QURAN-O-ITRAT ACADEMY

Question: i love a guy and he loves me too, but he is so aggressive, baat baat pay ghussa kerta hai, cuz of this problems hotay hain aur wo meri baat nahi sunta ghussay may. plz tell me wazeefa, os sy shaadi hojai aur wo tahamul sy meri baat b sunay

Answer: Shadi k liay wazifa: 1. Agar sura-e-muzammil ko rozana aik aik dafa 41 days tak parh kar dua ki jai to (inshallah) yaqeenan rishta tay ho jaiga. (REF: Wazaif-ut-talib, pg no. 76). 2. Dua e tawassul ko her waqt perh saktay hain,laikin kisi khaas maqsad k liay is dua ko musalsal 14 dino tak rozana namaz e fajar k baad aik 2 rakat namaz e hajaat ada kernay k baad perh ker dua maangain. insha allah parvadigar aap k haq me jo behtar hoga wo karega .(Ref: Naeem ul aamaal pg# 40-41) 3. Shadi honay k liay Sadqa dain.sadqa har musibat or aafaat ko taal daita hay.(Ayat Ullah Seestani(d.b), minhaajus saliheen,Part#2,albaabus saani-fis sadqa,maslah#1601) 4. sorah taahaa ki ayat # 131 or 132 ko lerki k baazo(arm) per baandh diya jay insha allah jald rishta aay ga.(Ref: Naeem ul aamaal pg# 328) 5. Jo mard aurat shadi chahte hein. Wo surah e taha ayat # 131,132 (wala tamud’dannah. . . . .. . .. . .. lit taqwa) ka taweez likh kar gale me dalein. is ayat ke bad darood bhi likhein. (Ref : Kitab Payam e Shifa pg # 282) Ghusa khatam kerne k liay: Agar koe baat baat par chirh chirhay pan ka shikaar ho tu sorah e aalay Imran(sorah#3) ki ayat#134 ko 7 baar pani per perh ker pila dain tu osay bad akhlaqi or ghussay se nijaat milay gi.(Ref: nawaay Saliheen, pg#346). (Khuda aap ki tawfiqaat mein izafa farmaye)

Question: Aslam o alaikum me kisi ko boht cahta ho aur me chata ho wo mera ho jai

Answer: Dua e tawassul ko her waqt perh saktay hain,laikin kisi khaas maqsad k liay is dua ko musalsal 14 dino tak rozana namaz e fajar k baad aik 2 rakat namaz e hajaat ada kernay k baad perh ker dua maangain. insha allah parvadigar aap k haq me jo behtar hoga wo karega .(Ref: Naeem ul aamaal pg# 40-41) Note: Wazifa bayan karne k sath aap ko in fiqhi masail ki taraf bhi mutwajjah kiya jata hay k : jins e mukhalif se dosti kerna jaiz nahei koun ke ghuna me mubtila hone ka khof majood he. ( kitab nigah aur libas ques # 106 , pg # 69). (Khuda aap ki tawfiqaat mein izafa farmaye)

Question: mera ap say sawal yeah hay k may apnay husbad ki dosri biwi hon pehli biwi say unki ki teen baytian hen abhi meray husband ain bayta chahtay hen.mujhy 7 month laga hay kia mumkim hay k abhi koi wazifa aisa karon k mera bayta paida ho?

Answer: 1. Agar Sorah e meryam(Sorah#19) ki ayat# 5 or 6 ko likhain or os se pehlay bismillah Hir Rahmaanir raheem likh ker aurat ki qamar main baandhain tu os k haan baita paida hoga.(Ref; nawaay saliheen, pg#344). (Khuda aap ki tawfiqaat mein izafa farmaye)

Question: meri shadi ko 7 saal ho gay hain magar mujhe abhi tak aulad nahi hue. apna checkup karaya to pata chala ki mere sukranu ki kami hai. pls sukranu badane ka tariqa batayen. jisse khuda mujhe aulad nasib famayen.

Answer: Umar bin Hasnah Jammaal ka nutfa kam pehlta tha yani es ke mani main kamzori thi.os ne imam a.s se es cheez ke shikayat ki tu imam a.s ne farmaya! k tum sab se pehly khudaay Aazwajal ki baargah main istighfaar karo or is ke baad andey or Piyaaz kasrat se khao.Jin logon ko ye kamzori ho onhain chahiay k kasrat se andey or Piyaaz khayen.(Ref : (Ref : Kitab Tib-e-islami Pg # 54). (Khuda aap ki tawfiqaat mein izafa farmaye)

Question: Hzth koi aisa vazifa bataye jis se mai gunahon se bach sakun

Answer: Wazifa: Aap tazkiya e nafs or roshan qalbi k liay namaz e subah or isha k baad awwal o aakhir 7 mertaba salawaat k saath 100 mertaba sorah shoora(Sorah#42) ki ayat#53 perhain tu insha Allah zahiri or batini aalisho or khabasato se nafs bazaar hoga. Agar kisi ko her waqt ganday khiyalaat aatay rehtay hoon jin ki wajah se zehen muntashir rehta ho or dil o dimaagh per buray khiyalaat cha,ay rehtay hoon tu osay chahiay k wo shaitani waswaso or buray khiyalaat se mehfooz rehnay k liay her namaz k baad or raat ko sonay se pehlay sorah mominoon(Sorah#23) ki ayat #97 or 98 perh liya karain.(Ref: Nawaay sahiheen, pg#335). (Khuda aap ki tawfiqaat mein izafa farmaye)

Question: sir i m very tns apnay relation ko le k hm logo k dermyan bht laraiyan hoti hain ap koi wazifa ya dua bata dain k hamari laraiyan khatam ho jain...

Answer: 1- Kisi 2 fard k darmian sulah karanay k lie surah e maraij ko 80 bar parhe. (Ref : Dunya Wa Akhirat ki 100 Pareshanion ka hal pg # 84) 2- Dua e tawassul ko her waqt perh saktay hain,laikin kisi khaas maqsad k liay is dua ko musalsal 14 dino tak rozana namaz e fajar k baad aik 2 rakat namaz e hajaat ada kernay k baad perh ker dua maangain. insha allah parvadigar aap k haq me jo behtar hoga wo karega .(Ref: Naeem ul aamaal pg# 40-41). (Khuda aap ki tawfiqaat mein izafa farmaye)

Question: Asalam o alaikum mere shadi main mujhay lagta hai koi bandish hai q k jab bhi mere shadi ka koi silsila hota hai koi na koi problum hojati hai mere age 32 hogai hai?ap koi hal batain mera taluq firqa sunni say hai.shukriya

Answer: Note : Is website per fiqhae jaffaria k mutabiq jawabaat diay jatay hein. 1. Agar sura-e-muzammil ko rozana aik aik dafa 41 days tak parh kar dua ki jai to (inshallah) yaqeenan rishta tay ho jaiga. (REF: Wazaif-ut-talib, pg no. 76). 2. Dua e tawassul ko her waqt perh saktay hain,laikin kisi khaas maqsad k liay is dua ko musalsal 14 dino tak rozana namaz e fajar k baad aik 2 rakat namaz e hajaat ada kernay k baad perh ker dua maangain. insha allah parvadigar aap k haq me jo behtar hoga wo karega .(Ref: Naeem ul aamaal pg# 40-41) 3. Shadi honay k liay Sadqa dain.sadqa har musibat or aafaat ko taal daita hay.(Ayat Ullah Seestani(d.b), minhaajus saliheen,Part#2,albaabus saani-fis sadqa,maslah#1601) 4. sorah taahaa ki ayat # 131 or 132 ko lerki k baazo(arm) per baandh diya jay insha allah jald rishta aay ga.(Ref: Naeem ul aamaal pg# 328) 5. Jo mard aurat shadi chahte hein. Wo surah e taha ayat # 131,132 (wala tamud’dannah. . . . .. . .. . .. lit taqwa) ka taweez likh kar gale me dalein. is ayat ke bad darood bhi likhein. (Ref : Kitab Payam e Shifa pg # 282). (Khuda aap ki tawfiqaat mein izafa farmaye)

Question: AOA ek pareshani h hmare 22000rs ek compny me lge hue h. N 1 sal hone aya h wo pese wapas nh milre h. Bht tension hora h me chahti hu jald se jald pese wapas mile. Plz koe wzifa btaye jise muje mere pese waps mile. Shukriya plz rly soon

Answer: Qarz ki wusooli or doobi hoe raqam k husool or deegar huqooq ki baazyabi waghaira k liay hazr or safr main muta,al,liq afraad ki tasaw,wuraati tasweer zehen main rakh ker awwal o aakhir salawaat k saath in 3 ayaat ko 41 mertaba perha Karain tu matlab pora hoga. 1:(اِنَّ اللّٰہَ فَالِقُ الۡحَبِّ وَ النَّوٰی) (sorah inaam, sorah#6, ayat#95). 2: (وَاللّٰہُ غَالِب عَلٰی اَمرِہ) (sorah yousuf, sorah#12, ayat#21) 3(وَأُفَوِّضُ أَمْرِي إِلَى اللَّهِ) (sorah mo’min, sorah#40, ayat#44).(Ref: nawaay saliheen, pg#341) (Khuda aap ki tawfiqaat mein izafa farmaye)

Question: hone wale shohar k dil me mohabbat paida krne ka wazifa or dua bata dijiye..

Answer: 1. Ager koe 100 martaba Paak Matti per Dam kare or jis Shak’s ke naam se behty pani main dale tu wo dost ho jaye ga. (Ref : Kitaab Wazaif-e-Nad-e-Ali a.s Pg # 14). 2. Angoor ya kishmish per 700 martaba Nad-e-Ali a.s Dam kar ke jis ko khilain tu wo us ki muhabat main Ashiq or deewana ho ga. (Ref : Kitaab Wazaif-e-Nad-e-Ali a.s Pg # 14). (Khuda aap ki tawfiqaat mein izafa farmaye)

Question: quran roz pdne s. kya halat sudhar sakte h. m bot prshan reta hu. apne rozgar or deegar msail s

Answer: 1. Job milnay k liay sadqa dain. Sadqe ki wajah se rizq naazil kiya jata he.(Ayat Ullah Seestani(d.b), minhaajus saliheen,Part#2,albaabus saani-fis sadqa, page no.425). 2. Husool e rizq or taraqqi e rizq k liay 141 mertabah ye zikr perha jaay. “yaa raz’zaaqo urzuq’nee”.(Ref: naaemul aamaal,pg#315). 3. Dua e tawassul ko her waqt perh saktay hain,laikin kisi khaas maqsad k liay is dua ko musalsal 14 dino tak rozana namaz e fajar k baad aik 2 rakat namaz e hajaat ada kernay k baad perh ker dua maangain..(Ref: Naeem ul aamaal pg# 40-41). 4. wos’at e rizq aur rozi k lie surah e qaaf 3 bar qibla ki taraf monh ker k parhein ajeeb asar rakhti he.(ref kitab payam e shifa pg # 227) NOTE: Bayshak Quran Majeed Main Deni or dunyawi bay shumaar fawaa,id hain magar tilawat e Quran e paak khalisatan Allah k liay kerni chahiay baaqi fawaa,id khud bakhud hasil hojain gay or Qurani ki tilawat main har parishaneon ka haal Maujood hai Quran kareem ki Tilawat se Dunniyawi wa Uhkravi fawa,id hasil hote hain or Ahadees main bhi Quran Majeed ki Tilawat ki Taqeed hai or jis ghar main kasrat se quran ki tilawat ki jati he os main kher o barkat ka izfa hota he or os k ehel main wus,at aajati he. Laihaza Quran ki Tilawat ko Apna Mamool Banayen.(payaam e shifa, pg#40-42 ka khulasa). (Khuda aap ki tawfiqaat mein izafa farmaye)