseqi ka istemaal , jado karna, jado seekna seghana, joa k alaat, shatrang khelna. (Ref: Ayatullah sistani, Minhajus Saliheen Part#1, Edition 2009, Maslah #30). (Note: Tamam Gunahan e kabira kisi aik hadees me bayan nahin kiya gaya, balke mukhtalif ahadees bayan kiye gaye hain.) [Updated on 15-Dec-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Mujhe pichhle 4-5 saal se raat me sote waqt ya Aadhi Raat me sarmgaah hilane ki bimari hai mai chah kar bhi nahin rok pata hoon iska ilaz bataiye aap ki bahoot meharbani hogi

Answer: Istimna or khud lazzati haram hay or gunahaan e kabeera mai sai hai chahay haath se ho ya film or tasweer per nigah daalne se ho ya khayalaat or is ki manid kisi cheez se ho. I ka ilaj shadi hai, sur aap ke liye shadi karna wajib hai, Q ke Jo koi shadi nah karne ki waja se haram kaam me mubtila hota ho tu us per wajib hay k shadi kar lay. (Ref: Ayatullah Seestani(d.b), Tauzeeh ul masael jaame, Edition #1435, Maslah #2296) and (Tauzeeh ul masael Urdu, Edition# 39, Maslah #2407). [Updated on 03-Dec-2021:: Khuda aap ko Uloom e Aal e Muhammad(s.a.w.w) sekhne ka ajar ata farmaey]