QURAN-O-ITRAT ACADEMY

Question: Kya hilana haram hai? Or isko kese roke mtlb shadi to kr ni sakte umar choti hai

Answer: 1: Jee han, Istimna or khud lazzati(hand practice/masturbation) karna Haram or Gunahaan e kabeera mai sai hai chahay hath ke zariye ho ya film or tasweer per nigah daalne se ho ya khayalaat or is ki maanid se ho. 2: Jo (larka ya larki) bhi shadi na karne ki wajah sai haram kam (masturbation) mai mubtila hotay hon to un par wajib hai ke wo shaadi kar lein. Aur larki 9 qamari (chand waly) saal poray karnay ke baad balig ho jati hai, lihaza agar larki balig hai lekin umr ke aitebaar se choti hai tab bhi shadi kar sakti hai. aur is surat me ke jab larki haram kam (masturbation) mai mubtila ho rahi ho, us par shaadi karna wajib hai. 3: Koshish ki jaye ke khud ko khuch mufeed kamon main masroof ker lein jaisay sports, parhai, ghar ke kaam kaj waghaira, or tanhai se door raha jaye or logon ke sath rahen or har os cheez se bachen jo jinsi khahish ko ubharay ya baydaar kare. Agar khud par qabo nah paa sakti hon to roza rakhen Q ke roza ghunahon ke muqabilay main dhaal ka kaam karta hai. (Ref: Tauzeeh ul masael Jaame, Ayatullah Sistani(d.b), Edition #1435, Maslah #2296. + Tauzeeh ul masail, edition #42, maslah #2407,2215. + (E-mail rcvd from A.Sistani(d.b), dated: Sep 27, 2010). [Updated on 29-Oct-2022:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Salamun Alaikum. Kya mard ke Liye apni jinsi taskeen ke Liye sex doll ya aurat ki sharmgah ke sex toys istimal Karne ki ijazat hai.

Answer: Agar is se mani khaarij karna maqsood ho ya is ki aadat aisi ho ke is qisim ke aamaal se mani khaarij hoti ho or mani khaarij na bhi ho to ye amal Haram hoga. balke ehtiyaat e wajib bina par agar mani ke khaarij nah hone ka itminaan bhi ho phir bhi jaiz nahin hai. (Ref: Jadeed Fiqhi Masail, Ayatullah Sistani(d.b), Maslah #464,499). 1) Shohar aur biwi k ilawa kise aur tariqe se jinse lazzat hasil karna gunah e kabira hay . .(Ref:Ayatullah sistani, Minhajus Saliheen,Part#1, Maslah#30) 2) Jo shaks shadi na hone ki waja se fale haraam me mubtela hota ho is per wajib hai k shadi kar le.(Ref : Tauzeeh e ul masayl Ayat Ullaha Sistani (d.b.) Masla # 2407) [Updated on 31-Oct-2022:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Kapdon ke upar se ek dusre ki sharmgah touch karne se zina ho jata hai kya?

Answer: 1: Yeh zina to nahin kehlaye ga, laikin shewat ke Sath touch karna Haram hay 2: Zina ye hota hai ke aik baaligh or aaqil mard (jo pagal na ho) apne uzo e tanasul (penis) ko hashfe (glanspenis) ki miqdaar ke barabar aik aisi aurat ki agli (vagina) ya pichli (anus) sharamghah main daakhil kare jo is mard ke liye halal na ho. aur aisa karna Haram or gunah e kabira hai. 3: Zina alawa kisi na mehram mard or aurat ka aik dosre ke jism ke kisi hissay ko dekhna, choona ya bosa dena(kiss karna) chahe lazzat or shehwat ke iraday ke sath ho ya is ke baghair ye tamam kaam bhi Haram or gunah e kabira me se hain. aur is gunah se bachne or jinsi taskeen ka sharaei or halaal rasta shadi karna hai Q ke Jo koi bhi chahe mard ho aurat agar shadi na hone ki wajah se Haram kaam me mubtila hote hon to is par wajib hai ke wo shadi kar lay. 4: Agar kisi se ghunah sarzad ho jaye to agar wo sharmidagi ke sath sachay dil se tauba kare lay to yaqeenan Allah taala ki zaat Gafoor o Raheem aur bakhshne wali hai aur use bhi yaqeenan bakhsh degi. (Ref: Al-Lumatud damashqiyah, part #3, chapter kitab e hodood, pg #313. + Minhaj us Saliheen, Part #1, Edition #1443 hij, maslah #30. + Tauzeeh ul masail, Ayatullah Sistani(d.b), maslah #2397,2399,2407. + (E-mail rcvd from A.Sistani(d.b), dated: Sep 27, 2010). [Updated on 02-Dec-2022:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Behn k sath galat harkat kr betha hn bus touch kia Now im realise k kitna bara gunah ho gya h kia kro me

Answer: 1: Is tarah ke gunah se bachne or jinsi taskeen ka sharaei or halaal rasta shadi karna hai Q ke Jo koi bhi chahe mard ho aurat agar shadi na hone ki wajah se Haram kaam me mubtila hote hon to is par wajib hai ke wo shadi kar lay. 2: Agar kisi se ghunah sarzad ho jaye to agar wo sharmidagi ke sath sachay dil se tauba kare lay to yaqeenan Allah taala ki zaat Gafoor o Raheem aur bakhshne wali hai aur use bhi yaqeenan bakhsh degi. (Ref: Tauzeeh ul masail, Ayatullah Sistani(d.b), maslah #2407. + (E-mail rcvd from A.Sistani(d.b), dated: Sep 27, 2010). [Updated on 07-Dec-2022:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Agr zina hogya h uske bad sache dil se tauba b karen to kiya hamare sath wohi maqafat e amal hoga...ya Allah pak wo maaf kr dega aur zina ka badla nh hoga....? Kindly give me a suggestion.

Answer: 1: Sache dil se tauba karne se Parwardigar e aalam yaqeenan muaf farmaye ga. lehaza Hazrat Rasool Allah(s.a.w.w) se marvi hadees ke mutabiq Surah e Tahreem ki tilawat karte howe Allah Taala ki baargah main tauba ki jaye. 2: Tauba ka sahi mafhoom ye hai ke sab se pehle to is gunah par nidamat honi chahiye or Allah se istighfaar or tauba talab karni chahiye or apne aap se ehed or wada karna chahiye ke is ghunah e azeem ko phir kabhi anjaam nahin dain ge. or hamaisha yaad rakhen ke Allah har waqt daikh raha hay or is gunah ko anjaam day kar shaitan ka hukum maan rahe hain or Allah ki na-farmani kar rahe hain. (Ref: (E-mail Rcvd from A.Sistani(d.b) Sep 27, 2010). [Updated on 14-Dec-2022:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Kya koi ladka balig ho jay ur kisi chhoti bachi ko godh bithay ur sex jesa masoos kry to kya ya zina hy

Answer: Ye zina to nahin hai, Albatta ye bhi jaiz nahin hai, or shohar,or biwi ke ilawa kise tareqe se jinnse lazzat hasil karna Haram hay. (Ref: Tauzeeh ul Masail Jaame (farsi), Ayatullah Sistani(d.b), part #4, Edition #1443, Page #3,11, minhaaj us suleheen jild no:1,masla no:29). [Updated on 19-Dec-2022:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Agar kisi ka raz apki waja sy kisi ko pata chal jay uska kya kafara hoga

Answer: Agar is se murad gheebat hai yani gheebat ke zariye kisi ka raz kisi dosre ko pata chala hai to zaroori hai gheebat karne wala tauba kare q ke gheebat karna Haram or gunah e kabira hai, lekin kaffara nahin hai. (Ref: Minhaj us Saliheen, Ayatullah Sistani(d.b), Part #1, Edition #1443 hij, maslah #30). [Updated on 12-Jan-2023:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: agr behn Bhai sy bad family krway to Kya krna chahiy

Answer: 1: Behen or bhai aapsa me mehram hain aur mehram ke sath jinsi lazzat hasil karna Haram aur gunahan e kabera hai. lihaaza laazim hai ke sachay dil se tauba kare or tauba ka sahi mafhoom ye hai ke sab se pehlay to apnay aap ko is gunah par nidamat honi chahiay or Allah se istighfaar or tauba talab kerni chahiay or apnay aap se ehed or wada kerna chahiay ke is ghunah e azeem ko phir kabhi anjaam nahin dain gay. or hamaisha yaad rakha jaye ke Allah har waqt daikh raha hay or is gunah ko anjaam day ker shaitan ka hokum maan rahay hain or Allah ki na farmani kar rahay hain. 2: Is gunah se bachne or jinsi taskeen ka sharaei or halaal rasta shadi karna hai Q ke Jo koi bhi chahe mard ho aurat agar shadi na hone ki wajah se Haram kaam me mubtila hote hon to is par wajib hai ke wo shadi kar lay. (Ref: Minhaaj us Saliheen, Ayatullah Sistani(d.b), Part #3, Maslah #155. +Tauzeeh ul masail, edition #42, maslah #2401,2407. + (E-mail Rcvd from A.Sistani(d.b) Sep 27, 2010). [Updated on 24-Dec-2022:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Aslam u Alikum Dost marda ka dost mard ko Azhar mohabat k leye bosa Dena ya galy lagana jis main jinsi taskeen na ho sirf azahr mohabat k leye Islam main jaiz Hy ya ni

Answer: Sharaei maslah to ye aik mard ka dosre mard ko shehwat ki nigah se dekhna, gale lagana, bosa dena wagera jaiz nahin hai. isi tarah aik aurat ka dosri aurat ko shehwat ki nigah se dekhna, gale lagana, bosa dena wagera jaiz nahin. Lekin agar shehwat aur lazzat ki niyat na ho or Haram me mubtela hone ka khouf na ho to kise larke ka dosere larke ko daikhna or us larke ke badan ko mas karna jaiz hai. (Ref: Jadeed Fiqhi Masail, Ayatullah Sistani(d.b), Maslah #460,500). Ref:Minhaaj us Saliheen A.Sistani Part-3 Masala No.12,16) [Updated on 30-Dec-2022:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Agar Sasur ko pata chale k us ke bete ki b.v apune shohar k ilawa kisi doosre mard k sath zina karti he, to Kya us Sasur ko apune bete ko batana chahiye k tumhari b.v ger mard k sath zina karti he?

Answer: Kisi bhi Aurat ka apne shohar k alawa kisi se jismani talluq rakhna haram or gunah e kabira hay. Agar bahu ko gunah se bachane ka yahi rasta ho susar ko chahiye ke ya to khud amar bil maroof aur nahi anil mukar (yani ghuna se rokhne) ke tahat apni bahu ko is kam ke anjam dene se mana kare ya apne bete ko bataye, taake wo apni biwi ko amar bil maroof aur nahi anil mukar (yani ghuna se rokhne) ke tahat apni biwi ko mana kare Q ke amar bil maroof aur nahi anil mukar karna bhi wajib hai. (Ref: Minhajus saliheen, Ayatullah Sistani(d.b), part #1, edition #1443, maslah #30. Tauzeeh ul masail, Ayatullah Sistani(d.b) edition #42, pg #302). [Updated on 28-Dec-2022:: Khuda aap ko Uloom e Aal e Muhammad(s.a.w.w) sekhne ka ajar ata farmaey]