QURAN-O-ITRAT ACADEMY

Question: AOA.Mera sawal ye hay kay mujhay khauf rhta hay k main kahin jldi na mar jaon.Apni lambi umar ki Dua mangna kaisa hay? Aur Apni lambi umar kylie koi wazifa ya Dua batayen. JazakAllah

Answer: Jee han, apni lambi umr ke liye dua ki ja sakti hai. Wazifa:- Har namaz ke bad Hazar(1000) martaba (یَا حَیُّ) ka zakr hamaisha parhna, naghani aur achanak maut se bachata hai aur parhne wale ki umr toolani kar deta hai. (Ref: Dunya o aakhirat ki 100 pareshaniyon ka hal, pareshani #11, pg #12). [Updated on 10-Nov-2021:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Assalamualaikum agha..... Mujhey ye bataney ki zehmat karey ki pahli sa'at ka kya matlab hota hai.

Answer: wa alaikum assalam, aap ka sawaal adhura he is lie ham is ka adhura jawab hi de sakte hen, pehli sa'at ka matlab he pehli ghari ya pehle pehel ya pehla waqt, poora tarjuma mukammal jumle ke sath hi ho sakta he. [Updated on 30-Aug-2021:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Salam ,ma bht preshan hu ,mere hr kam my rekawat a rhi ha ,job ,shadi hr kam my ,kam hute hute nhi huts ,plz meri madad kre

Answer: 1: Pareshani doori hone k lie wazifa: Har qism ki pareshani ka liya surah e Mubarak e Anaam ayat #17 (in yamsask . . . . . . .al khabir) ko fajr say pehlay likh kar apna pas rakhain. Inshallaha faida ho ga. (Ref: kitab payam e shifa, pg #221,282). 2: Rizq k lie wazifa: Husool e rizq or taraqqi e rizq k liay 141 mertabah ye zikr perha jaay. “yaa raz’zaaqo urzuqnee”. (Ref: naaem ul aamaal, pg #315). 3: Shadi k lie wazifa: Rasool e akram ne farmaya: Surah yaaseen ki tilawat kiya karo is me 10 barkaten hain (us me se aik ye hai k) jin ki shadi nahin hoi hai wo shadi shuda ho jaaye gay. (Ref: Dunya Wa Akhirat ki 100 Pareshanion ka hal, pg #18). [Updated on 13-Jul-2021:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Mera nikah ho gya pr ruksti nai hoi mery ami abu dono nai hai bhai abi ruksti nai krna chahta ap koi wazifa btyain ruksti jaldi ho jye. Kam shor krna hai online or mery husband ka bi kam nai hai abi tu os ky liye btye ky un ki achi jaga job ho jye

Answer: Talab e hajat k liye 686 martaba Bismil,laah,hir Rahmaanir Raheem (بِسْمِ اللّٰهِ الرَّحْمٰنِ الرَّحِیْمِ) parhein aur isi terha 676 martaba dorood Allaa,humma sal,li ala muhammed wa aali muhammed (اللَّهُمَّ صَلِّ عَلَى مُحَمَّدٍ، وَعَلَى آلِ مُحَمَّدٍ) parh kar dua ki jay to INSHALLAH dua or khahish pori hogi. (Ref: Naeem ul Amaal, page #314) [Updated on 30-Apr-2022:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Mery dimagh par booj hy kya kor jadoo hy

Answer: Dua e sabasab parhi jaey. (Ref: https://www.duas.org/sabaasab.htm) [Updated on 07-Jun-2022:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Asalamwalaikum main din raat mehnat karta hun kaam karta hun lkn rizq main koi barkat nai aarhii hai naa hee koi maslay haal ho rhy hain please koi aisa wazifa ya haal batayein jisay meri pareshaanii duur hojaye.

Answer: Surah e Zariyaat (surah #51) aur surah e alam nashrah (surah #94) ke parhnay walay ke liye Khair o barkat main izafa aur rizq mai ziyadti hoti hai aur is ke ahl o ayal ki rozi wasee (ziyada) hoti hai ye amal tajreba shuda hai. (Ref: Kitab payam e shifa, Mafhoom e Page #236). [Updated on 14-Apr-2022:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: A. A mara beta 2.5 years ka h but bohat krta ha bohat zid krta kahain lyk jaun to rony wali hojati hun aisa sharminda krwadyna h plz mje koi wazifa btadain ma bri sukr guzar hungi apki

Answer: Rozana raat ko sone se pehle us per Sura e Yaseen parhain or is ka pani pilain. (Ref: Tajalliyaat e Quraan, page #102). [Updated on 14-Apr-2022:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: As Salam Alekum Janab mere shadi ko 5 saal hone wale hain aur meri abi tak aulad ni huwe. Muja is k bare ma koi acha sa qurani wazifa btaye aur dosra yah mere wife ko mensis ki problem hai 3 yah 4 mahine k bad ati hai is ka b ilaj btaye plz

Answer: 1. Sheikh bahai farmatay hein: jis aurat ko hamal na hota ho ye ayat haroof e muqatteaat likh kar aurat k pehlu me bandhein hamila ho jay gi. Sheikh bahai farmatay hein k me ne ye ayat 900 auratoon ko likh kar diya sab hamila ho gayen. Surah e rad ayat #31 (wa lou an’na . . . . . . . .jamee’un). (Ref: Kitab Payam e Shifa, pg #283) 2. Hazrat Imam Mohammad baqir(a.s) se riyawat he k jis k aulad na hoti ho wo har roz 100 martaba ye istigfar parhay. (astagfirullaha rabbi wa atooboo eilaihi). (Note: menses ke problem ke liye doctor se ruji karen). [Updated on 11-Apr-2022:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: A salam alikum Mujhy bury khayal aty hy k mery sath bura hoga or jo chez sochta hu bura wahi mery sath hojata hy hamesha plz koi wazifa bata dy

Answer: 1-Imam jaffer sadiq a.s irshad farmate hain keh: Jo shaks sorah e juma ko raat, din ya asr k waqt tilawat kare gat u wo shaitani waswasae se amaan main hoga. (Ref: Dunya o akhirat ki 100 preshaniyo ka hal, pg#51). 2- Ayatullah behjat shaitani waswaso ko door karne k liay “Laa haula walaa qoowata illaa billaahil aliyil azeem” ۔(لا حول ولا قوۃ الا باللہ العلی العظیم) perhne ki bohot takeeed farmate thay. (Ref: Dunya o akhirat ki 100 preshaniyo ka hal, pg#52). [Updated on 07-Aug-2021:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: AoA sir muj p asiab ka asar h is what mry or mry husband k beach bhht lrai hoti h olad b NH hora h 2year hogay shadi ko plz wazaifa btaden tbiat b khrab h sans leny min msla h wazifa btaden mry or mry husband k beach lrai b khtm ho olad ho

Answer: 1: Asraat k khaatme k liay dua sabasab ko parha jaey.or ye dua book wazaaifulabraar me moujood hay 2: Mian biwi ki aik doosray se mohabbat o ulfat k lie har namaz k bad surah e mumtahina ki ayat #7 ko 7 martaba parha karain. Is se donoo me bai-misal mohabbat qaim ho jay gi. 3: Hazrat Rasool S.A.W.W. k irshad hay k: Bimar apna ilaj sadqa dainay say karay. 4: 70 Baar Surah-e-Hamd ka Parhna har Qisam ke Dard ke liye Shifa hai balkay har Bimari ke liye Shifa hai. (Ref: Payam-e-Shifa, Page #22,189. + Naway Saliheen, Page #309,404). [Updated on 15-Mar-2022:: Khuda aap ko Uloom e Aal e Muhammad(s.a.w.w) sekhne ka ajar ata farmaey]