QURAN-O-ITRAT ACADEMY

Question: bimariyo se nijat pane ki dua

Answer: Hazrat imam jaffer e sadiq (a.s.) ka irshad he ke surah e alhumd ka parhna mout ke siwa har bemari ki dawa he. surah e hasher ko khaloos e dil k sath parhein to inshallah shifa ho gi. (Ref : Kitab Payam e Shifa pg # 208 , 209) (Khuda aap ki tawfiqaat mein izafa farmaye)

Question: Blood Pressure ka ilaj bata daey

Answer: Agar koi blood pressure ka mareez ho gya he to os ko chahae surah e aal e imran ki ayat no 134 ko 101 martaba har namaz k baad rozana parhay inshallah zaroor faida ho ga. (Ref: Naeem ul aamaal pg# 369) (Khuda aap ki tawfiqaat mein izafa farmaye)

Question: asa koi wazef day jo mara har hajath pora karay. thank you

Answer: Janab e Rasool e khuda ne farmeya k “ jo banda raat ko uth kar do rakat namaz parhey aur sijdey me 40 deeni bhaiyo k lie un ka aur un k baap ka nam le kar un k haq me dua karey phir apni hajat bargah e khuda me pesh karey to is ki dua qabool ho gi aur hajat puri ho gi”. (ref : Kitab payam e shifa pg # 167) (Khuda aap ki tawfiqaat mein izafa farmaye)

Question: Kala Jadu, Bandish Aur Nazar Ko Jad se Khatm Karne keliye koi wazifa bataye jo jald se jald asar kare bahut mehar bani hogi. sukriya

Answer: Janab e Imam e zamana (a.s.) se mankool he ke dushmanoo ke dur karney, un ki rusvei, seher(magic) ko bay asar karney aur maqasid e deni aur dunyavi pura honay k lie dua saba’sab bari afadiat rakhti he. ref kitab wazzif ul abrar pg no 121) (Khuda aap ki tawfiqaat mein izafa farmaye)

Question: salam maulana mera sawal ye hai k me ek ladke se bahut pyar karti ho per mujhe nahi pata k wo mujh se pyar karta hai ya nahi plz ap mujhe koi aisa wazifa bata de k meri shadi usse ho jaye aur wo bhi mujhse mohabbat kare plz jawab de me intizar karogi

Answer: 1) kisi bhi jaiz muhabbat k liay 313 mertaba ye perhiay. “yaa lateef yaa wadood” (Ref: naeemul a’amaal,pg#314). 2) Dua e tawassul ko her waqt perh saktay hain,laikin kisi khaas maqsad k liay is dua ko musalsal 14 dino tak rozana namaz e fajar k baad aik 2 rakat namaz e hajaat ada kernay k baad perh ker dua maangain. insha allah (parvadigar aap k haq me jo behtar hoga wo 3) Walid ya walida surah e ahzab ko hath se likh kar aik dabay me band kar k apnay ghar me ba’hifazat rakh dein aur is surah ko har roz aik bar parh kar dua mangay to in ki beti k lie hisb e mansha rishta dastiab ho ga. (ref : kitab naway salaheen pg # 406) wazifa bayan karne k sath aap ko is fiqhi maslah ki taraf bhi mutwajjah kiya jata hay k : jins e mukhalif se dosti kerna jaiz nahi Q k ghunah me mubtila hone ka khof majood he. ( kitab nigah aur libas ques # 106 , pg # 69). (Khuda aap ki tawfiqaat mein izafa farmaye) (Khuda aap ki tawfiqaat mein izafa farmaye)

Question: meri mangetar se meri larai na ho is k lia koi dua btain yh koi allah ka nam wagaira jisay parne se hmaray darmiyan koi galat fahmi na paida ho

Answer: Hazrat Imam Jaffar e Sadiq (a.s.) se marvi he k surah e Mubarak e jumma ko sohar aur biwi k darmian it’ti’faq k lie 5 bar parhna chahaie. (Ref : Dunya Wa Akhirat ki 100 Pareshanion ka hal pg # 84) (Khuda aap ki tawfiqaat mein izafa farmaye)

Question: mere shohar muje se nafrat karnin lage hain. jab se us nin 3sri shadi ki hai.app kuch batain take shuhar muhabat kare muj se

Answer: Hazrat Imam Jaffar e Sadiq (a.s.) se marvi he k surah e Mubarak e jumma ko sohar aur biwi k darmian it’ti’faq k lie 5 bar parhna chahaie. (Ref : Dunya Wa Akhirat ki 100 Pareshanion ka hal pg # 84) (Khuda aap ki tawfiqaat mein izafa farmaye)

Question: salam eileikum jee meri ami ko cancer hy start hy...or hum bht pareshan hy..hume koi tareeqa batay

Answer: 1)Surah e ibraheem ki ayat ( wa masaloo kalimatin . . . . . . minqararin) parh kar 5 bar nade ali parhain aur mareez per phoonk dein inshallaha chand din me faida ho ga. 2) Is marz k lie surah e inaaam bhi mufeed he. (Ref : Kitab Payam e Shifa pg # 201)(khuda aap ki taufeeqaat me izafa karay)

Question: salam.aeilkum jee mere mia ki our meri bht larai hoti hy..humara aik betha hy ad humara pyar mohabbat rahe ..main bht parshan hu..woh bht zidi hy har baat py larai karte hy plz koi wazeefa baty

Answer: Riyawat me he k agar sohar aur biwi k darmian ilfut o mubahat barhani ho to is Mubarak ism ko (Al wa’dood) ko 1001 bar kisi mithi cheez per parh kar donoo ko khanay ko dia jay to inshallaha zaroor bahimi ilfut wo mubahat paida ho jay gi. aur ikhtilaf khatam ho jay ga. (Ref : Dunya Wa Akhirat ki 100 Pareshanion ka hal pg # 83) (Khuda aap ki tawfiqaat mein izafa farmaye)

Question: mulana sahab main ek saal se karib berozgar hoon bahot try karta hon but koi responce nahi app koi wajifa bada de jis se main jald hi rozgar mil jye main married hoon aur ghar main sab ki jimmadari bhi hai

Answer: 1. Job milnay k liay sadqa dain. Sadqe ki wajah se rizq naazil kiya jata he.(Ayat Ullah Seestani(d.b), minhaajus saliheen,Part#2,albaabus saani-fis sadqa, page no.425). 2. Husool e rizq or taraqqi e rizq k liay 141 mertabah ye zikr perha jaay. “yaa raz’zaaqo urzuq’nee”.(Ref: naaemul aamaal,pg#315). 3. Dua e tawassul ko her waqt perh saktay hain,laikin kisi khaas maqsad k liay is dua ko musalsal 14 dino tak rozana namaz e fajar k baad aik 2 rakat namaz e hajaat ada kernay k baad perh ker dua maangain..(Ref: Naeem ul aamaal pg# 40-41). 4. Moula Ali a.s. ka irshad he: “sadqa de kar rizq hasil karo”. Dosray maqam per Moula Ali a.s. ka irshad he : “jab faqir ho jao to Allaha se sadqe ke zarie tijarat karo” (ref : kitab payam e shifa pg# 236) (Khuda aap ki tawfiqaat mein izafa farmaye)