QURAN-O-ITRAT ACADEMY

Question: Nangi movies dekhne ka gunah maaf ho jata he?

Answer: 1: Jinsi film sexy video ya sexy tasweer ko shewat k sath nazar karna haraam hai balke ehteyat wajib ki bina per fahash filmon aur tasweeron ka dekhna beghair shewat ke bhi haram hai. 2: Istighfaar (taubah) main 6 batain shamil hain: (Nidamat k saath sachay dil say 14 masoomeen(a.s) k waseelay k saath Allah say maafi talab kernay say tubah foran qobool hoti hay) 1) Maazi(past) k gunah per shamindagi. 2) Aaindah(in future) gunah nah kernay ka masboot iradah. 3) logo ka jo haq aap per baaqi hay os ko ada kerna. (maslan kisi ka maal ya haq, nahaq khaya that tu os say maafi maangna ya oska haq ada kerna). 4) Jin wajibaat ko ada nahi kiya os ko ada kerna.(maslan namaz roza ko agar ada nahi kiya tha tu os ki qaza bja laana). 5) Jo ghosht maal e haram say jism main paidah hoa ho os ko gham o ranj say pighla daina yahaan tak k naya ghosht paidah ho. 6) Jism ko waisay hi ibadat ka mazah chakhana jis terah osko gunah say maza chakhaya tha. 3: Jo shaks shadi na hone ki waja se fale haraam me mubtela hota ho is per wajib hai k shadi kar le. (Ref: Mujtahid se pochay gaey sawalaat, chapter roza, sawaal #166, pg #82. + Nehjul balagha, kalimaat e hikmaat #417. Tauzeeh ul masail, Ayatullah Sistani(d.b), Maslah #2407). [Updated on 06-Aug-2022:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Kya Blow krna Zina ha y Haram? Kindly Reply

Answer: Ye zina to nahin kehlaye ga lekin Jinsi film (sexy video) ya (sexy) tasweer ko shehwat k sath nazar karna Haram hai balke Ehteyat wajib ki bina per fahash filmon aur tasweeron ka baghair shehwat ke dekhna bhi Haram hai. (Ref: Mujtahid se pochay gaey sawalaat, roza, sawaal #166, pg #82). [Updated on 17-Aug-2022:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: How to control sexual thoutt

Answer: 1: Taqwa e ilahi k zariye se is se nijaat hasil ki jaye or jin cheezon or maqamaat se jazbaat main tehreek(harkat) paida hoti hay un se door raha jay. or Allah e subhaan ka kasrat se zikr kia jaye or ye is se bachne k liay sakht koshish ki jaye. 2: Is ke elawa Gunahon se bachnein k bohat se tariqe hain jin me se chand ye hen k 1. mout ki yaad ko dil main bassaen, 2. ye tassawur karain k khuda aap ko har waqt dekh reha hay, 3. khaas taur per namaz e shab ki pabandi karain, 4. Pakiza aur halal ghiza kahain…. etc. 3: Agar koe shakhs shadi nah karnay ki wajah say haram (kaam) men mubtala ho to us par wajib hay keh shadi karay. 4: Ghunah ka jab khayal aaye to hameshah yeh yaad rakhain k Allah daikh raha hay, or is gunah ko anjaam day ker shaitan ka hokum maan rahay hain or Allah ki na-farmani ker rahay hain. koshish karain k khuch mufeed kamo main khud ko masroof ker lain jaisay sports, parhai waghaira, or har os cheez se bachain jo jinsi khahish ko ubharay ya baydaar karain. Agar khud par qabo nah paa saktay hon to roza rakhain Q ke roza ghunahon k muqabilay mai dhal ka kaam karta hai. 5: Hazrat imam Ali Riza (a.s) se marvi riwayat k mutabiq waqt e zawaal(e aaftab) 150 baar "yaa quddoos" ka wird karne se dil noorani ho jata hay or is wird ki wajah se shaitaani waswason se aman mil jaati hay. aur waswase k liay "Laa haula walaa qoowwata illaa billaah" parhain. (Ref: http://www.sistani.org/index.php?p=297396&id=262 . + kitab: Tark e ghunahan ke 40 tareeqe. + Tauzeeh ul masail, Aaytullah Sistani(d.b), Edition #42, Maslah #2407. + (E-mail rcvd from A.Sistani(d.b), dated: Sep 27, 2010). + Dunya or akhirat ki 100 pareshaniyon ka hal, pg #20. Mafati jinah, pg #208). [Updated on 26-Aug-2022:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Mai ny apni biwi sy bht jhut bolay hai janay ajany mai srf uski khushi k lia aur wo kahe pareshan na hojaye kiya m ny koi gunah krdia hai ab meri biwi meray sath nai hai mujh yeh pocha na hai mai kis tarha usko apny sath lekr asakta hun

Answer: 1: Jee han, Jhoot bolna haram aur gunah e kabeera hai. jhoot yani wo khabar dena jo haqeeqat me na ho. Aur is me koi faraq nahin ke jhoot mazaq me bola jaye ya sanjeedgi se ya kisi ki khushi ki khatir. lihaza is se bachen aur Allah taala se tauba talab karen. Aur mandarja zail masail par aap khud bhi amal karen or apni biwi ko bhi in masail se aaghah karen. 2: Jo aurat daemi nikah men ho os k liay haram hay ke wo shohar ki ijazat ke baghair ghar se bahir jaye chahe us ka nikalna shohar ke haq ke manafi nah bhi ho. siwaye ye ke koi aham zaroorat pesh aaye ya ghar men rehna us ke liye haraj or mashaqqat e shadeed ka baais ho ya ghar uski shan ke mutabiq nah ho. 3: Aik shadi shuda zindagi ko behtar banane ke liye zaroori hai he ke aik doosre ki chhuti chhuti baton ko nazar andaz kiya jaye, aik doosre ke sharaei huqooq ka khayal rakhte hoe, aik doosre ki ghalation se darguzar kiya jaye, or is baat ki koshish ki jaye ke zindagi ki bunyad piyar o muhabat par ho. 4: Biwi ko chahiye ke khud ko jinsi lazzaton ke liye jo shohar ka haq hai us ke ikhtiyar men qaraar day, or kisi sharaei uzr (any Islamic reason, i.e : in periods) k baghair shohar ko hambistari say mana na karay. 5: Biwi ki rihaish, giza, libaas aur zindagi ki baqi zaroriyaat ka intezaam karna shohar par wajib hai. agar intezaam na kare chahe qudrat rakhta ho ya na rakhta ho apni biwi ka maqrooz hai. 6: Biwi ke hoqooq me se hai ke mard ise aziyat aur takleef na punhchaye aur kisi sharaei wajah ke bagher is ke sath sakhti aur tarsh royei se pesh na aaye. 7: Agar biwi humbistri aur jinsi lazzaton ke silsile me apne wazaaif par amal na kare to ghar, libaas or roti wagera ke mutalbe ka haq nahin rakhti agharche us ke pass hi rahe. 8: Mard biwi ko ghar ke kam, kaj par majboor nahin kar sakta, agarche biwi ke liye mustahab hai ke ghar ke kam ko anjam de. 9: Hadees manqool hai jis main me aik aurat ne kaha keh ya Rasool allah shohar ka haq zauja per kya hai yani biwi per kya kya cheezain farz hain farmaya lazim hai ke us ki itaat kare kisi waqt or kisi haal main us ki nafarmaani na kare jis waqt wo mubashirat ka irada kare inkaar na kare chahe wo unoot ki pusht per hi kyun na sawaar ho phir us aurat ne arz ki ya rasool allah mard per kis ka haq sab se bara hai farmaya baap ka aurat ne arz kia, aurat per sab se bara haq kis ka hai farmaya shohar ka, aurat ne arz kia keh shohar per mera haq utna nahi hai jitna mere per shohar ka hai, farmaya nahi or aik doosri hadees manqool hai keh aurat per farz hai ke kisi raat is halat main na soay keh us ka shohar us se naraz ho us aurat ne arz kiya ya Rasool allah chahe us aurat k shohar ne kitna hi zulum kiya ho farmaya " haan chahe kitna hi zulum kiya ho ". (Ref: Minhaj us Salaheen Ayatullah Sistani(d.b), part #1, maslah #30. + part #2, maslah #38. + Tauzeeh ul Masail, Edition #42, Maslah #2376,2377,2378. + Link, https://www.sistani.org/urdu/qa/01744/ . + Tahzib ul islaam, baab #4, Huqooq e zaujain, pg #140,141). [Updated on 02-Sep-2022:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: I had don sex with my own Sister, but I didn't released sperm. I know it is bigger sin. Any Tauba to erase this sin? Plz reply asap..

Answer: 1: Jo koi bhi shadi na karne ki wajah sai haram fel e haram ( maslan najaaiz sex) mai mubtila hota ho tu us par wajib hai k shaadi kar lay. 2: Lazim hai ke is gunah ke liye tauba ki jaye ai. aur zaroori hai ke apne aap ko is gunah se bachaen. sub se pehlay shermindagi ka ehsaas karain or Allah se maghfirat talab karain or khud se ehed or wada karain k is gunah ko dobara anjaam nahi dain gi, or hameshah yaad rakhain k Allah aap ko daikh raha hay, or is gunah ko anjaam day ker wo shaitan ka hokum maan rahi hain or Allah ki na-fermani ker rahi hain. Aap koshish karain ke khud ko khuch mufeed kamon main masroof ker lain jaisay sport, parhai ghar ke kaam kaj waghaira, or har os cheez se bachain jo aap ki jinsi khahish ko ubharay ya baydaar kare. Agar aap khud par qabo nah paa sakti hon to roza rakhain Q ke roza ghunahon k muqabilay main dhaal ka kaam karta hai. (Ref: Tauzeeh ul masael Jaame, Ayatullah Sistani(d.b), Edition #1435, Maslah #2296. + Tauzeeh ul masail, edition #42, maslah #2407. + (E-mail rcvd from A.Sistani(d.b), dated: Sep 27, 2010). [Updated on 08-Sep-2022:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Agr 1 larka dusray larky Kay sath Zina (lowat) karay to Kya wo ek dusre ke behen say nikah kr skty hai ya nahi

Answer: 1: Mard ka mard ko shehwat ki nigah se daikhna jaiz nahin hay. aur mard ka mard se gair fitri amal anjaam daina jiaz nahin hay. aur ye amal Lawaat (iglaam/homosex) kehlata hai or ye gunah e kabeera hay. 2: Iglaam|(homo-sex) karwanay walay larkay ki maan, behen aur beti Iglaam karnay walay per jabke (Iglaam karnay wala) balig ho, haram ho jatay hain. Aur agar Iglaam karwanay wala mard ho ya Iglaam karnay wala na-balig ho tab bhi ehtiyat e lazim ki bina par yahi hokum hai laikin agar usay guman ya shak ho k dukhool hua tha ya shak karay ke dukhool hua tha ya nahin to phir wo haram nahin hon gay. laikin Iglaam karnay walay ki maan, behen aur beti Iglaam karwanay walay per haram nahin hain. (Ref: Jadeed Fiqhi Masail, Ayatullah Sistani(d.b), Maslah #460,461, pg #253. + Minhajus Saliheen, Part #1, Maslah #30. + Tauzeeh ul masail, edition #42, Maslah #2369). [Updated on 28-Sep-2022:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Salam.Is masturbation zina? Is masturbation's punishment equal to zina's punishment? I have done masturbation many times.what is its punishment? Doing masturbation means one has done zina? Is sin of masturbation forgivable by Allah SWT?

Answer: 1: Istimna or khud lazzati(hand practice/masturbation) zina nahin, lekin Haram or gunahaan e kabeera mai sai hai. lekin is ka kaffara nahin hai. 2: Jo koi bhi shadi na karne ki wajah sai haram fel e haram(masturbation) mai mubtila hota ho tu us par wajib hai ke wo shaadi kar lay. 3: Lazim hai ke is gunah ki wajah se Allah taala ki barghah me tauba ki jaye. aur zaroori hai ke apne aap ko is gunah se bachaen. sub se pehlay shermindagi ka ehsaas karain or Allah se maghfirat talab karain or khud se ehed or wada karain k is gunah ko dobara anjaam nahi dain gi, or hameshah yaad rakhain k Allah aap ko daikh raha hay, or is gunah ko anjaam day ker wo shaitan ka hokum maan rahi hain or Allah ki na-fermani ker rahi hain. Aap koshish karain ke khud ko khuch mufeed kamon main masroof ker lain jaisay sport, parhai ghar ke kaam kaj waghaira, or har os cheez se bachain jo aap ki jinsi khahish ko ubharay ya baydaar kare. Agar aap khud par qabo nah paa sakti hon to roza rakhain Q ke roza ghunahon k muqabilay main dhaal ka kaam karta hai. (Ref: Tauzeeh ul masael Jaame, Ayatullah Sistani(d.b), Edition #1435, Maslah #2296. link https://www.sistani.org/urdu/qa/01734/ . + Tauzeeh ul masail, edition #42, maslah #2407. + (E-mail rcvd from A.Sistani(d.b), dated: Sep 27, 2010). [Updated on 26-Oct-2022:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Kia ek larki k liye masturbation krna jaiz hai? Jab wo akeli ho toh

Answer: 1: Jee nahin, Koi bhi surat (akeli ho ya na) ho Istimna or khud lazzati(hand practice/masturbation) karna Haram or Gunahaan e kabeera mai sai hai chahay hath se ho ya film or tasweer per nigah daalne se ho ya khayalaat or is ki maanid se ho. 2: Jo koi bhi shadi na karne ki wajah sai haram kam (masturbation) mai mubtila hota ho tu us par wajib hai ke wo shaadi kar lay. 3: Koshish ki ke khud ko khuch mufeed kamon main masroof ker lay jaisay sport, parhai ghar ke kaam kaj waghaira, or tanhai se door rahe or logon ke sath rahe or har os cheez se bacha jaye jo jinsi khahish ko ubharay ya baydaar kare. Agar khud par qabo nah paa sakti ho to roza rakhe Q ke roza ghunahon k muqabilay main dhaal ka kaam karta hai. (Ref: Tauzeeh ul masael Jaame, Ayatullah Sistani(d.b), Edition #1435, Maslah #2296. + Tauzeeh ul masail, edition #42, maslah #2407. + (E-mail rcvd from A.Sistani(d.b), dated: Sep 27, 2010). [Updated on 26-Oct-2022:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: har wakt zehin mn sex ka khayal hy boohat ziayada sex karna

Answer: 1: Agar is tarah ke khayalaat, inzaal (mani nikalne) ka sabab banen to ye kam Haram hai aur agar inzaal ka sabab na banen to bhi Ehtiyat e mustahib hai ke is tarah ke khayalat ko tark kar diya jaye. 2: Jo shakhs shadi na karnay ki wajah se haram me mubtila hota ho os par wajib he k shadi karay. 3: Agar zehin men bure khayalat ke aayen to is se koi gunah nahin hota aur ye sub shaitaani waswase hain aur in ko dafa o door karne liye Hazrat imam Ali Riza a.s se mervi riwayat k mutabiq waqt e zawaal(e aaftab) 150 baar yaa quddoos ka wird karne se dil ko noorani ho jata hay or is wird ki wajah se shaitaani waswason se aman mil jaati hay. 2: Waswasae k liay ( Laa haula walaa qoowata illaa billaah) perhain. (Ref: Mujtahid se pooche gaye sawalaat, part #2, ques #199, pg #82. + Tauzeeh ul masail, Ayatullah Sistani(d.b), Edition #42, Maslah #2407. + Dunya or akhirat ki 100 pareshaniyon ka hal, pg #20. + Mafati jinah pg# 208). [Updated on 27-Oct-2022:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Asslamo Alekum Mje bas srf itna btaden k kia sharmgah milana Ese k mani na nikli ho or na hee mard ki shramgah ort ki shrmgah k andr dakhil hui ho bs Mili hon aps me kia ye intercourse (zina) me ata hai? Shukrya Mera Sawal ye hai k

Answer: 1: Zina ye hota hai ke aik baaligh or aaqil mard ( jo pagal na ho ) apne uzo e tanasul (penis) ko hashfe (glanspenis) ki miqdaar ke barabar aik aisi aurat ki agli (vagina) ya pichli (anus) sharamghah main daakhil kare jo is mard ke liye halal na ho. ye zina kehlata hai. or aisa karna Haram or gunah e kabira hai. 2: Zina karna to alag se aik gunah e kabira hai lekin is alawa kisi na mehram mard or aurat ka aik dosre ke jism ke kisi hissay ko dekhna, choona ya bosa dena(kiss karna) chahe lazzat or shehwat ke iraday ke sath ho ya is ke baghair ye tamam kaam bhi Haram or gunah e kabira me se hain. aur is gunah se bachne or jinsi taskeen ka sharaei or halaal rasta shadi karna hai Q ke Jo koi bhi chahe mard ho aurat agar shadi na hone ki wajah se Haram kaam me mubtila hote hon to is par wajib hai ke wo shadi kar lay. 3: Agar kisi se ghunah sarzad ho jaye to agar wo sharmidagi ke sath sachay dil se tauba kare lay to yaqeenan Allah taala ki zaat Gafoor o Raheem aur bakhshne wali hai aur use bhi yaqeenan bakhsh degi. (Ref: Al-Lumatud damashqiyah, part #3, chapter kitab e hodood, pg #313. + Minhaj us Saliheen, Part #1, Edition #1443 hij, maslah #30. + Tauzeeh ul masail, Ayatullah Sistani(d.b), mafhoom e maslah #2397,2399,2407. + (E-mail rcvd from A.Sistani(d.b), dated: Sep 27, 2010). [Updated on 27-Oct-2022:: Khuda aap ko Uloom e Aal e Muhammad(s.a.w.w) sekhne ka ajar ata farmaey]