QURAN-O-ITRAT ACADEMY

Question: Mujhe study karna hai lekin jab mai study karne jaati to mujhe susti aati aur kuch samajh nai kya karoo aur padhai me dil nai lagta Toh plz iskeliye koi dua ya wazifa ho to bataiye jald hi

Answer: 1)Agar dil ilm k hasool may na lagta ho to surah e alaq ki ayat # 1 ta 5 likh kar is k galay may dalain aur pani par parh k pelain to zahan aur aqal ki tezi k liay bhi mujjarab hay. (Ref : Kitab naway salaheen pg no 346 ) 2) Imam Ali bin mosa raza (a.s) ka fermaan hay k jis ka nafs e ammara os ko ziyada waswasa daalta ho tu osay chahiay k Sotay waqt haath ko seenay per rakhain or 100 baar kahain “yaa mumeeto” “یا ممیت” yaah tak neend ajaay Allah os k nafs ko os k ikteyaar main day day ga.(Ref: mifta hul Hajaat, pg#222) 3)Agar koe shaks ziyada soota ho or deeni or dunyawi kaam main susti or kahili kerta ho tu wo sorah toor(sorah#52, ayat#48-9) ki aakhri 2 ayaat ko bloor(yani Crystal) k bertan per zafraan or saib(apple) rus se mila ker likhay or arq e gulab se dhoay or thorha sa angoor ka sirka is main daalay wo shaks sotay waqt 2 misqaal is main se khaay or 3 raato tak aisa karay tu deeni or dunyawi kaam main taqat milay gi or susti door hogi.(Ref: mifta hul Hajaat, pg#232) (Khuda aap ki tawfiqaat mein izafa farmaye)

Question: mae mahsos karta hon kae mae allah kae giraft mae hon ap koi aisa wazifa baty.....ap ka duagoh

Answer: Imaam Jaffar o Sadiq (a.s) se marvi riwayat ke mutabiq, her raat ko sone se pehle sura yaaseen ki tilawat karain. (Ref : mafaati ul jinaan , topic # Fazilat e Sura e Yaseen , pg # 04 , Allah Taala hi tofiqaat main izafa farmaane wala hai).

Question: meri jinsi taqat din ba din kam hote ja rahi hai mujhe koi aise dawa ya ilaj btae jsi se mere kami pore hojai?

Answer: Imam a.s. farmatay hein k jis ka nutfa kam ho ya kamzoor ho os k chahaea k sab se pehlay khuda ki bargah me istegfar karay aur is k bad anday(egg) aur piaz kasrat se khaien. (ref : kitab tib e islam pg # 54) (Khuda aap ki tawfiqaat mein izafa farmaye)

Question: mera sawal ye hai k meri mani bohat jaldi nikal jati hai or mere andar jisi taqat ki kami hogaye hai koi aise dawa ya ilaj btaye jis se mere mani barh jaye?

Answer: Imam a.s. farmatay hein k jis ka nutfa kam ho ya kamzoor ho os k chahaea k sab se pehlay khuda ki bargah me istegfar karay aur is k bad anday(egg) aur piaz kasrat se khaien. (ref : kitab tib e islam pg # 54)

Question: PASAND KI SHADI KAYLIYE WAZIFA BATA DAIN LARKAY KAY GHAR WALY MAAN JAEIN

Answer: 1 Larki , waldain ya larka har mah ki no’chandi jumarat ko bad az namaz e eisha (ya mou’ti) ko 11000 martaba aik hi bar parhain to matloob rishta hasil ho ga. (ref : kitab naway salaheen pg # 406) 2 Dua e tawassul ko her waqt perh saktay hain,laikin kisi khaas maqsad k liay is dua ko musalsal 14 dino tak rozana namaz e fajar k baad aik 2 rakat namaz e hajaat ada kernay k baad perh ker dua maangain. insha allah parvadigar aap k haq me jo behtar hoga wo karega .(Ref: Naeem ul aamaal pg# 40-41) (Khuda aap ki tawfiqaat mein izafa farmaye) Note: Wazifa bayan karne k sath aap ko in fiqhi masail ki taraf bhi mutwajjah kiya jata hay k : jins e mukhalif se dosti kerna jaiz nahei koun ke ghuna me mubtila hone ka khof majood he. ( kitab nigah aur libas ques # 106 , pg # 69). (Khuda aap ki tawfiqaat mein izafa farmaye)

Question: Mera penis chota aur patla hai penis ko lambaa aur mota karne ka trika batain

Answer: Arnica + Lycopodium + Olive.ye oil Penis k massage k liay behter hay laikin massasge bohot ehtiyaat se karain k kaheen mushtzani nah ker baithain. mushtzani(Handprctice) se bachain Q k hay harm hay or mushtzani kisi bhi sorat main jaiz nahi hay. (Ref http:/h/abchomeopathy.com/forum2.php/124370/ + http://sistani.org/index.php?p=616687&id=1213 )(Khuda aap ki tawfiqaat mein izafa farmaye)

Question: asalmalikum mai jis ladke ko pasand karti thi meri usse mangi hogayi hai lekin ab meri ammi usko pasand nahi karti hai plz kuch aisi dua batayia jisse unke dil mai us ladke keliye mohaabat hojaye aur jaldy hamari shaadi hojaye.

Answer: 1. larki ya larka har mah ki no’chandi jumarat ko bad az namaz e eisha (ya mou’ti) ko 11000 martaba aik hi bar parhain to matloob rishta hasil ho ga. (ref : kitab naway salaheen pg # 406) 2. Dua e tawassul ko her waqt perh saktay hain,laikin kisi khaas maqsad k liay is dua ko musalsal 14 dino tak rozana namaz e fajar k baad aik 2 rakat namaz e hajaat ada kernay k baad perh ker dua maangain. insha allah parvadigar aap k haq me jo behtar hoga wo karega .(Ref: Naeem ul aamaal pg# 40-41) (Khuda aap ki tawfiqaat mein izafa farmaye)

Question: Assalamualaikum, mere ek dost ke jeb, haath main se, tijori min se paise va zevar vagira kai muddat se chale jate hain.1 kaya padh hain jisse ye pise jane khatm ho aur 2 gaee hui raqm vapas ajae. karobar me bhi pareshani hai. jaakallah

Answer: 1. Husool e rizq or taraqqi e rizq k liay 11 martaba darood shareef parhnay k baad 141 mertabah ye zikr perha jaay. ﻴﺎ ﺮﺰﺍﻖ ﺍﺮﺰﻘﻨﻰ “yaa raz’zaaqo urzuq’nee”.(Ref: naaemul aamaal , pg # 315). 2. wos’at e rizq aur rozi k lie surah e qaaf 3 bar qibla ki taraf monh ker k parhein ajeeb asar rakhti he.(ref kitab payam e shifa pg # 227) 3. kisi gumsuda ya chori shuda maal k milnay k liay sab e jumaraat (wo raat jis k baad jumaraat ho) aik hi nashist may 201 martaba ye ayat (ﺍﻠﻢ ﺘﻌﻠﻢ ﺍﻦ ﷲ ﻴﻌﻠﻢ ﻤﺎ ﻔﻰ ﺍﻠﺴﻤﺎﻮﺍﺖ ﻮ ﺍﻷﺮﺾ ﺍﻦ ﺫﺍﻠﻚ ﻔﻰ ﻛﺘﺎﺐ ﺍﻦ ﺫﺍﻠﻚ ﻋﻠﻰ ﷲ ﻴﺴﻴﺮ ) matlooba maqsad k liay parhain to InshAllah maqsood hasil ho ga. (Khuda aap ki tawfiqaat mein izafa farmaye)

Question: MERI EK RISHTEDARNE KISI GAIR MAZHAB KE LADKE SE SHADI KAR LI HAI ARU HUM LOG USKO WAPAS APNE GHAR BULANA CAHATE HAI PER SIRF USI KO KOI DUA ZAROOR BATA DE

Answer: Ager larki musalmaan hai to us ko samjaain ke ye shadi Sharan batil hai, or ager wo larka musalmaan ho jaae to phir dono shadi kar sakte hain lekin dubara nikah hoga. (Ref : aqa sistani,Jadeed faqhi masail , masala # 393 , 394 , 395 , 396 , eidition # 5). Shab e jumma, shab e jumeraat ya roz e jumma bawazoo hone ke baad roh e qibla beeth kar sura e Muhammad ki tilawat karain, phir sura e anaam ki aayat 125 tak tilawat karain, phir foran khare hogaain or do (2) rakat namaaz e hajat pharye (1st rakat main al-hamd ke baad 7th mataba aayat ul al-kursi (al-aliyu al-azeem) tak, phir 7th martaba sura e kosar(inna aatyana) pharye, phir ruku o sujood anjaam de kar 2nd rakat bhi 1st ki terhan anjaam dejye, ) namaaz ke foran baad sura e anaam ki aayat no 124 se sura e anaam ki aakri aayat 165 tak tilawat kijye, pharne ke baad sajde main ja kar 70 martaba laa ilaha illa llaho muhammadon rasool u llahi pharye, phir ALLAH QAZI UL AL-HAJAAT se dua kijye INSHALLAH ALLAH QADIR O TAWANA ap ki dua qabool farmaae ga. (Ref : tajalliyaat e Quraan , pg # 41 , Allah Taala hi tofiqaat main izafa farmaane wala hai).

Question: Please ap mujhe qaid se jald se jald rehai ki koi dua bta dein jo hum kisi k liay parhen..kisi ki jald rehai k liay wazifa ho koi..

Answer: Agar koe qaidi surah e ambia ki ayat# 87 ( ﻻ ﺍﻠﻪ ﺍﻻ ﺍﻨﺖ ﺴﺒﺤﻨﻚ ﺍﻨﻰ ﻛﻨﺖ ﻤﻦ ﺍﻠﻆﺎﻠﻤﻳﻦ ) ko awal o aakhir salwat k sath har roz 100 martaba parhay to osay qaid say rehai naseeb ho gi. (Ref : Kitab naway salaheen pg no 363)