QURAN-O-ITRAT ACADEMY

Question: AOA main kkissi ko pasand kerti hon magar mery parents os k liye nahi maan rahy hain m ne apko pehly bi Questiion kia tha jis k reply m ap ne ujhy pardhny k liye bataya tha m wo bhi pardh rahi hon per koi maan hi nahi raha hay plzz kuch help ker dain

Answer: 1. Jo mard aurat shadi chahte hein. Wo surah e taha ayat # 131,132 (wala tamud’dannah. . . . .. . .. . .. lit taqwa) ka taweez likh kar gale me dalein. is ayat ke bad darood bhi likhein. (Ref : Kitab Payam e Shifa pg # 282) 2. Hazrat Imam e Jaffer sadiq a.s. farmatey he k jo surah e taha ko likh kar sabz rashmi kaprey me lappet kar apne pas rakhe aur shadi k qasad se kisi k pas jey to usi na kam nahi lotna pare ga aur wo shadi ho kar rahe gi. (Ref : Dunya Wa Akhirat ki 100 Pareshanion ka hal pg #18) Note: Wazifa bayan karne k sath aap ko in fiqhi masail ki taraf bhi mutwajjah kiya jata hay k : jins e mukhalif se dosti kerna jaiz nahei koun ke ghuna me mubtila hone ka khof majood he. ( kitab nigah aur libas ques # 106 , pg # 69). (Khuda aap ki tawfiqaat mein izafa farmaye)

Question: Duwa kiu nai qbool hoti

Answer: Surah-e-baqra ki akhri 2 ayat ki tilawat karnay walay ki dunyavi aur ukravi ki hajat puri kardeta hai aur shaitaan bhi us kay nazdeek nahi phatak sakta (Ref: Dunya wa Aakhirat ki 100 Pareshanion ka hal pg # 01) (Khuda aap ki tawfiqaat mein izafa farmaye)

Question: salam...main study k liye abroad jana chahti hu plz mje koi wazifa batayen k mera kam Allah k fazlo karam se hojaye..maherbani

Answer: Ap raat k aakri hisse main- khas to per jumme ko-wazoo ko mukamal tor per anjaam dain or 2 rakat namaaz perye or baad e namaaz 70 martaba ye duwa(bismillahi al-rahmaan al-raheem, ya absara al-naazireen, ya asr‘aaa al-hasibeen, ya-asmaaa al-samieiin, ya akrama al-alramiin, ya arhama al-raheemeen, ya ahkama al-hakeemeen)perye, INSHALLAH ALLAH ap ki duwa pori kare ga.(Ref; nawaae sualehiin, pg # 305 Khuda aap ki tawfiqaat mein izafa farmaye). One who recite 686 times bismillah “بسم الله الرحمن الرحیم” and recite 676 times durood “اللہم صلی علی محمد و آلمحمد” then pray, your duas/wishes will be answered. (Ref : Naemul aamaal pg # 317) (Khuda aap ki tawfiqaat mein izafa farmaye)

Question: Asalam-o-Alekum! Sir meri 1 dost k pait main tumour hay mera question yeh hay k kya Tumour ya phir cancer ka ilaj Qurani Aayat k through mumkin hay? aur kya koi dosra insan kisi k liye yeh ker sakta hay, plz detail se batayen.

Answer: Rasool e Akram (s.a.w.w) nai farmaya hai surah e Al-humd men har beemari k lie shifa hai is lie mareez ko chahiye k surah e Al-humd ko likh kr bandhe ya 70 martaba pani par parh kar piya to ose shifa naseeb ho gi.(Ref : Naway e Salaheen pg # 296) Dua e tawassul ko her waqt parh sakte hen, lekin kisi khas maqsad k liay is dua ko musalsal 14 dino tak rozana namaz_e_fajar k baad ek 2 rakat namaz_e_hajat ada kerne k bad parh kr dua mangen.insha allah parvadigar ap k haq me jo behtar hoga wo karega.(Ref: Naeem ul aamaal pg# 40-41). (Khuda aap ki tawfiqaat mein izafa farmaye)

Question: salam o alaicum mera sawal yeh he k mujhy dua mangny ka wo treeka maloom krna he jis me aajzi bhi ho or pora hony ki umeed b.mera mtlb he k mujhy dua mangny ka wo treeqa btaeen jis trha Allah k khas bnday mangty hon please plz jldi answer dijiye ga

Answer: Dua ke chand adaab hen. 1- Ba_wazu ho, 2- kushbu istamaal kare , 3- chehra qibla ki tarf ho, 4- huzur e qalb ke sath dua kare, 5- Pehle ALLAH ki hamd_o_sana kare, 6- Shuru o aakhir men 3 martaba darud shareef pahre, 7- Dua ka ikhtatam is jumle (maa_sha_Allah_ho laa_hola_wala_quwwata illa_billahi) pr kre, 8- dono hath utha kar dua mange, 9- hram kam ki dua na kare, 10- Apni dua men dusre momineen ko bhi shamil kare, 11- ALLAH ke samne apni aajzi ka sacche dil se itaraaf kare, 12- Halat_e_dua men apni tawajoh ALLAH BUZURG_O_BARTER se na hataye.(Ref : Naway_e_saliheen, pg # 20) (ALLAH ap ki toufeeqat men izafa farmaye)

Question: Salam Alekum, mujhe koi naksha (tabeez) chahia meri khushhali/taraqqi aur rizq ki Barqat ke lia. pls. naksha ya tabeez batiaga.Sure Muzzammil /Sure Rahmam, Ayatalkursi padhta hun.Khuda Hafiz

Answer: 1. Husool e rizq or taraqqi e rizq k liay 141 mertabah ye zikr perha jaay. “yaa raz’zaaqo urzuq’nee”.(Ref: naaemul aamaal,pg#315). 2. jo shakhs surah e muzamil ko perashani k k door honay ki niyat se namaz e isha k baad 11 bar parhay to ose khush hali naseeb ho gi. (ref : wazaif ul abrar pg # 49) 3. Dua e tawassul ko her waqt perh saktay hain,laikin kisi khaas maqsad k liay is dua ko musalsal 14 dino tak rozana namaz e fajar k baad aik 2 rakat namaz e hajaat ada kernay k baad perh ker dua maangain. insha allah parvadigar aap k haq me jo behtar hoga wo karega .(Ref: Naeem ul aamaal pg# 40-41) (Khuda aap ki tawfiqaat mein izafa farmaye)

Question: mera gussa bhot barta jaraha he me hr kisi ko glt or apne apko sai kheta hon or be waja gussa krta hon mjhe please haal btaen iska please

Answer: Gussay ko door karnay k lie surah e aal e imran ki ayat no 134 ko chini(sugar) per 101 martaba musalsal 21 din tak parhain aur peain inshallaha faida ho ga. (Ref: Naeem ul aamaal pg# 369) (Khuda aap ki tawfiqaat mein izafa farmaye)

Question: Saalam meray 2 Q hain pehla ye ky may larko ki taraf attract hta hn plz iss sy bachnay ka wazeefa bta dain 2nd ye ky jb mera parhnay ka dil nae krta plz iss ka bhi wazeefa bta dain Thankx

Answer: Note : Is website per fiqhae jaffaria k mutabiq jawabaat diay jatay hein. 1)merd ka merd ko shehwat or lazzat ki nigaah se daikhna jaiz nahi hay.(A.sistani(d.b),jaded fiqhi masa’il, masalah # 460) WAZIFA: 2)Ghunahoon se bachnay k bohat se tariqay hain jin me se chand ye he k I)mout ki yaad ko dil main bassa’en II) ye tassawur karain k khuda aap ko har waqt dekh reha hay. III)khaas taur per namaz e shab ki pabandi karain. IV)Pakiza aur halal ghiza kahain…. etc (ref : kitab tark e ghunahan k 40 tareeqe). (Khuda aap ki tawfiqaat mein izafa farmaye) 2) Agar dil ilm k hasool may na lagta ho to surah e alaq ki ayat # 1 ta 5 likh kar is k galay may dalain aur pani par parh k pelain to zehen aur aqal ki tezi k liay bhi mujarrab hay. (Ref : Kitab naway salaheen pg no 346 )

Question: May ladki say pyar karta hu. Wo b karti he lekin shadi k liye ha nahi kar rahi. Help me

Answer: Hazrat Imam e Jaffer sadiq a.s. farmatey he k jo surah e taha ko likh kar sabz rashmi kaprey me lappet kar apne pas rakhe aur shadi k qasad se kisi k pas jey to usi na kam nahi lotna pare ga aur wo shadi ho kar rahe gi. (Ref : Dunya Wa Akhirat ki 100 Pareshanion ka hal pg #18) Note: Wazifa bayan karne k sath aap ko in fiqhi masail ki taraf bhi mutwajjah kiya jata hay k : jins e mukhalif se dosti kerna jaiz nahei koun ke ghuna me mubtila hone ka khof majood he. ( kitab nigah aur libas ques # 106 , pg # 69). (Khuda aap ki tawfiqaat mein izafa farmaye)

Question: chehra ki ronaq ma izafa aur noor k liye dua aur amaal

Answer: Hazrat Imam Jaffar e Sadiq a.s. ka farman he ke “Namaz e shab charey ko zeba(khoob surat) aur Aqhlaaq ko acha banati he. Aur insan ko khushboo daar karti he. Rizq ki ziadti aur qarz ki adaigi ka baes benti he ghum ko door karti aur aankooh ko noor ata karti he”. Aik aur irshad k aik jumla he k namaz e shab charahey ko safaid aur khoobsurat karti he. (ref : Kitab payam e shifa pg # 147) (Khuda aap ki tawfiqaat mein izafa farmaye)