QURAN-O-ITRAT ACADEMY

Question: Mera Beta bohat pareshan karta hai har waqt us per koi na koi zid savar rahti hai. Padahi me bhi tawajeh nahi deta Kehna bhi nahi manta, app meharbani farmaker koi hal batai

Answer: Agar kisi ki aulad na farmaan ho to surah e ahkaaf ki ayat # 15 ( rabbi . . . . . . . .al muslimeen) ko rozana 3 martaba parh kar pounkhain inshallaha aulad farma bardar ho jaay gi. (ref : naeem ul aamal pg # 338) (Khuda aap ki tawfiqaat mein izafa farmaye)

Question: agar koye aurat apna shuhar ka sath har qadam per sath daa or mard uss per zulm dhaye uss ko ghar sa nikal daa too uss urat ko kiya karna chahiya plzz tell usss imegetly

Answer: Agar mian biwi apas me naraz hoon to surah e muzzamil ko 3 bar sharbat per parh kar pila dein to aik dosray ke dost aur meharban ho jain ge. (ref : Kitab payam e shifa pg # 287) (Khuda aap ki tawfiqaat mein izafa farmaye)

Question: shohar ke dil mein mohabbat bharnay ke liye biwi ko konsi dua parhni chahiye please koi quranic dua bata dein...thanks

Answer: Hazrat Imam Jaffar e Sadiq (a.s.) se marvi he k surah e Mubarak e jumma ko sohar aur biwi k darmian it’ti’faq k lie 5 bar parhna chahaie. (Ref : Dunya Wa Akhirat ki 100 Pareshanion ka hal pg # 84) (Khuda aap ki tawfiqaat mein izafa farmaye)

Question: exam mein awal aane ki duwa

Answer: Imtehaan main kamiyaabi k liay ye bohat asar wala wazeefa hay.Imtehaan main center(imtehaani markaz) jaanay say pehlay is aayat ko 7 mertabah perh ker jaa’ain or is ayat say pehlay or baad 3 mertabah salawaat perhain.ye sorah anfaal(sorah#8) ki ayat #62 hay: “Fa inna Hasbakal laah. Howal. lazee ayyadaka binasrihee wa bil moomineen. (Ref: Naeem ul aamaal pg # 352) (Khuda aap ki tawfiqaat mein izafa farmaye)

Question: salam mere abu ko 10 sal ho gye hain zameen k cases lerte hwe ksi ka kch faisla nai ho rha insaf to milta h nai yha pe ap plz is masle ka koi hal btain....

Answer: Kisi bhi jaiz mukadume me kamiabi k lie adalat me wird karey “YA HO’WA YA MAN LA HO’WA ILLA HO’WA” (Ref: Naeem ul aamaal pg# 317) (Khuda aap ki tawfiqaat mein izafa farmaye)

Question: salam sir , meine oehle bi sawal kiya tha me jise chahti hu wo shadi shuda hai aur me chaahti hu wo apni biwi se zyada muje shahe aur mere pas aye. sirf mera bana rahe,wo b muje chahta hai.please koi tarkeeb bataye.

Answer: Wazifa bayan karne k badlay me aap ko in fiqhi masail ki taraf mutwajjah kiya jata hay k : jins e mukhalif se dosti kerna jaiz nahei koun ke ghuna me mubtila hone ka khof majood he. ( kitab nigah aur libas ques # 106 , pg # 69).

Question: mean nay study veza apply keya hova hea plez koi wazifa bataen kay mayra kam asani say ho jay.thnx

Answer: Dua e tawassul ko her waqt perh saktay hain,laikin kisi khaas maqsad k liay is dua ko musalsal 14 dino tak rozana namaz e fajar k baad aik 2 rakat namaz e hajaat ada kernay k baad perh ker dua maangain. insha allah parvadigar aap k haq me jo behtar hoga wo karega .(Ref: Naeem ul aamaal pg# 40-41) (Khuda aap ki tawfiqaat mein izafa farmaye)

Question: KUWAT E BAH BADANEWALI KAUNSI CHIJEN HAIN JIS SE MARD KO SEX KARNE KI TAKAT MILTI HAIN

Answer: Imam a.s. farmatay hein k jis ka nutfa kam ho ya kamzoor ho os k chahaea k sab se pehlay khuda ki bargah me istegfar karay aur is k bad anday(egg) aur piaz kasrat se khaien. (ref : kitab tib e islam pg # 54) (Khuda aap ki tawfiqaat mein izafa farmaye)

Question: salam men jis larky say pyar karti hun us ki maa nahen man rahen mere ami to man gaen han bus us ki mam ka masla ha ap bataen kia karun men aur mere mama bohat pareshan han

Answer: 1. Agar sura-e-muzammil ko rozana aik aik dafa 41 days tak parh kar dua ki jai to (inshallah) yaqeenan rishta tay ho jaiga. (REF: Wazaif-ut-talib, pg no. 76). 2. Dua e tawassul ko her waqt perh saktay hain,laikin kisi khaas maqsad k liay is dua ko musalsal 14 dino tak rozana namaz e fajar k baad aik 2 rakat namaz e hajaat ada kernay k baad perh ker dua maangain. insha allah parvadigar aap k haq me jo behtar hoga wo karega .(Ref: Naeem ul aamaal pg# 40-41) 3. larki , waldain ya larka har mah ki no’chandi jumarat ko bad az namaz e eisha (ya mou’ti) ko 11000 martaba aik hi bar parhain to matloob rishta hasil ho ga. (ref : kitab naway salaheen pg # 406) Note: Wazifa bayan karne k sath aap ko in fiqhi masail ki taraf bhi mutwajjah kiya jata hay k : jins e mukhalif se dosti kerna jaiz nahei koun ke ghuna me mubtila hone ka khof majood he. ( kitab nigah aur libas ques # 106 , pg # 69). (Khuda aap ki tawfiqaat mein izafa farmaye)

Question: meri shadi ko kuch months howe hain mere shohar ka dosri larkiyon se taluq hai jiski wja se wo mera kehna ni mante ap koi aisa wazifa ya dua bata dain ta ke wo mere bilkul control me ajain or ye buri harkaten chor dain

Answer: Riyawat me he k agar sohar aur biwi k darmian ilfut o mubahat barhani ho to is Mubarak ism ko (Al wa’dood) ko 1001 bar kisi mithi cheez per parh kar donoo ko khanay ko dia jay to inshallaha zaroor bahimi ilfut wo mubahat paida ho jay gi. aur ikhtilaf khatam ho jay ga. (Ref : Dunya Wa Akhirat ki 100 Pareshanion ka hal pg # 83) (Khuda aap ki tawfiqaat mein izafa farmaye)