QURAN-O-ITRAT ACADEMY

Question: MAAL KI ZIYA DATHI KE WASTE DUWA IN AREBIC

Answer: 1.Husool e rizq or taraqqi e rizq k liay 11 martaba darood shareef parhnay k baad 141 mertabah ye zikr perha jaay. ﻴﺎ ﺮﺰﺍﻖ ﺍﺮﺰﻘﻨﻰ “yaa raz’zaaqo urzuq’nee”.(Ref: naaemul aamaal , pg # 315). 2.Moula Ali a.s. ka irshad he: “sadqa de kar rizq hasil karo”. Dosray maqam per Moula Ali a.s. ka irshad he : “jab faqir ho jao to Allaha se sadqe ke zarie tijarat karo” (ref : kitab payam e shifa pg# 236) 3. Dua e tawassul ko her waqt perh saktay hain,laikin kisi khaas maqsad k liay is dua ko musalsal 14 dino tak rozana namaz e fajar k baad aik 2 rakat namaz e hajaat ada kernay k baad perh ker dua maangain. insha allah parvadigar aap k haq me jo behtar hoga wo karega .(Ref: Naeem ul aamaal pg# 40-41) (Khuda aap ki tawfiqaat mein izafa farmaye)

Question: mere nafs se ziada qatrey atey hen mujhey koi tareqa baten

Answer: Sorah zumar(sorah#39) ki ayat # 67 qatray qatray peshab aanay k liay likh ker mareez ki kamar main bandh dain or zaafran se likh ker pee lain tu aap ko ifaqa hoga.(Ref: nawaay saliheen, pg#329). (Khuda aap ki tawfiqaat mein izafa farmaye)

Question: mery nafas se har subha ziada qatry ate hen mujhey koi tareqa bataen

Answer: Sorah zumar(sorah#39) ki ayat # 67 qatray qatray peshab aanay k liay likh ker mareez ki kamar main bandh dain or zaafran se likh ker pee lain tu aap ko ifaqa hoga.(Ref: nawaay saliheen, pg#329). (Khuda aap ki tawfiqaat mein izafa farmaye)

Question: Assalam o alaikum meri badi bahan ka rista kanhi nahi lagrah iske liye koi dua bataye or unki sahi jagah rista jald se jald tay ho jai iske liye or aisa dua bataye jise mai unke liye padh saku. ALLAH HAFIZ

Answer: 1.Agar sura-e-muzammil ko rozana aik aik dafa 41 days tak parh kar dua ki jai to (inshallah) yaqeenan rishta tay ho jaiga. (REF: Wazaif-ut-talib, pg no. 76). 2.Dua e tawassul ko her waqt perh saktay hain,laikin kisi khaas maqsad k liay is dua ko musalsal 14 dino tak rozana namaz e fajar k baad aik 2 rakat namaz e hajaat ada kernay k baad perh ker dua maangain. insha allah parvadigar aap k haq me jo behtar hoga wo karega .(Ref: Naeem ul aamaal pg# 40-41) 3.Shadi honay k liay Sadqa dain.sadqa har musibat or aafaat ko taal daita hay.(Ayat Ullah Seestani(d.b), minhaajus saliheen,Part#2,albaabus saani-fis sadqa,maslah#1601) . (Khuda aap ki tawfiqaat mein izafa farmaye)

Question: mujhe rohani sakoon chae,Allah ki mohabbat hasil karna chahti ho

Answer: Quran main Sorah e Ra,ad( Sorah#13 ) ayat#28 main hay k “ye wo loog hain jo emaan laay hain or in k dilo ko yaad e khuda se itmenaan hasil hota hay or aagaah ho jao k itmenaan yaad e khuda se hi hasil hota hay”.(Ref: zeshaan hiader jawwadi ka terjuma e quran, pg#537). Quran main Sorah e Aal Imran(sorah#3) ayat#31 main hay k “Ay peghamber! Keh dijiay keh agar tum loog Allah se muhabbat kertay ho tu mairi pairwi karo, khuda bhi tum se muhabbat karay ga or tumharay gunaho ko bakhsh day ga k wo berha bakshne wala or meherbaan hay.” Or isi sorah ki ayat#32 main hay k “keh dijiay k Allah or rasool ki ita,at karo k jo is se ro gardani karay ga tu khuda kafireen ko hargiz dost nahi rakhta. Note: Is ayat e karima ne bilkul wazeh lafzo main aylaan ker dia hay k amal k baghair dawaay muhabbat ki koe qimat nahi hay or amal o itteba(pairwi) ka asar khuda ki mahbobiyat or gunaho ki maghfirat ki shakal main zahir hota hay.itteba e rasool(s.a.w.w) k baghair muhabbat or maghfirat ka khwab kabhisharminda e tabeer{ pora} nahi ho sakta. Balkeh quran majeed tu itteba nah kerne walo ko lafz kafir se tabeer kerta hay jo bad bakhti ki sub se bad tareen manzil hay.( Ref: zeshaan hiader jawwadi ka terjuma e quran, pg#141). (Khuda aap ki tawfiqaat mein izafa farmaye)

Question: main apne husband pe bohat shak kerti hun... lekin main nahi kerna chahti plz mujhe kuch aisa bataen jisse main shak na kerun unpe...

Answer: Shohar bivi k liay or bivi shohar k liay ye amal anjam day sakti hay, matloob ko najaiz harakaat o ta,al,luqaat se baaz rakhne or buri adaat o fawahishaat se raah e raast par laanay k liay kisi bhi sherbat par Bismillaah hir rahmaaner raheem or sorah room(sorah#30) ki ayat #21 or sorah maidah(sorah#5) ki ayat#100 ko awwal o aakhir salawaat k saath 41 mertabah perh ker pilain tu wo bad kariyoo se kina kash rahay ga or shohar or bivi k dermiyaan muhabbat main izafa hoga.(Ref:Nawaay Saliheen, pg#351). (Khuda aap ki tawfiqaat mein izafa farmaye)

Question: Maulana sahab, main peshap kerne ke baad katron se pareshan houn aur aksar namaz bhi late ho jati hai. Please madad kijiye

Answer: 1. Sorah zumar(sorah#39) ki ayat # 67 qatray qatray peshab aanay k liay likh ker mareez ki kamar main bandh dain or zaafran se likh ker pee lain tu aap ko ifaqa hoga.(Ref: nawaay saliheen, pg#329). (Khuda aap ki tawfiqaat mein izafa farmaye)

Question: main nokri k baaray main bohat preshaan hoon pleas koi wazeefa bta dain k mujhay mere matlab ki job mil ja a?

Answer: 1. Job milnay k liay sadqa dain. Sadqe ki wajah se rizq naazil kiya jata he.(Ayat Ullah Seestani(d.b), minhaajus saliheen,Part#2,albaabus saani-fis sadqa, page no.425). 2. Husool e rizq or taraqqi e rizq k liay 141 mertabah ye zikr perha jaay. “yaa raz’zaaqo urzuq’nee” { یا رزاق ارزقنی}.(Ref: naaemul aamaal,pg#315). 3. Dua e tawassul ko her waqt perh saktay hain,laikin kisi khaas maqsad k liay is dua ko musalsal 14 dino tak rozana namaz e fajar k baad aik 2 rakat namaz e hajaat ada kernay k baad perh ker dua maangain..(Ref: Naeem ul aamaal pg# 40-41). 4. Hazrat Imam Jaffar e Sadiq a.s. ka farman he ke “Namaz e shab charey ko zeba(khoob surat) aur Aqhlaaq ko acha banati he. Aur insan ko khushboo daar karti he. Rizq ki ziadti aur qarz ki adaigi ka baes benti he ghum ko door karti aur aankooh ko noor ata karti he”. Aik aur irshad k aik jumla he k namaz e shab charahey ko safaid aur khoobsurat karti he. (ref : Kitab payam e shifa pg # 147). (Khuda aap ki tawfiqaat mein izafa farmaye)

Question: meri soch bohat gandi hai main her orat ko dekh k buray khyaal lata hoon ic se bachne k liye koi tadbeer bta dain?

Answer: 1 Wazifa: Aap tazkiya e nafs or roshan qalbi k liay namaz e subah or isha k baad awwal o aakhir 7 mertaba salawaat k saath 100 mertaba sorah shoora(Sorah#42) ki ayat#53 perhain tu insha Allah zahiri or batini aalisho or khabasato se nafs bazaar hoga. Agar kisi ko her waqt ganday khiyalaat aatay rehtay hoon jin ki wajah se zehen muntashir rehta ho or dil o dimaagh per buray khiyalaat cha,ay rehtay hoon tu osay chahiay k wo shaitani waswaso or buray khiyalaat se mehfooz rehnay k liay her namaz k baad or raat ko sonay se pehlay sorah mominoon(Sorah#23) ki ayat #97 or 98 perh liya karain.(Ref: Nawaay sahiheen, pg#335) 1. Imam Ali bin mosa riza (a.s) ka fermaan hay k jis ka nafs e ammara os ko ziyada waswasa daalta ho tu osay chahiay k Sotay waqt haath ko seenay per rakhain or 100 baar kahay “yaa mumeeto” “یا ممیت” yahaan tak neend ajaay Allah os k nafs ko os k ikteyaar main day day ga.(Ref: mifta hul Hajaat, pg#222). 2. Toba karein Parwar digar ne quran me wadah kia he k wo toba karney walon ki toba ko qabool karte he aur aisa hirgis nahi ho sakhta he k wo apne wadeh per amal na karey. Aur ghuna se bachney k lie mazboot irada chahiea. (Ref: sistani.org ques # 1, toba). (Khuda aap ki tawfiqaat mein izafa farmaye).

Question: Asslamun alykum, mera sawal ye hai ki meri sadi ke liye muje khubsurat hoor jaisi aur naik parijgar ladki chaiye. Magar me itna khubsurat nahi hu. Muje koi wajifa bata dizye . Jazak allahu khair.

Answer: Mard ko chahae k jis aurat se shadi karna chahta he os me on sifaat aur khososiyaat ko pesh e nazar rakhay jo aik misali khatoon me honi chahae jo pak daman, shareef ul asal aur naik ho aur dunyavi aur ukravi muamilaat me sohar ki madad gar sabit ho. Mard k lie ye munasib nahi he k biwi k intikhab me is ka metmae nazar sirf is ka zaaheri husn o Jamaal aur maal o dulat ho. (Ref : Jaded Faqhi Masayl Ayat ullaha Sistani d.b. Masla # 386 pg # 232). Note: jins e mukhalif se dosti kerna jaiz nahi Q k ghunah me mubtila hone ka khof majood he. (kitab nigah aur libas ques # 106 , pg # 69). (Khuda aap ki tawfiqaat mein izafa farmaye) Wazifa: Dua e tawassul ko her waqt perh saktay hain,laikin kisi khaas maqsad k liay is dua ko musalsal 14 dino tak rozana namaz e fajar k baad aik 2 rakat namaz e hajaat ada kernay k baad perh ker dua maangain. insha allah parvadigar aap k haq me jo behtar hoga wo karega .(Ref: Naeem ul aamaal pg# 40-41)